Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· јуни, 2011

Написи од Заокружено од јуни, 2011

Македонија: Протестите против полициска бруталност ќе продолжат

Внукот објави мултимедијален извештај за протестите кои се одржаа вечерта на 6 јуни, предизвикани од мистериозната смрт на млад човек наречен ДаниелНетпрес исто така објави еден видео клип. Паблишер постави прашање зошто сензационалистичките провладини медиуми, заедно со опозициските партии, ги игнорираа овие настани, а Барабас прашуваше дали се работи за симптом на Сезона на Ескобар (анг.). Продолжението на протестот преку настан на Фејсбук е закажано за 16 ч. попладне во центарот на Скопје, до споменикот на Мајка Тереза.

Македонија: Твитер како двигател на протестите

NewMediaMk објави инфографик за користењето на Твитер од членовите на македонското протесно движење против полициската бруталност.

Грција: Документарецот „Долгократија“ достапен на англиски

„Долгократија“ (анг. Debtocracy), документарен филм на Катерина Китиди и Арис Хаџистефану за причините и можните решенија на грчката должничка криза, од 6 мај може да се гледа со англиски превод. Филмот, кој до тогаш наводно имал над 1 милион гледања, е дистрибуиран под лиценцата Криејтив комонс наведи извор-сподели под исти услови 3.0. Овој „документарец чиј продуцент е публиката“ е направен со 8.000 евра надокнадени преку мали донации (грчки) од индивидуални граѓани и синдикати. Содржи споредби со случаите на Аргентина и Еквадор.

Македонија: Собирањето на јавен простор е забрането?

Внукот информира дека Министерството за култура им забрани на протестантите да се собираат на малиот плоштад, позади меморијалната куќа на Мајка Тереза, прекршувајќи го нивното право за слободен собир, наведен во член 21 од Уставот на Република Македонија.

Македонија: Извештај за сексуалните и здравствените права на маргинализираните заедници

Коалиција за заштита и промоција на сексуалните и здравствените права на маргинализираните заедници неодамна објави годишен извештај за почитувањето на овие права во Р. Македонија за 2010 г. кој може да се симне во вид на е-книга со текст на македонски и англиски, во кој се документирани околу 40 случаи на дискриминација. На 16 мај Индексот на ИЛГА Европа, ги оцени Македонија и Турција со рејтинг (-2), најнизок меѓу земјите-кандидатки за ЕУ.