Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· декември, 2014

Написи од Заокружено од декември, 2014

Kампањата #ISurvivedEbola (#ЈасПреживеавЕбола) со своето прво видео

Кампањата #ISurvivedEbola (ЈасПреживеавEбола) го пушти своето прво видео во кои се прикажани луѓе кои преживеале Ебола од Либерија, Сиера Леоне и Гвинеја. Мултимедијалната кампања ги ангажира преживеаните од ебола да ги споделат нивните приказни на надеж и издржливост:

Ова е првото од серијата видеа кои ќе се објавуваат како дел од #ЈасПреживеавЕбола, мултидимензионална транс-медиумска кампања која ги става западно-африканските преживеаните од ебола и нивните приказни во центарот на напорите за спречување на ширењето на вирусот. Преживеаниот од ебола, Вилијам Поопеи дава нарација на видеото, раскажувајќи ја приказната за тоа како тој и неговиот син, Патрик, се заразиле и успешно закрепнале од ебола во Либерија. Со глас во кој само од време на време може да се забележи тагата која ја искусил, Вилијам раскажува на светот како тој ја изгубил неговата жена и 13 други членови на семејството (под сомневање) од ебола, и како раниот третман му помогнал на него и на неговиот син да закрепнат. Тој го завршува видеото со посветување на едукација на неговите сограѓани Либеријци за тоа како тие можат да се заштитат – посветеност која ќе ја води #ЈасПреживеавЕбола.

Надеж во средина на епидемијата: Приказната на преживување на Вилијам од #ISurvivedEbola на Вимео.

Марш за солидарност со емигрантите кои исчезнаа обидувајќи се да дојдат во Европа

Human Chain in Strasbourg (Photo Suzanne Lehn)

Пароли на маршот во одбрана на емигрантите во Стразбур (Фотографија на Сузан Лен)

„Европа се бори со нејзините измислени непријатели“: Ова е пораката која десетици асоцијации во одбрана на емигрантите сакаа да ја пренесат кога организираа човечки синџир помеѓу трамвајската станица „Droits de l'Homme“ (Човекови права) и седиштето на Парламентот на ЕУ во Стразбур на 26 ноември. Со цел враќање на човековите права во сржта на Европа и против полисата усвоена од Европската агенција за гранична контрола Фронтекс, демонстраторите носеа пароли преку кои ги раскажуваа трагичните несреќи на емигрантите кои се обидуваат да дојдат во Европа. Во изминативе 20 години, повеќе од 20.000 емигранти загинаа или исчезнаа обидувајќи се да дојдат од своите родни градови до Европа.   

Еве неколку фотографии од настанот :

chaîne humaine migrants

Синџирот од луѓе пред Европскиот Парламент во Стразбур (фотографија на Сузан Лен)

Les participants attendent leur tour de parole avant de se diriger vers le Parlement européen (photo Suzanne Lehn)

Демонстратите зборуваат еден по еден како што се движат кон парламентот (фотографија на Сузан Лен)

Dans le fond, la Cour Européenne des Droits de l'Homme (photo Suzanne Lehn)

Во позадината, Европската Комисија за човекови права (фотографија на Сузан Лен)

Поетски проект ги премостува јазичните и културните бариери помеѓу арапскиот и еврејскиот народ во Израел

The Two Project promotes Arabic and Hebrew arts and culture through the language of poetry.

Проектот Два промовира арапска и еврејска уметност и култура преку јазикот на поезијата.

Пуштен е проектот Два, колаборација помеѓу израелски Евреи и Арапи да ги поврзат нивните култури низ јазикот на поезијата. Двата, еврејскиот и арапскиот се официјални јазици во Израел. Работен во изминативе шест години, проектот е изданок од неодамна објавената книга, Два: Билингвална Антологија (линкот е на еврејски).

