Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· март, 2014

Написи од Заокружено од март, 2014

Можната владина кампања #SelfieMacedonia тргна наопаку

Во март 2014 започна Фејсбук кампања под хаштагот #SelfieMacedonia, но македонските корисници на социјалните мрежи се сомневаат дека владејачката гарнитура стои зад сето тоа.

Голем дел од македонската младина која употребува социјални медиуми, индивидуално или во групи започнаа да објавуваат фотографии под овој хаштаг на Фејсбук нарекувајќи ги „селфи“.

Младите од Унијата на млади сили на владејачката партија во Македонија, започнаа со овој вид на „селфи“ фотографиии кои најчесто ги вклучуваат и знамето и грбот на партијата. Хаштагот поттикна голем интерес и многу корисници започнаа да го коментираат, посочувајќи дека најверојатно целата кампања е исценирана и поттикната од штабовите на владејачката партија.

Како одговор на овој тип на „селфи“ фотографии, на Фејсбук може да се најдат уште поголем број на фотомонтажи на одредени личности од владејачката гарнитура со дел од спомениците од проектот „Скопје 2014“ или други политички симболи побрзани со некои од актуелните настани. 

A widely circulated photoshopped image showing a Macedonian government official and US President Obama, part of the response of Macedonian social media users to the #SelfieMacedonia campaign.

Многу споделувана фотошопирана слика прикажувајќи го македонскиот претседател и претседателот на САД Обама, како дел од одговорот на голем број македонски корисници на социјалните мрежи во врска со кампањата #SelfieMacedonia. 

Порталот A1on.mk со напис ја коментира оваа кампања вклучувајќи дел од фотографиите.

Изразување преку графити во Казахстан

Graffiti by Repas Workshop, image used with permission.

Графити од Репас Воркшоп, сликата е објавена со дозвола.

Во текот на последните десет години, група за улична уметност од Алмати, Казахстан, користи графити да изрази идеи и изјави. Групата наречена Репас Воркшоп (Repas Workshop) ги претстави (на руски) најновите примери на нивните импресивни дела преку блог.

Карневалот во Струмица ја продолжува 350-годишната традиција

Струмичкиот карневал се одржа од 1 до 3 март 2014 г. Оваа традиционална прослава првпат се споменува записите на османлискиот патеписец Евлија Челебија во 1670 година, а оваа година беше претставена во напис на НБЦ Њуз за 12 слични настани низ целиот свет.

Членови на карневалската група наречена „Рециклиран барок“. Фото: Ванчо Џамбаски (CC BY-NC-SA)

Членови на карневалската група наречена „Рециклиран барок“. Фото: Ванчо Џамбаски (CC BY-NC-SA)

Фотоактивистот Ванчо Џамбаски ја сподели својата фотогалерија од овогодинешниот карневал на Фликр, објавена под лиценцата Криејтив комонс.

Прв јавен геј-брак во Мјанмар

Myo Min Htet and Tin Ko Ko marry as the first public gay couple in Yangon, Myanmar. Photo by Thet Htoo, Copyright @Demotix (3/2/2014)

Мјо Мин Хтет и Тин Ко Ко на нивната свадба како прва јавна геј брачна двојка во Јангон, Мјанмар. Фото: Тет Хтоо, авторски права @Demotix (3/2/2014)

Активистки додаваат женски хероини на Википедија на македонски

Неформалната група граѓанки „Бори се женски“ (@borisezenski), организираше мини маратон за додавање статии за важни жени од Македонија на Википедија со цел да ја подигнат свеста за женските права и родовата еднаквост.

Како дел од иницијативата, активистки работеа во рамки на прославата на Меѓународниот ден на жената насловена „Прво, па женско“ (пародија на популарната балканска изрека со која се истакнува важноста на првородените машки деца „Прво, па машко“), а им се придружија и активисти кои придонесуваа од дома, координирајќи се преку хаштаговите #ЖенскаАрхива и #WikiFem.

A Facebook photo of the initial Female Archive team, whose description displays links to the new articles, garnered hundreds of likes/shares.

Слика на Фејсбук од основниот тим на Женска архива која генерираше стотици лајкови или споделувања. Во описот на сликата се поставени линковите кон новите статии.

Активистите кои, според нив, се бореа „против заборавот“ успејаа да создадат 40 написи во текот на еден ден, со кратки биографии на важни жени, почнувајќи од првите феминистки и активистки за човекови права од почетокот на XX век, преку жени-борци за слобода во НОБ, до современи научнички и уметници.

„Иран не може вечно да го блокира Фејсбук“

Иранскиот Министер за култура и исламски вредности, Али Џанати, изјави [англ.]: „Иран не може вечно да го блокира Фејсбук“. Повеќе засегнати ирански политичари како Мохамад Џават Зариф, министерот за надворешни работи, користат Фејсбук и Твитер додека страниците се блокирани во Иран.

Македонската Твитер-заедница организира втора крводарителска акција

Група корисници на Твитер од Македонија организира крводарителска акција на 17 март 2014. во Скопје. Ова е втора таква акција, првата се одржа на 13 септември 2013.

Мобилизацијата за настанот се одвива на Твитер преку хаштагот #крводарители и профилот @krvodariteli, како и преку настан на Фејсбук, три влијателни веб-сајтови, и различни блогери кои ја поддржуваат акцијата преку ширење на гласот и дистрибуција на банерот, чиј дизајн исто така бил донација од @banekoma.

Banner announcing the Blood Drive in Skopje, organized by the Twitter community.

Баерче за крводарителската акција организирана од Твитер-заедницата во Скопје. Настанот е закажан за 17 март 2014 година од 11 до 20 часот во Даре Џамбаз.

[Видео] Декодирање на индиското мрдање на главата за помалку од две минути

Многу луѓе ги збунува индискиот начин на мрдање на главата, што тој значи и како да комуницираме употребувајќи го истиот. Можеби и тоа е причината зошто ова сатиричко видео кое ги опишува различните типови на мрдање на главата во Индија станало вирално.

Видеото долго 1:44 минути насловено како „Што значи индиското мрдање на главата?” откако на 16 февруари беше објавено на Јутјуб, привлече над 1.2 милиони гледачи. Видеото предизвика многу интересни реакции на различни платформи на социјалните медиуми како на пример Reddit или Твитер:

Од секогаш сум го обожавала индиското мрдање на главата – но сега ГО САКАМ уште повеќе. Ова е брилијантно. http://t.co/eHxIyKqJjc
— geeta pendse (@geetapendse) 1 Март, 2014

Пол Метју, режисер и сценарист изјавил за BBC: „Да знаевме дека видеото ќе има толку голема гледаност, ќе го снимевме подобро.“