Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· декември, 2012

Написи од Заокружено од декември, 2012

Македонија: Хуманитарен #ТвитерКалендар со актови

Дванаесет македонски твитерџики учествуваа во хуманитарен проект организиран од @IlinaBookbox, двајца фотографи и дизајнерка преку хаштагот #ТвитерКалендар. Резултатот е календар со актови дониран на здружението за борба против рак Борка, а снимките како екрански позадини се достапни и преку други извори (mk, mk, sq). Оригиналните аналогни фотографии се изложени на продажна изложба во Кафе Ли во Скопје, а сиот приход е наменет за добротворни цели.

Мачка најде дом благодарение на детска кампања на Facebook

Facebook campaign to adopt a cat

„Мојата сестра и јас навистина сакаме мачка. Тато ни вети дека може да добиеме ако успееме да собереме 1000 лајкови”

(more…)

Претставување на балканските малцинства

Face the Balkans subjects of stories

Снимка од екранот на веб-сајтот „Соочи се со Балканот“.

Петнаесет млади новинари од шест различни земји објавија серија лични стории за претставници на разни видови малцинства од Босна и Херцеговина, Косово, Србија и Македонија. Приказните се достапни на англиски, германски и француски на веб-сајтот „Соочи се со Балканот“.

Бугарски активист штрајкува со глад против државен монопол

На 1 декември, Чавдар Јанев постави шатор пред Бугарскиот Врховен судски совет во Софија и започна штрајк со глад во знак на протест против судскиот систем што дозволува тужбите на граѓани против државни институции да се влечат со годоини. Дури и децении: Јанев и неговата сопруга, Латинка Георгиева, скоро 12 години (на бугарски) водат правна војна против Топлификација, државен монопол што обезбедува греење за населението.

На 4 декември се организираше флешмоб во знак на солидарност со Јанев, организирана преку групата на Фејсбук „Ние сме против високи цени на струја“ (со над 3.000 членови).

Овој постер со кој луѓето се покануваат на флешмобот, го споделија над 2.060 корисници на Фејсбук.

(more…)

Промовирање на рециклирањето во Македонија

Градителите на елката. Фото:@teksega, објавено со дозвола.

Продолжувајќи ја традицијата започната минатата година (en, mk, nl, es), македонската Твитер-заедница подигна нова новогодишна елка од пластични шишиња (mk, mk, фотогалерии 1, 2, 3) во скопскиот Градски Парк, со цел да ја истакне важноста на рециклирањето. Настанот повторно беше организиран со хаштагот #елкамк и упатство со отворен код, најавен три недели однапред од неколку блогери. Елката ќе ја откупи локална фирма за рециклажа, а парите ќе бидат донирани во добротворни цели.

Несоодветна аналогија за спорот за името меѓу Грција и Македонија

Реагирајќи на тврдење од Гералд Кнаус…

Атина и Скопје се соочуваат со дилемата на затвореникот (анг. prisoner's dilemma): ако ниедна страна не верува дека решението е можно, и се однесува на тој начин, и двете страни губат.

Жарко Трајаноски напиша на Фејсбук:

Арно ама, аналогијата со „дилемата на затвореникот“ е не само лажна, туку и многу навредлива. Атина никогаш не беше затвореник, туку затворски чувар а можеби и политички мачител во случајот. А исходот на оваа политичка тортура, потпомогната од Софија, е подемот на македонскиот етно-национализам и падот на либерализмот, демократијата и човековите права.

Подоцна тој се надоврза со обемно објаснение на со блог-пост на англиски јазик и напис на Окно, на македонски.

Сумирање на вестите за Македонија на англиски јазик

Блогерот експат Реније Јаарсма објавува периодични резимеа на покривањето настани од Македонија на англиски јазик. Неговиот најнов пост се однесува на овој ноември.