На нивниот веб-сајт, создавачите на проектот Два Алмог Бехар, Тамер Масалха, и Тамар Веис пишуваат [евр/ар]:

Сајтот е дел од проектот Два: билингвален културолошки проект фокусиран на литературата и поезијата на младите. Неговата цел е да создаде конвергенција на дијалогот помеѓу двете различни култури на Израел, на арапски и на еврејски. [Проектот претставува] нова генерација на писатели и читатели, кои поради јазичните бариери, културата, политиката, и физичките ограничувања не се запознаени со тоа што се случува на модерната литературна сцена кај нивните соседи.

Анат Нив, главен уредник на Кетер Издаваштво, која е одговорна за антологијата, забележува:

Самиот факт што држите книга и ја читате на еврејски, со текст на арапско писмо на корицата, и обратно, е многу моќно икуство. Дури и да не читате арапски, кога ја читате оваа книга не можете да останете незапознаени со фактот дека ова е место каде луѓето живеат и создаваат на два јазика.

Следете го проектот на нивната веб страница или на Фејсбук на еврејски и арапски. Два нови автори, израелски Арап и израелски Евреин, ќе бидат објавувани секој месец.

Итапеби, руралниот туризам во Аргентина

Венцеслао Ботаро, кој блогира за Blucansendel, ни презентира обид за одржлив рурален туризам: Итапеби Куќата на село, која се наоѓа во аргентинската провинција Ентре Риос, во близина на Gualeguaychú.

Итапеби е домот на Попи и Родолфо, кои се занимаат со земјоделство и одгледување на крави, прасиња, живина и овци, а на посетителите ги нудат производите од нивниот труд. Доколку посетителите изразат желба, тие можат да бидат дел од секојдневните активности од руралното живеење, како што е мелење на пченицата за брашно, молзење или сечење. Тие исто така можат да јаваат на коњ, да пешачат или да набљудуваат птици.

Fotografía extraída del blog Blucansendel, utilizada con autorización

Фотографија од блогот Blucansendel, искористено со дозвола.

Посетителите можат исто така да уживаат и во селските домашно приготвени специјалитети: похован зеленчук, колачи, леб, слатки, сите направени од Попи. Се што се произведува во Итапеби исто така и се конзумира: животните, млечните производи, зеленчукот, шунката, колбасите, саламите, итн. Итапеби прави комбинација од руралниот стил на живеење со комфор за гостите:

La Posada es el área destinada a los visitantes. Es una construcción cubierta por un espeso techo de paja y chapas debajo del cual hay cinco habitaciones, enormes, confortables y de lujosa rusticidad. La Posada está rodeada por un deck/galería donde cuelgan hamacas paraguayas dispuestas de manera estratégica para disfrutar de las salidas y las puestas del sol. Todo el conjunto está envuelto por el aroma de las flores que rodean la casa.

The Inn (Инот) е областа за посетителите. Тоа е зграда прекриена со дебел сламен покрив. Под тоа, има пет спални соби, огромни, удобни и со луксузна рустикалност. Инот е опкружен со трем каде висат парагвајски лежалки, стратешки поставени за да може да се ужива и во изгревот, но и во зајдисонцето. Целиов сет е прекриен со мирисот на цвеќињата кои ја опкружуваат куќата.

Можете да го следите Венцеслао Ботаро на Твитер.

Овој пост е дел од дваесет и осмиот #LunesDeBlogsGV (Понеделник на блогови на ГВ) на 10ти ноември, 2014.

Фејсбук корисник од Иран осуден на смрт

Сохеил Араби е осуден на смрт бидејќи го навредувал пророкот Мухамед на Фејсбук. Револуционерната гарда го уапси Сохеил Араби во текот на ноември 2013. Твитер корисникот од Иран Велгард твиташе за оваа случка, објаснувајќи дека Араби е само 30 годишен Ирачанец кој не е политички активист, туку само „еден од нас“. Неколку блогери и корисници на Фејсбук беа уапсени во последниве 12 месеци.

