Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

Написи од Заокружено

Мароканска моторизирана поворка на кралот прегази пешак

Мароканците споделуваат линкови до видео на кое се прикажува возило кое е дел од кралската моторизирана поворка која го придружува мароканскиот Крал Мухамед VI како прегазува човек во Танџиер за време на посетата на францускиот претседател Франсоа Оланд.

Самиа Еразоуки твитна:

Видео снимка која прикажува како кралската придружба прегази човек во Танџиер за време на посетата на Франсоа Оланд https://t.co/1qwEy8fSBL

— Самиа Еразоуки (@charquaouia) 21 септември, 2015

Оланд беше во Мароко на дводневна посета и беше пречекан од мароканскиот Крал Мухамед VI во саботата. Видеото прикажува како возило од придружбата со отворени врати прегазува набљудувач само моменти по поминувањето на Кралот и неговите гости. Толпата која мафта и навива одеднаш почнува да вреска.

Видеото беше прикачено од Tanja7.com на Јутјуб и досега е прегледано повеќе од 31,000 пати.

Не е јасно што се случи со набљудувачот.

Предвидувања за победа на опозициската партија во Тринидад и Тобаго на изборите

До полноќ по време на Тринидад и Тобаго, државата ќе знае која партија ќе ја формира следната влада. Како што беше предвидено, досега трката е тесна — од нешто малку над милион регистрирани гласачи, Комисијата за избори и ограничувања (КИО) досега изброја над 400,000 гласови. Гласовите за многу изборни единици веќе се познати, но две критични маргинални изборни единици, Св.Џозеф и Ла Хоркета/Талпаро, двете во источен Тринидад, се уште се отворени.

Како што се очекуваше, двете изборни единици во Тобаго ги доби опозициската Партија на народното движење (ПНД).

ПНД победи во источно и западно Тобаго #S6TT

— CCN TV6 (@tv6tnt) 8 септември, 2015

Доколку ПНД победи во последните две изборни единици — и по сите изгледи, тие се очекува да победат барем во едно од нив, Св.Џозеф — тие ќе ја победат актуелната власт со 23 седишта наспроти 18 — блиско мнозинство, но сепак – победа. Некои медиумски куќи и анкетни агенции веќе започнаа со прогласување на изборите како добиени за ПНД, иако финалните бројки се уште не се изнесени:

Се чека официјално известување, но @tv6tnt ги најави како победници ПНД на #TTElections2015.

— Весли Вилијамс (@wes2212) 8 септември, 2015

Нигел Хенри вели дека ПНД победија на изборите 22 наспроти 19….се уште непотврдено @tv6tnt

— Марк Басант (@MarkBassant1) 8 септември, 2015

Актуелната премиерка, Камла Персад-Бисесар, ја задржа функцијата со голема разлика во гласови:

Премиерката Камла Персад-Бисесар го задржа седиштето во Сипариа #PushForPower #S6TT pic.twitter.com/duH9Vlzys1

— CCN TV6 (@tv6tnt) 8 септември, 2015

Радосните поддржувачи на ПНД @PM во канцеларијата во Сипариа @tv6tnt pic.twitter.com/4vowj0Nj2f

— Марк Басант (@MarkBassant1) 8 септември, 2015

Премиерката се обрати со краток победнички говор откако ја задржа функцијата во Сипариа со преку 14,000 гласови досега избројани за неа @tv6tnt

— Марк Басант (@MarkBassant1) 8 септември, 2015

Како што стојат работите во моментов, се чини дека нејзината победа може да се ограничи само на гласачите во Сипариа и „безбедните седишта“ кои нејзината партија ги ужива во централен и источен Тринидад.

Истражување на ХРВ утврдува сериозни закани по слободата на медиумите во земјите од Западен Балкан

По речиси една година истражување во регионот и длабински интервјуа со над 80 новинари, уредници и сопственици на независни медиуми, Human Rights Watch (Хјуман рајтс воч) објави извештај во јули 2015 тврдејќи дека слободата на медиумите во Босна и Херцеговина, Косово, Црна Гора и Србија е под закана.

