Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· јули, 2012

Написи од Заокружено од јули, 2012

Бугарија: „Јас, Бугарин од Македонија“

Бугарскиот медиум Факел  објави (на бугарски) рецензија на новата книга насловена „Јас, Бугарин од Македонија“. Книгата е опишана како „ужасна, разбивачка, одвратна сторија која не само ја протресува, изненадува и ја буди нашата заспана национална свест туку и ги поместува, стрмоглавува, продлабочува и со тектонска сила ги расцепува сите пластови на нашата свест, сите наши претстави за тоа што е современа цивилизираност, што е тоа да бидеш Бугарин во најбратската држава на Бугарија, наречена Република Македонија.“ Над сè, книгата говори за борбата за идентитет коja двете земји ја водат со децении.

САД: Македонска блогерка се качила на врвот Денали на Аљаска

Планинарката и уметница Илина Арсова блогираше на англиски и македонски за нејзиното качување на врвот Денали, односно Планината Мекинли [en], највисокот врв во Северна Америка. Таа претходно пишуваше и за експедициите на Климанџаро [en] во Кенија и Танзанија, како и на Ама Даблам во Непал.

Хрватска: 2,8 милиони „неподобни“ книги уништени во деведесеттите

Во студијата „Книгоцид“, Анте Лешаја го документирал процесот на „чистење“ „неподобни“ книги од хрватските училишни и јавни библиотеки од страна на десничарската влада на ХДЗ во деведесеттите. Според интервјуто со проф. Лешаја во Јутарњи лист, „отпишувањето“ според идеолошки и етнички критериуми опфаќало книги „напишани на кирилица, на екавица, книги од српски автори и издавачи, книги од ’сомнителни‘ Хрвати и левичари…“ Се проценува дека биле уништени 2,8 милиони книги (13% од книжевниот фонд) и 3000 споменици на антифашистичката борба. Корисници на Фејсбук од Македонија укажуваат дека на сличен начин чистачките фрлаат „застарени“ книги во ѓубре и во другите бившојугословенски држави.

Македонија: Цитирање на Хавел

Линкот до познатото отворено писмо  – „Драг д-р Хусак“ [en, cz] (1975) – до лидерот на чешката комунистичка партија од тогашниот дисидент Вацлав Хавел, деновиве го споделуваат многу македонски корисници на Фејсбук, заедно со извадоци како: „Бројот на луѓе кои искрено веруваат во она што го кажува официјалната пропаганда и кои несебично го поддржуваат авторитетот на Владата е помал од било кога. Но бројот на лицемери постојано расте: до ниво на кое, секој граѓанин е всушност, присилен да стане таков.“