Истражување, имплементација и влијание, дали е корисно тоа што го истражуваат универзитетите?

Коментар за тоа дали популацијата ги цени истражувањата спроведени од универзитетите, го поттикна членот на академската заедница Цезар Вилориа да ја расветли оваа проблематика на неговиот блог.

Околу истражувањата, мораме да знаеме дека се поделени во две гранки: базични истражувања и апликативни (акциони) истражувања. Првите го зголемуваат или креираат знаењето, како и го развиваат и модифицираат веќе постоечкото знаење. Од друга страна, акционите истражувања се фокусираат на апликацијата и корисноста на овие знаења врз популацијата. Исто така постојат и разлики во долгорочноста, првите имаат долгорочни резултати и последици додека вторите покажуваат среднорочни резултати.

Можеби сега си мислите, што е со сите оние формули со невозможни броеви? Блогот има одговор и за ова прашање:

Encontramos una gran cantidad de elementos en estos artículos que pueden dificultar la lectura si lo que queremos saber es “de qué trata” pero servirían de gran ayuda si somos investigadores relacionados con el tema y queremos saber el “cómo lo hicieron”. Sin embargo, generalmente en la introducción y las conclusiones de estos textos es posible comprender una idea general del “para qué sirve”.

Наоѓаме неколку елементи во овие предмети кои можат да ги направат тешки за читање, доколку сакаме да знаеме „за што се работи“, но тие ќе бидат многу корисни доколку ние како истражувачи се инволвираме во темата и сакаме да дознаеме „како го направиле тоа“. Сепак, вообичаено, во воведите и заклучоците на ваквите текстови, можно е да се разбере генералната идеја „за што служи ова“.

За повеќе информации, Унихорте лансираа програма наречена Науката на дофат, со цел да направат сите ние да се почуствуваме како дел од научната заедница.

Можете да го следите Цезар Вилориа Њуњез на Твитер.

Овој пост е дел од дваесет и шестиот #LunesDeBlogsGV (Понеделник на блогови на ГВ) на 27ми октомври, 2014.

Доминиканската Република прогласена за виновна за дискриминација на Хаиќаните

Според извештаи од шпанскиот весник El País, интерамериканскиот Суд за човекови права (CIDH) ја прогласи за виновна [шпански] Доминиканската Република за дискриминација на Хаиќаните и нивните потомци родени во државата во гласање во среда, 22ри октомври. 

Судот за човекови права, CIDH, кој се наоѓа во Сан Хозе, Коста Рика, пресуди дека доминиканската влада го прекршила правото на државјанство на стотици илјади потомци на доселеници што произлезе од одлуката на Уставниот суд на Доминиканската Република во 2013, која прогласи дека сите потомци на нелегалните имигранти од 1929 па до денес, се странци, одлука која влијае на неколку генерации. 

Судот за човекови права (CIDH) нареди на доминиканската влада да направи репарација и да ги укине сите регулативи кои арбитрарно ги лишуваат личностите од неговото или нејзиното право на државјанство.

Интернетот на нештата и „паметните“ посеви

Денес не е доволно да се зборува само за интернетот. Овој концепт се рашири и претставува добар предизвик за оние кои сакаат да станат електрични инженери. Цезар Вилориа Њуњез, професор на Universidad del Norte во Баранкуила, Колумбија, објаснува што претставува интернетот на нештата:

Consiste en que las cosas en general estén conectadas y que no solo las personas ingresemos información a la red, sino que las cosas mismas generen información, la compartan entre ellas y tomen decisiones con el fin de automatizar distintos procesos.

Се работи за генералната поврзаност на нештата и не само луѓето да придонесуваат со податоци на веб, туку и нештата сами по себе да генерираат податоци, кои тие ќе ги споделуваат и прават одлуки кои имаат за цел автоматизирање на разни процеси.

