Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· декември, 2011

Написи од Заокружено од декември, 2011

Македонија: Новогодишна елка од пластични шишиња

Инспирани од примерот (анг.) на литванскиот град Каунас, на 25 декември во Градскиот парк во Скопје група македонски твитерџии направи новогодишна елка од пластични шишиња, со цел да ја „подигне свеста и личната одговорност кон средината во која живееме“. Организаторите на акцијата ги користеа нивните блогови (1, 2, 3, 4) како почетна точка за брзата кампања преку социјални медиуми #елкамк. Дрвото остана да стои и во текот на ноќта, а ако сиромасите кои собираат пластика за рециклирање од улиците и конејнерите за ѓубре не го пожнеат, авторите планираат соодветно да го отстранат по Нова година.

Mакедонија, Полска: Сеќавање на Солидарност

Македонскиот блогер Зорив евоцираше спомени за падот на социјализмот преку објавување оригинални фотографии кои ги направил при неговата посета на Варшава во 1981 г., во текот на протестите организирани од независниот синдикат Солидарност.

Македонија, Грција: Реакција на пресудата на Меѓународниот суд на правдата

Блогерот Еффо беше прв што ја коментираше пресудата (пдф, на англиски) со која хашкиот Меѓународен суд на правдата утврди дека грчкото попречување на влегувањето на Македонија во НАТО во 2009 г. претставува прекршување на Привремената спогодба од 1995. Тој бара Македонија да ги прекине преговорите за спорот за името, оти смета дека Грција ќе продолжи со „нелогичното“ однесување.

Македонија: Јавна дебата за Дауновиот синдром

Проф. д-р Владимир Трајковски блогираше за јавната дебата за Дауновиот синдром, одржана во Скопје на 15 октомври пред преку 300 учесници, меѓу кои и хрватскиот амбасадор, но без поканетите локални политичари и државни функционери. Тој исто така објави и видео снимка од неговото кратко предавање за неодамнешните научни откритија во оваа област на генетиката.

Македонија, Непал: Прва македонска алпинистка на значаен хималајски врв

Македонските алпинисти Илина Арсова и Илија Ристовски успешно се искачиле на врвот на планината Ама Даблам на Хималаите на 18.11.2011. Илина пишала за овој подвиг на нејзиниот блог, на македонски и англиски јазик.

Грција: Кампања на Твитер за ослободување на уапсен активист-репортер

Неколку грчки корисници покренаа кампања на Твитер (#freemenacius) со барање да се ослободи еден млад активист кој е уапсен додека известувал за ОмниаТВ од протестите во Атина на третата годишнина од убиството на 15-годишниот Александрос Григоропулос од страна на полицијата (на англиски). @menacius и другите уапсени се обвинети за кривични дела и наводно биле тепани по апсењето (на грчки).

Македонија: Глорификација на ајварот

На нејзиниот блог на англиски Јована Тозија со љубов пиша за правењето ајвар, традиционална зимска храна во Македонија и неколку други пост-Османлиски земји.