Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· септември, 2013

Написи од Заокружено од септември, 2013

ФОТОГРАФИЈА: Плачат црквите во Египет

Како реакција на палењето на цркви, едно мало девојче од Горен Египет ја нацрта оваа слика што ме натера да заплачам:

pic.twitter.com/iymw3SF49R

Египќанката Далиа Азиада, поборник за правата на жените го објави овој твит по запалувањето на неколку цркви на Коптите низ целиот Египет, по што на 14 август 2013 следеше насилна воена операција за расчистување на поддржувачите на Муслиманското Братство од мировните протести во главниот град Каиро, кадешто бараа враќање на прогонетиот претседател Мохамед Морси.

Операцијата за расчистување резултираше со смрт на приближно 638 луѓе, според египетската влада. Претставник на Муслиманското Братство изјави дека 2.000 луѓе се убиени во „масакрот“.

Повеќе десетици луѓе беа убиени на 16 август, кога поддржувачите на Муслиманското Братство се судрија со безбедносните сили за време на „Денот на Гневот“.

Прочитајте повеќе во нашата специјална репортажа Крвопролевање вο Египет.

„Еволуција во начинот на размислување“ во Авганистан

Ахмад Шуја, авганистански блогер и политички коментатор со седиште во САД, ги споделува неговите согледувања во врска со разликите меѓу она што бил Авганистан под режимот на Талибанците и она што Авганистан е денес:

Авганистанците, како и одредени странски набљудувачи потврдуваат дека Авганистан денес е многу поразлична земја од онаа под талибанскиот режим. Многу малку од овие набљудувачи можат точно и конкретно да објаснат што навистина се сменило. Тие само можат да го споменат бројот на ученици во училиштата, зголемувањето на бројот на телевизиски канали и подобрувањето на патната мрежа… Еволуцијата на мислата и очекувањата направија од Авганистан место многу поразлично од она што беше пред само 10 години.

Реките во Бангладеш исчезнуваат

Во времето на создавањето на Бангладеш во 1971, земјата броеше околу 24.000 км реки и притоки. По четири децении, многу реки исчезнуваат главно поради едностраното управување со водите и браните изградени од страна на големиот сосед Индија. Вахидул Ислам од Poltalk го открива проблемот и неговите последици.