Иако инженерот Вилориа Њуњез се обидува да го објасни концептот со пример на „паметен замрзнувач“,  исто така споменува и „паметни“ посеви. Тој се прашува:

¿Qué tal una red de sensores en el terreno cultivado que identifique qué tan húmedo o seco está el suelo para activar automáticamente el sistema de riego? Tal vez dependiendo de qué tan maduro esté el producto cultivado se requiera más o menos agua, o más o menos fertilizantes, o los sensores pueden identificar si el cultivo está siendo atacado por alguna plaga para activar el suministro automático de insecticida.

А што ќе кажете за мрежа од сензори на култивирано земјиште кои идентификуваат колку е сува или наводнета почвата и автоматски го активираат системот за наводнување? Можеби потпирајќи се на тоа колку се зрели култивираните продукти, ќе им треба помалку или повеќе вода, повеќе или помалку ѓубриво, или сензорите би можеле да идентификуваат доколку посевот е нападнат од некоја болест за да активираат автоматска залиха од инсектициди.

Добредојдовте на интернетот на нештата.

Доколку ве интересира наука, не заборавајте да го следите Цезар Вилориа Њуњез на неговите профили на Линкдин или Твитер.

Овој пост е дел од дваесет и осмиот #LunesDeBlogsGV (Понеделник на блогови на ГВ) на 10ти ноември, 2014.

Позициографија: „Знам што направи минатиот мандат“

Gráfico extraído del blog Infoactivismo Digital, utilizado con autorización

График превземен од блогот Инфоактивизмо, искористен со дозвола

Во 2001, за време на економската и политичката криза во Аргентина, луѓето извикуваа на улиците „По ѓаволите со сите (владини лица!)“. Повеќе од декада по овие настани, оваа популарна парола е трансформирана во дигитална алатка која им овозможува на гласачите да се информираат за политичката позадина на кандидатите. На Инфоактивизмо има и дел за проектот Cargografías (грубо преведено Позициографија)

El objetivo es brindar información a la ciudadanía para la toma de decisiones durante periodos electorales y ser un recurso de utilidad para periodistas e investigadores, quienes a partir de la herramienta podrán construir sus propias historias y apoyar sus proyectos de investigación.

Целта е да се даде информација на гласачкото тело за донесување одлуки за време на изборниот период, и да биде корисен ресурс за новинари и истражувачи, од алатката да можат да направат нивни стории и да ги поддржат нивните истражувачки проекти.

Алатката овозможува да се анализира политичката кариера на државните службеници во изминативе 30 години и да се информираме за ситуации кои можеби и не можат да се пронајдат со вообичаено пребарување на интернетот.

Основачот на проектот Андре Сниткофски објаснува дека неговата намера била да покаже дека многу службеници, кои биле на мандат во 2001, се уште се таму без оглед на барањата на народот. Иако информацијата веќе беше достапна, се досега не се појави во ниеден систем. Па, Cargografías започна со Google Doc (Гугл докс) и група пријатели кои ги полнеа системите со информации како што тие стануваа достапни. Датабазата е сега достапна на Попит.

Можете да ги следите @Info_Activismo и @Cargografías на Твитер.

Овој пост е дел од дваесет и деветтиот #LunesDeBlogsGV (Понеделник на блогови на ГВ) на 17ти ноември, 2014.

Српска владина агенција објавила лични податоци на 5 милиони граѓани

Screenshot of part of the documents containing personal information of citizens that were available on the official site of the Privatization Agency of the Republic of Serbia. Image by SHARE Foundation, used with permission.

Снимка на екранот на дел од документите кои содржат лични податоци на граѓани кои биле достапни на официјалниот веб-сајт на Агенцијата за приватизација на Република Србија. Слика од Фондација „Шер“ (SHARE Foundation), употребена со дозвола.