Заклучоците во извештајот вклучуваат неказнување и недостиг од реакција од страна на властите за закани, тепања, дури и убиства на новинари и медиумски работници во овие држави, наведувајќи дека политичките вмешувања и финансиските притисоци преку високи казни и нејасни закони често се наметнуваат на независните медиуми во овие држави.

Во неколку случаи новинарите пријавија дека продолжуваат да бидат мета на физичко насилство и после иницијалните напади врз нив, повторно, често без казни за нивните напаѓачи. Новинарите кои пишуваат за воени злосторства или радикални религиозни групи во БиХ, Косово и Србија изјавуваа дека властите го намалуваат значењето на сериозноста на заканите кои тие го добиваат онлајн.[…]

Неефикасноста и големата заостанатост во овие четири правни системи го попречуваат навременото судење на овие правни случаи. Случаите имаат тендеција да се развлекуваат со години, создавајќи средина која може да се искористи како предност од оние кои сакаат да го задушат критичкото известување преку кривични дела на заплашување.

Клучната препорака до властите и владите од Human Rights Watch за четирите држави за кои станува збор по извештајот вклучува јавно и недвосмислено осудување на сите напади на новинари и медиумски куќи и гаранција за брзи и темелни истраги на сите вакви инциденти, како и брзи и непристрасни истраги на сите напади и закани кон новинари и медиуми, вклучувајќи го и сајбер-криминалот. Меѓународното Human Rights Watch исто така препорача Европската Унија, кон која аспирираат сите четири држави, ОБСЕ и Советот на Европа да обратат поголемо внимание и да преземат дополнителни чекори да ги повикаат надлежните власти во Босна и Херцеговина, Косово, Црна Гора и Србија да реагираат соодветно кон заканите кон медиумите и да обезбедат безбедна средина за работа на новинарите.

Папата Францис во Латинска Америка: „Идеологиите завршуваат лошо, тие се без цел“

Папата Францис се искажа против идеологиите: http://t.co/EiiH1kqntX pic.twitter.com/NzaCiraLbS

— El Universo (@eluniversocom) 11 јули, 2015

Папата Францис ја заврши неговата осумдневна тура низ Латинска Америка, каде одржуваше миса во трите држави кои ги посети: Еквадор, Боливиа и Парагвај. Пораката на понтифот се фокусираше на мирот и потребите на најсиромашните.

Тој исто така се залагаше и за „чиста игра и држење настрана од корупција“.

Но, за време на затворањето на турата во Асунцион во неделата, 11 јули тој изнесе еден од неговите најполитички говори:

Идеологиите завршуваат лошо; тие се без цел. Идеологиите имаат релација со луѓето која е отсутна, нездрава или злобна. Идеологиите не ги земаат предвид самите луѓе. Во минатиот век идеологиите завршија во диктатури. [Идеологиите] мислам на луѓето, но не дозволуваат на луѓето да размислуваат.

Македонија: Активист го заврши штрајкот со глад за правата на мигрантите

Во сабота на 20 јуни, експертот за човекови права и активист Суад Мисини го заврши штрајкот со глад што го започна шест дена пред тоа во знак на протест против нехуманиот третман на мигрантите кои минуваат низ Македонија. Г. Мисиниј ја објависледната изјава (линковите се додадени):

Во очекување на ефектите од измените на законот за азил во пракса, состојбата со центарот Гази Баба, денес 20 јуни, не е подобрена. Бегалците се сè уште заточени во центарот кој добива карактеристики на концентрационен камп, во невозможни, нехумани и деградирачки услови, надвор од законската рамка и надвор од меѓународните стандарди за човекови права кои се дел од националниот правен систем.

Властите во Република Македонија одбраа да останат глуви на барањата на бројни меѓународни организации и институции за решавање на овој проблем. Тие остануваат слепи на фактот што Комитетот против тортура на ООН во својот најнов извештај за Македонија, третманот на бегалците во овој центар го окарактеризира како тортура и прекршување на Конвенцијата на ООН против тортура – и сето тоа во ситуација кога нашата земја е членка на Советот за човекови права на ООН.

Од друга страна, сакам да потенцирам дека Македонија, како членка на Советот на Европа, минатата есен беше посетена од Комитетот за превенција од тортура на Советот на Европа при што беше посетен и центарот во Гази Баба. Исто така, пролетва и претседателот на овој комитет Микола Гнатовскиј ја посети земјава и со властите разговараше, меѓу другото и за центарот во Гази Баба. Потенцирам дека нашите власти сè уште не дале одобрение за објавување на извештајот по повод оваа посета на Комитетот за превенција од тортура.

Конечно, два дена пред почетокот на штрајкот со глад, народниот правобранител на РМ на прес конференција ги изложи катастрофалната ситуација и беззаконието кои владеат во овој центар.

Денес, можеме да констатираме дека јавноста во РМ, но и меѓународната јавност и странските медиуми и организации се потполно свесни и информирани за проблемот со овој центар. Центарот во Гази Баба е денес меѓународна тема. Доколку властите решиле дека овој катастрофален проблем не е предмет на ургентна реакција и последователно решение, тогаш тоа дефинитивно ја става нашата земја во редот на оние кои отворено и без скрупули спроведуваат тортура, наочиглед на целиот свет, а властите се легитимираат како институции водени од луѓе кои немаат никаква почит за човечкиот живот. За жвотот на стотици луѓе кои се заточени во овој центар. Конечно, за мојот зивот.

Затоа, на овој ден го прекинувам штрајкот со глад. Затоа што лимитите на здравствените ризици се веќе надминати и затоа што потенцијалите на овој штрајк се исполнети.

Моите барања, кои се барања на огромен дел на јавноста во РМ, се делумно исполнети.

Мојот граѓански акт беше капка која создаде бранови кои, искрено се надевам, заедно со сите претходни, ќе доведат до решавање на овој проблем кој од нашата дрзава прави нецивилизиран простор.

Неизмерно им благодарам на илјадниците кои искрено и недвосмислено ја изразија својата поддршка, правејќи го овој граѓански чин исто толку нивен, колку што беше И мој.

Во меѓувреме, твитерџиите продолжуваат да споделуваат фотографии кои ги покажуваат условите во кои живеат затворените бегалци.

Активист за човекови права започна штрајк со глад за мигрантите пред Собранието

Растечката криза со миграциите неодамна ги погодува и земјите во југоисточна Европа, и нови проблеми се јавуваат скоро секојдневно. Реагирајќи на нехуманиот третман на мигрантите кои минуваат низ Република Македонија, реномираниот активист за човекови права Суад Мисини започна штрајк со глад пред зградата на Парламентот во Скопје. Тој го започна штрајкот веднаш штом објави три барања преку пост на Фејсбук во недела на 14 јуни. Постот се здоби со над 300 лајкови и над 90 споделувања во текот на првиот ден.

Почнувам штрајк со глад.
Пред Парламентот.

Барам итно и веднаш:

  1. Итно усвојување на измените на законот за азил, кои ќе им овозможат безбеден транзит или привремен престој на бегалците кои минуваат низ територијата на Македонија, како и слободна употреба на сите јавно достапни средства за транспорт.
  2. Конкретни и јавно објавени мерки од страна на Министерството за внатрешни работи во насока на заштита на животот, сигурноста и имотот на бегалците.
  3. Итно ослободување на сите бегалци и имигранти уапсени во центарот на Гази Баба и негово итно затворање.

Штрајкот ќе трае додека овие барања не се исполнети.

Суад Мисини

Илјадници бегалци од Сирија, Авганистан, Сомалија, Нигерија и други воени зони минуваат низ Македонија, патувајќи од Грција кон Србија со цел да стигнат до Германија или други побогати земји на ЕУ. Мигрантите пеш ја следеа железничката пруга, при што беа жртви на страшни „несреќни случаи“. Од неодамна мигрантите користат велосипеди, кои по наводно драстично зголемени цени ги купуваат во јужните македонски градови за да ги возат по главниот автопат. Многу од нив се жртви на разбојнички банди и трговци со луѓе. Некои од бегалците властите ги задржуваат како „сведоци“ во Центарот за прием на странци „Гази Баба“ во Скопје, каде условите за живот, според народниот правобранител Иџет Мемети се „нехумани, нездрави, недостоинствени“.