Еден линк од официјалниот веб-сајт на Агенцијата за приватизација на Република Србија почна да кружи по социјалните мрежи на почетокот на декември 2014. Линкот водеше до податотеки со текст големи 19 гигабајти објавени на веб-сајтот на агенцијата, кои откриваа лични податоци за над 5 милиони српски граѓани во 2008 година кои се регистрирале за добивање бесплатни акции во државните фирми. Податотеките содржеа имиња и презимиња на лицата што се регистрирале, нивниот единствен матичен број (ЕМБГ), од кој лесно може да се дознаат и датумот и местото на раѓање, како и други информации.

Линкот беше фатен на Твитер во текот на неделата на 8 декември 2014 година, од страна на правниот тим на „Шер дефенс“ (SHARE Defense) , тинк-тенк во рамки на невладината организација Фондација „Шер“ која спроведува истражувања и нуди правна помош во областа на човекови и граѓански права. Тимот на фондацијата ги анализирал документите и го пријавил случајот до Комесарот за информации од  јавен карактер и заштита на приватните податоци на Република Србија. Линковите беа отстранети од веб-сајтот на агенцијата попладнето на 12 декември, петок, но е невозможно да се дознае кој сè ги симнал информациите во меѓувреме.

Граѓаните почнаа да реагираат преку социјалните мрежи, при што многумина сметаат дека овој престап на владината агенција е „непростлив“. Твитот од Владан Јолер пренесува еден општ впечаток:

Најголем безбедносен пропуст во сферата на заштита на информациски системи и приватноста на граѓните до сега во РС (Република Србија) @ShareConference http://t.co/WO96P4IBTU

— Vladan Joler (@TheCreaturesLab) December 15, 2014

Останува нејасно од која причина документите биле воопшто објавени на веб-сајтот, дали по грешка или намерно. Канцеларијата на Комесарот за информации од  јавен карактер и заштита на приватните податоци веднаш го презема случајот и се очекува да следи истрага.

Во меѓувреме, правниот тим на тинк-тенкот на Фондацијата „Шер“ предупреди дека сите кои ги симнале податоците дека било каква употреба на дел или сите тие информаци од податотеките ќе претставува кривично дело и препорача на лицата кои направиле копија од тие документи веднаш трајно да ги избришат.

Девојче од 11 години започнува петиција за оставка на мексиканскиот претседател

Captura de pantalla de la campaña Personas que quieren la renuncia de Peña Nieto en la plataforma Change.org

Скриншот од луѓето кои бараат оставка од Пења Нието кампањата на платформата Change.org.

Политичкиот активизам не е ексклузивно врзан за младите и возрасните. Ова го демонстрира Софија, 11 годишно девојче од Мексико кое одлучи да собира потписи во нејзиното барање за оставка на претседателот на нејзината држава, Енрике Пења Нието. Ова се нејзините причини.

Peña Nieto no le ha respondido como se debe a los familiares de los estudiantes desaparecidos, se fue a China y tiene una casa de 80 millones de pesos.

Пења Нието не реагираше како што требаше кон семејствата на исчезнатите студенти, тој отиде во Кина и тој има куќа која чини 80 милиони пезоси (околу 5.88 милиони долари).

Оваа иницијатива предизвика мноштво позитивни реакции. На пример, некои одлучија да ја потпишат за да покажат на Софија и другите деца во Мексико (како и на возрасните) дека може да имаат подобра држава, и да ги потсетат оние кои раководат дека народот ги ставил таму и народот може и да ги тргне од власт. Мајката на Софија вели:

Yo no tengo idea de cómo se destituye a un presidente. Pero ojalá pueda de verdad llevar esas hojas a alguna parte que ayude a Sofía a sentir que su esfuerzo vale la pena, que lo intentamos a toda costa. Fui incapaz de decirle que no lo hiciera, que era casi imposible. No puedo cortarle las alas. Esta generación viene con fuerza, con fe y determinación, y con un concepto de lo que es decente y justo que ya quisieran muchos para un fin de semana.