Владата треба да дискутира за амандманите на  Законот за азил на 16 јуни.

ФИФА изборите се во тек

И покрај неодамнешните апсења на претставници на ФИФА поради обвиненија од страна на Министерството за правда на САД, од светското фудбалско управно тело изјавија дека нивните избори, кои ги нарекуваат 65 конгрес на ФИФА, денес ќе продолжат според планираното. Актуелниот претседател на ФИФА Сеп Блатер, кој беше на чело на организацијата за време на дво-децениската опсада од корупција, мито и перење пари, наводно, ќе учествува и бара петти мандат на денешниот конгрес. Блатер одби да поднесе оставка во екот на скандалот, и покрај неколку повици кон него да се повлече од функцијата.

Можете во живо да ги следите изборите на ФИФА овде.

Орхидеата Лима, цвет за кој се веруваше дека е изумрен, повторно цвета во Перуанскиот главен град

Variedades de orquídea.

Различни видови на орхидеи. Фотографии објавени на Викимедиа Комонс под лиценца CC BY-SA 3.0.

За повеќе од 50 години, се сметаше дека орхидеите Лима се изумрен вид; но, добри вести ни доаѓаат од тимот на National Forest and Wildlife Service (Националната служба за шуми и див свет), која е дел од Министерството за земјоделство на Перу:

Los especialistas encontraron ejemplares de dicha orquídea, típica de las lomas de la cuenca del río Rímac, en las cercanías de dicho cuerpo de agua. Pronto corrió el rumor sobre la mítica flor, que se creía desaparecida desde hace más de cincuenta años.

Тим од специјалисти пронајдоа неколку примероци од овој вид, типичен за ридовите во близина на устието на реката Римак, во близина на тоа водно тело. Гласините за ова митско цвеќе наскоро беа добро познати, цвеќе за кое се веруваше дека е истребено повеќе од 50 години.

Новоста одекна на Твитер:

Орхидеата од Лима „Chloraea undulata“ повторно се појави, иако се веруваше дека е истребена. Уживајте во неа.

Сега е време за властите и граѓаните да се погрижат за неа и да ја зачуваат.

Војниците на ИСИС го окупираа Рамади во Ирак

Рамади, главниот град на провинцијата Ал Анбар во Ирак, е завземен од силите на ИСИС. Џои Ајоуб ја составува сторијата, следејќи ги извештаите на граѓанските новинари, вестите и сведоштвата, на Чекдескот на Глобал Војсис, партнерски проект на Глобал Војсис и Чекдескот на Медан.

Градот, во централен Ирак, е околу 110 километри западно од Багдад и 50 километри западно од Фалуџа. Наводно стотици луѓе се убиени, и илјадници се принудени да ги напуштат своите домови.

ИСИС, отцепен огранок на Ал-Каеда, се здоби со контрола врз големи делови земја во Ирак и Сирија, привлекувајќи го вниманието на светските медиуми со хоророт кој го прават врз жителите на областите кои се под нивна окупација.

Според канцеларијата на Обединетите Нации за координација на хуманитарните прашања, Мисијата на ОН за помош на Ирак:

Агенциите на ОН брзаат со пружање хуманитарна помош на луѓето кои го напуштаат Рамади по втор пат во овој месец.

Близу 25,000 луѓе го напуштија Рамади по нападите на ИСИЛ и тешките борби во градот. Повеќето од раселените се упатуваат кон Багдад, и многумина се обидуваат да поминат низ сигурносните контролни точки.

Извештајот додава:

Во текот на изминатиот месец, агенциите на ОН и невладините организации пружија прва-помош на повеќе од 130,000 луѓе кои го напуштија Рамади непосредно по нападите на ИСИЛ во април. Десетици илјади пакети и оброци беа дистрибуирани на повеќе од 35 локации на територијата на Анбар. Илјадници семејства кои се вратија во своите домови во Рамади, по повторното избувнување на вооружените судири, беа принудени да ги напуштат домовите по втор пат.

Во јули, линијата за достава на храна ќе се прекине. „Ништо не е поважно во моментов од помагањето на луѓето кои го напуштаат Рамади. Тие се во невоља и ние мораме да сториме се што е можно за да им помогнеме.“ рече Лиса Гранде, координаторот за хуманитарни прашања на ОН. „Илјадниците луѓе се приморани да спијат под отворено небо бидејќи немаат каде да се засолнат. Ние би можеле да направиме многу повеќе доколку го имаме потребното финансирање.“

Хуманитарната криза за која не сте чуле: Бурунди

50000 refugees have fled Burundi ( here at the border with Tanzania)  photo via Jamii Forums

50000 бегалци се иселија од Бурунди (овде на границата со Танзанија) фотографија виа форумот Jamii

Непосредно по изјавата на претседателот на Бурунди, Нкурунзиза, за негово кандидирање за трет мандат (што е противуставно во сегашниот правен систем во Бурунди), огромна хуманитарна криза ја погоди државата со најмалку 50,000 бегалци кои ја напуштаат државата откако беа пријавени сцени на насилство во неколку градови. Појавата на сцени на насилство често беше пријавувана преку платформите на социјалните мрежи првин преку хаштаговите #burundichaos или #sindumuja. Следниот инфографик ја сумира ситуацијата со бегалците заклучно 8 мај:

НОВО: Според @Refugees, 50,000 бегалци избегале во #Tanzania #DRC и #Rwanda во текот на минатиот месец #burundichaos pic.twitter.com/8id2Rawnbl

— форум Jamii (@JamiiForums) 9ти мај, 2015

Рангирани најсреќните (и најмалку среќните) земји во светот

За да создаде индекс на позитивно искуство, Галуп интервјуирале 150.000 возрасни лица во 148 земји поставувајќи им прашања како: „Се смеевте/насмеавте ли вчера“? и „Научивте ли или направивте ли нешто интересно вчера“.

Според Quartz, земјите кои воделе во поглед на изразување позитивни емоции биле, неочекувано, сите од Латинска Америка, од Парагвај па до Никарагва.

На скала од 0 до 100, истражувањето покажало дека просечниот индекс на позитивно искуство во светот за 2014 година бил 71/100-  „ист како што бил во 2013 година и скоро ист како во годините од 2006 година наваму“.

Земја со најнизок индекс на позитивна емоција бил Судан (47/100). Нивоата на среќа биле исто така ниски и во Тунис, Србија, Турција и во други земји, што се должи очигледно на војната и другите облици на политичка нестабилност.

Во Боливија и Ел Салвадор на пример, 59% од испитаниците одговориле со „да“ на сите прашања кои се однесуваат на позитивни или негативни емоции, што им донело на овие нации особено високи „емоционални“ резултати.

Како да кажеш „брат“ во Латинска Америка?

„The Bromap“: како да кажеш „брат“ во Латинска Америка?

Фејсбук страницата на Pictoline (Пиктолајн), страница за визуелизација на вести и информации, ја сподели оваа мапа на различните начини на кои луѓето во државите на Латинска Америка велат „bro“, кратенка за брат на Англиски. Додека во Мексико се користи веј и пата во Перу, во Венецуела тоа е пана и парце во Колумбија.

Српската Агенција за разузнавање фатена во преговори за купување софтвер за надзор

Screenshot of one of many emails from Hacking Team account manager to unknown official Serbian State Intelligence Agency email from 2012. Image courtesy of SHARE Defense, used with permission.

Скриншот од еден од многуте мејлови од менаџерот на корисници на Хакинг Тим до непознат официјален мејл на Српската Агенција за разузнавање од 2012. Фотографија на SHARE Defense, искористена со дозвола.

Српското НВО SHARE Defense (Шер дифенс) објави во јули 2015 „обелоденети“ мејлови и датотеки кои припаѓаат на софтверската компанија базирана во Милано – Hacking Team (HT) објавени на Викиликс, кои откриваат дека најмалку една српска служба за безбедност била во преговори за купување на софтвер за надзор во 2012. Исто така постојат и докази за еден или повеќе имејл адреси на српското Министерство за одбрана се појавуваат како времени корисници на шпионскиот софтвер кој е создаден од италијанската компанија.