Јас не знам како се разрешува претседател. Но, се надевам дека некој ќе ги однесе овие потписи некаде и Софија ќе почувствува дека нејзините напори се исплателе, дека се обидовме по секоја цена. Не можев да и кажам да не го прави тоа бидејќи е речиси невозможно. Не можев да и ги пресечам крилјата. Оваа генерација е силна, и полна со верба и одлучност, и со концепт за тоа што е пристојно, нешто што многумина го бараат за викенд.

Петицијата беше поставена на платформата Change.org и веќе има 10.500 потписи во моментот на пишувањето на овој пост.

Зошто Обама греши во врска со Мјанмар

Млади активисти од Бурма се појавија со банери за времетраењето на форумот на кој присуствуваше претседателот на САД, Барак Обама, во Мјанмар. Активистите го потсетија Обама дека таканаречените демократски реформи, имплементирани од владата која е поддржана од армијата, се лажни или само призор.

Втората посета на Обама на #Бурма пропадна | Виа @IrrawaddyNews http://t.co/mwY57URyGm #Мјанмар pic.twitter.com/sGotp6XLnH

Се затвораат голем број на болници во Гвинеја поради вирусот на ебола

Conakry General Hospital via Koaci used with permission.

Општата болница Конакри виа Коачи (Фотографија искористена со дозвола)

Медицинскиот персонал во Гвинеја е во постојан страв по смртта на 28, и хоспитализацијата на 50 од нивниот персонач од 17 септември до денес. Дополнително влошувајќи ја ситуацијата, недостатокот на заштитна опрема е толку сериозен што медицински ракавици се продаваат на црниот пазар. Одбележувајќи ја атмосферата помеѓу медицинските лица, Амаду Там Камара го напиша следново за Гвинејски вести:

Déjà traumatisé par la mort de six collègues au mois d’avril dernier, le  personnel soignant de l’hôpital sino guinéen de Kipé est dorénavant dans une sinécure paranoïaque : les médecins refusent de soigner. Et tous les jours, ils maudissent le17 mars, ce jour où ils ont reçu ce patient venu de Dabola qui a contaminé neuf de leurs collègues. 

Dans les autres grands hôpitaux nationaux de Conakry, des services entiers ne sont plus ouverts à cause des nouveaux cas d’Ebola détectés. Ainsi, depuis deux semaines, le service de réanimation de l’hôpital Ignace Deen est fermé. Le service gynécologique du même hôpital est barricadé  pour les mêmes raisons. De même la maternité de l’hôpital Donka, la plus grande du pays, ne fonctionne plus. 

Dans ce pandémonium, le paludisme qui reste le premier problème de santé publique en Guinée, avec plus de 30% des consultations, et la première cause de décès en milieu hospitalier(14%), selon l’OMS, a encore de beaux jours pour améliorer ses chiffres macabres. Tout ceci, à cause du silence feutré provoqué par le tintamarre assourdissant  autour d’Ebola.

Веќе истрауматизирани од смртта на шест од нивните колеги во април, медицинскиот персонал од кинеско-гвинејската болница Пријателство во Кипе стануваат параноични, со доктори кои одбиваат да ги третираат пациентите. Тие го проколнуваат 17 март, денот кога добиле пациент од Дабола кој заразил уште девет од нивните колеги.
Се затвораат цели одделенија во други државни болници во Конакри поради детектирање на нови случаи на ебола. Одделението за интензивна нега во Игнас Дин е затворено веќе две недели и одделението за гинекологија на оваа болница е под барикади. Породилната болница Донка, најголемата во државата, веќе не е во употреба. Маларијата останува најголемиот здравствен проблем во Гвинеја, болест која е одговорна за преку 30% од сите докторски консултации и примарната причина за смрт во болниците според СЗО. Целиот овој пандемониум им овозможува на ваквите грозоморни статистики уште повеќе да се влошуваат. Смртоносна тишина предизвикана од заглушувачката паника од еболата.