Софтверот за кој станува збор е таканаречениот Remote Control System, или RCS, кој во основа работи со таргетирање на ширењето на вируси кон компјутерите и мобилните телефони кои ги користат личностите кои се предмет на надзор. Според извори на SHARE Defense, повеќето од клиентите кои го користат овој софтвер се владите низ целиот свет и нивните безбедносни служби.

Правниот тим на SHARE Defense исто така посочи и кон тоа кои организации би можеле да имаат пристап до софтверот, и финансиски би можеле да си го дозволат истиот:

Фондацијата Share (Сподели) пишуваше за правната рамка за набавување на вакви софтвери во Србија уште во 2013 поради случајот “Trovicor”, стоејќи на тоа дека правилата за употреба на вакви средства со двојна употреба мораат да важат и дека е неопходна дозвола од Министерството за трговија, туризам и телекомуникации.[…]

Доколку претпоставиме дека некои организации можат да бидат овластени да ја користат оваа опрема, во нашиот правен систем тоа не би било можно без судска одлука согласно законот. Нејзиното користење на било кој друг начин би било очигледно кршење на човековите права кои се гарантирани со Уставот на Република Србија и бројни меѓународни конвенции.

Иран го зголемува интернет надзорот во пресрет на парламентарните избори

Deputy Interior Minister Hossein Zolfaghari announced that a "Security Committee" to monitor election-related activities would be created earlier than expected. Photo by IRNA, and published with permission to reuse.

Заменик-министерот за внатрешни работи Хосеин Золфагари изјави дека ќе се основа „Комитет за безбедност“ со цел мониторирање на активности поврзани со изборите, порано од предвиденото. Фотографија на IRNA, објавена со дозвола за повторна употреба.

Овој напис првично е објавен страницата Dar Sahn на Арсех Севом.

Заменик-министерот за внатрешни работи на Иран изјави дека полицијата и министерството ќе го мониторираат интернетот и социјалните медиуми за активности поврзани со следните изборите во државата.

На прес-конференција во Техеран во неделата на 1 јуни, 2015, заменик-министерот за внатрешни работи Хосеин Золфагари изјави дека, порано од предвиденото, ќе се основа „Комитет за безбедност“ со цел мониторирање на активности поврзани со изборите. „Комитетот за безбедност ќе се состои од претставници од полицијата, револуционерната гарда, армијата, и државните радио и телевизиски станици.” Золфагари исто така додаде дека комитети слични на овој ќе се основаат низ цел Иран.

Со оглед на чувствителната состојба со западните граници на Иран и со движењата на терористичките групи како ИСИС во регионот, следните ирански избори ќе се одржат во атмосфера на безбедност.

Заменик-министерот за внатрешни работи ги информираше медиумите на персиски јазик дека ќе бидат поставени 60,000 избирачки места за избор на пратеници и членови на Собранието на експерти и 300,000 ќе работат со владата во овој процес.

Се поголемиот број на корисници на социјалните медиуми во Иран во комбинација со брза циркулација на информации сериозно ги загрижија иранските власти. Како дополнение на следењето на онлајн извори, комитетот за безбедност ќе создаде и „безбедносна мапа“ за да ги идентификува чувствителните подрачја за престојните избори.

Адвокатот на затворената карикатуристка Атена Фаргдани уапсен затоа што се ракувал со неа

Мохамад Могими, адвокатот на иранската активистка и карикатурискта Атена Фаргдани бил уапсен на 10 јуни откако ја посетил својата клиентка во затвор. Обвинението се темели на фактот дека се ракувал со Фаргдани. Таа неодамна била осудена на 12,5 години робија за објавување цртежи и други содржини со кои ја критикувала владата на Фејсбук.

Според Новинската агенција за активисти за човекови права, Могими ја преместиле во одделот 10 на затворот Раџаи Шахр во Караџ. Кауцијата за неа е 20 милиони томани, или од прилика 7000 долари. Можно е и Фаргани исто така да добие слично обвинение.

Иранскиот адвокат Мохамад Могими е уапсен заради тешкиот злостор на ракување со неговата клиентка Атена Фаргадани“

Карикатура од Мана Најестани: и Атена и нејзиниот адвокат обајцата во затвор…

На социјалните медиуми, кампањата за ослободување на Фаргдани може да се следи преку хаштагот „Ослободете ја Атена“ #freeAtena.

Миграциони рути и статистика на Југоисточна Азија

southeast asia migrant crossingsМеѓународната организација за миграции издаде мапа која ги прикажува рутите по кои се движат бегалците со брод од Бангладеш и Мјанмар кога бараат засолниште во неколку земји од југоисточна Азија.

Почнувајќи од 19 мај, 2015, ИОМ проценува дека 4,000 бегалци се уште се заглавени во морето, додека 3,200 веќе пристигнале во Малезија и Индонезија.

Малезија и Индонезија првично ги отфрлија бегалците, но сега тие се подготвени да ги спасат оние кои биле жртви на трговија со луѓе.

Дали Саудиска Арабија ја бомбардираше античката брана Мариб во Јемен?

Непотврдени извештаи велат дека Саудиските коалициони сили, кои повеќе од два месеци го бомбардираат Јемен сега за цел ја земале браната Мариб, едно од инженерските чуда на стариот свет.

На Твитер, Хусаин Албукхаити тврди:

Непотврдени извештаи: #Saudi борбени авиони само што ја бомбардираа историската #Marib брана NW #Yemen http://t.co/rZYWUF2Qe6 pic.twitter.com/XTqHrXMGAk

— Хусаин Албукхаити (@HussainBukhaiti) 30 мај, 2015

Во следен твит, Албукхаити објави фотографија од руина, од тоа што тој го опишува како браната, која датира од 8 век пред нашата ера и се смета за најстарата позната брана во светот:

Браната Мариб NE #Yemen која датира од 8 век вчера беше мета на #Saudi борбени авиони претходен твит https://t.co/c746huac1P pic.twitter.com/D8nj6yA5M1

— Хусаин Албукхаити (@HussainBukhaiti) 31мај, 2015

Степенот на уништувањето на Јеменската инфраструктура и историја се уште е непознат. Ние овде собираме информации и траги за штетата, на Глобал Војсис Чекдеск, колаборациски проект помеѓу Чекдескот на Меедан, алатка за онлајн верификација на вести, и Глобал Војсис Онлајн.

Оставете коментар овде да придонесете со новости за оваа сторија или да се придружите на нашиот тим.

11 годишно бремено девојче во Уругвај одбива да абортира

Девојче од 11 години кое одбива да абортира создаде контроверзии.

Неодамна пишувавме за 10 годишно бремено девојче од Парагвај кое наводно било силувано од нејзиниот очув кое не е во можност да абортира поради законските ограничувања во таа земја. Сега, во Уругвај, каде абортусот е легален во првите 12 недели од бременоста, случајот на бременото 11 годишно девојче кое одбива да абортира ја шокираше нацијата.

Девојчето, за кое се вели дека има интелектуални пречки во развојот, била силувана од нејзиниот 41 годишен дедо на нејзината полу-сестра. Овој човек е сега во притвор и ќе биде обвинет за силување, според изјавите на уругвајските власти за Франц Прес.

Членови на семејството, доктори, општествени организации, и медиумите го охрабруваа девојчето да ја прекине бременоста. Тие дури и се обидоа да ја притиснат власта за таа да го принуди девојчето да абортира, според Пангеа Денес. Одговорот, сепак, не одеше во нивни прилог:

„Не постои ризик по животот на девојчето или бебето, така што не можеме да ја принудиме да абортира“, рече директорот на “INAU”, Моника Силва.

Чилеанската кампања за спречување на подведување на малолетници стана вирална

Кампањата на Чилеанската полиција за спречување на малолетничко подведување веќе се здоби со над 5 милиони прегледувања. Таа стана успешна и надвор од границите на оваа држава според сајтот Верне.

Видеото беше објавено на Фејсбук за да се покрене свесноста кај младите. Во видеото се раскажува приказната на една тинејџерка која закажува состанок со момче кое го запознала на некоја од социјалните мрежи. Момчето, кое барало од девојката да му испрати „секси“ фотографии, е постаро од тоа што таа го замислила. Видеото не води до тоа да мислиме дека девојката била злоставена.

Aугусто Шустер, многу популарен чилеански тинејџер актер и пејач со 270,000 следачи на Твитер беше дел од оваа кампања. На крајот на видеото, кое исто така е достапно на Јутјуб, Шустер ги прашува децата: „Колкумина од вашите пријатели на социјалните мрежи навистина ги познавате? Подведувањето не е игра. Тоа е злоупотреба. Запомнете дека на интернет, фотографиите не се само ваши, тие се сечии.“

Терминот подведување доаѓа од „groom” што значи да се грижиш за некого. Groomers (подведувачите) се преправаат дека се тинејџери за да ги измамат тинејџерите на социјалните мрежи и се здобиваат со нивната доверба многу постепено, потоа им бараат интимни фотографии, или закажуваат состаноци кои потоа можат да доведат до сексуално злоставување. Покрај видеото, чилеанската кампања нуди совети – дури и тест- да им помогне на децата да забележат опасни однесувања. Од Верне додаваат дека од полицијата го промовираат хаштагот #todoscontraelgrooming (сите против подведување).

Самоевалуација: Дали сум изложен на подведување?

1. Имам профил на повеќе од една социјална мрежа.

2. Имам повеќе од 250 пријатели на Фејсбук.

3. Имам прифатено понуди за пријателство од луѓе кои не ги знам.

4. Имам воспоставено силни релации со луѓе кои не сум ги запознал во живо.

5. Сум излегувал на состаноци со луѓе кои не сум ги запознал претходно во живо.

6. Сум зборувал со непознати лица преку веб камера.

7. Сум закажувал состаноци со луѓе кои сум ги запознал онлајн.

8. Сум се фотографирал облечен само во долна облека.

9. Сум ги фотографирал интимните делови од моето тело.

10. Од мене било побарано да изведам стриптиз пред веб камера или да испратам интимни фотографии.

11. Сум бил присилен да испратам интимни фотографии.

Доколку одговоривте со ДА на прашањата:

1-5 Вие сте под опасност да бидете контактирани од подведувач

6-8 Вие веројатно сте биле исконтактирани од подведувач и сте под ризик.

9-11 Вие сте биле жртва на подведувач.

Што е хакирање на образованието?

Педро Мулер ги изразува неговите ставови за застареноста на училишниот систем, институција за која тој вели дека е наменета за друг историски контекст. Во таа смисла, тој поентира кон две слични, но во истовреме различни, концепти: „да се учи“ и „да се биде образован“:

El educar se va más allá de memorizarse un par de nombres y olvidarlos al siguiente día, consiste en aprender tener la curiosidad de preguntarse qué hay detrás de lo obvio, es adquirir habilidades, ejercitar tu pensamiento lateral un pensamiento divergente o como muchos dicen “fuera de la caja”, educarse también es crear y hacer convertir nada en algo, innovar.

Nosotros aprendemos mejor en grupo es parte de nuestra naturaleza, discutir, pensar y reflexionar sobre un tema en específico sacar conclusiones, como muchos dicen la mejor manera de educarse es aprender.

Да се биде образован е повеќе од запомнување на неколку имиња и нивно заборавање наредниот ден. Тоа е да се има љубопитен ум и да се запрашаме што се крие зад очигледното, тоа е да се здобиеме со вештини, да се вежба паралелното мислење, дивергентно размислување кои многумина го нарекуваат „размислување надвор од кутијата“. Да се биде образован е исто така и да се учи да се биде креативен и иновативен.

Ние подобро учиме во групи; дел од нашата природа е да дискутираме, размислуваме и продлабочуваме на специфична тема и да влечеме заклучоци. Се вели дека најдобриот начин да се стане образован е да се учи.

Мулер ги поканува читателите да го погледнат следново видео на англиски јазик, каде Логан ЛаПлант зборува за концептот на „хакирање на образованието“ или „хакшколување“, што се однесува на процесот на учење како групна активност, врз основа на обиди и грешки, над се, важноста на креативноста.

Продолжете со читањето на написот на Мулер овде, или следете го на Твитер.

Овој напис е дел од 46от #LunesDeBlogsGV (Понеделник на блогови на ГВ) на 23 март, 2015.