Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· ноември, 2014

Написи од Заокружено од ноември, 2014

Твојот глас е важен, не молчи

Mujeres Construyendo (Жените градат) се обидуваат да ја покренат свесноста преку порака главно упатена кон жените. Нееднаквоста помеѓу мажите и жените е факт, потврден од Центарот за економски студии на Мексико, каде што можеме да видиме, во поглед на плати, жените заработуваат 22% помалку, но ова е само еден од проблемите со кои тие се соочуваат.

Во едно кратко анимирано видео кое тие го споделија преку нивниот Твитер, можеме да видиме како разговараат две девојки, и едната од нив се обидува да ја покрене свесноста на другата дека нејзиниот збор е важен и валиден како и сечиј друг. На крајот, видеото ни дава серија од важни пораки:

Tu voz te da poder, te hace visible y presente. Tienes derecho a expresarte y a decir lo que piensas y sientes. El silencio es tu decisión, nadie te lo puede imponer.

Твојот глас ти дава моќ, те прави видлива и присутна. Ти го имаш правото да се изразиш и да кажеш што мислиш и чувствуваш. Останува на тебе да одлучиш дали ќе молчиш, никој не може да ти наметне молк.

Со оваа привлечна порака, тимот на Жените градат бара нешто што се чини очигледно во 21от век, родовата еднаквост.

Можете да ги следите Жените градат на Твитер.

Овој пост е дел од дваесет и шестиот #LunesDeBlogsGV (Понеделник на блогови на ГВ) на 27ми октомври, 2014.

Хулигани нападнале прослава на ЛГБТИ заедницата во Македонија

Балканската мрежа за истражувачко новинарство (БИРН) е една од малкуте медиуми кои известија за нападот на прославата на втората годишнина на ЛГБТИ центарот за поддршка во Старата чаршија во Скопје. На 23 октомври 2014 година дваесетина маскирани млади мажи ги нападнале учесниците на прославата и го вандализирале локалот.

„Хулиганите влегоа во кафулето и почнаа да фрлаат се, како шишиња, гајби… Тоа беше стампедо. Една девојка беше повредена и однесена во брза помош. Сега е добро и се опоравува…“ изјавила Уранија Пировска, директорка на Хелсиншкиот комитет за човекови права на Република Македонија.

Амбасадорката на Холандија во заминување, Мариет Шурман, со БИРН зборуваше за користењето насилство „како инструмент за заплашување и замолчување на луѓетокако инструмент за заплашување и замолчување на луѓето“ во Македонија, особено изразувајќи длабока загриженост за тоа колку таквите практики станале општествено прифатливи.

Според неа, Македонија има сериозен проблем со владеењето на правото бидејќи: „граѓаните веќе не се чувствуваат заштитени од страна на властите кои според Уставот би требало да ги штитат нивните права, а особено правата на малцинствата…“.

#ФрлиЈаМастиката, иницијатива за рециклирање во Аргентина

На некои улици во главниот град на Аргентина, Буенос Аирес, се појавија розеви кутии за фрлање на искористени гуми за џваќање. Целта на оваа иницијатива е да се намалат отпадоците од гумите за џвакање на јавните простори. Повторно собраните искористени гуми за џвакање можат да се претворат во гумени чизми и сандали, како и други корисни продукти.

На Твитер, некои корисници ја изразија нивната поддршка, но и скептицизам:

Секојдневно фрламе 650.000 гуми за џваќање на улиците на Буенос Аирес. Сега за нив имаме и посебни корпи за отпадоци!

Многу добра идеја.

Фрлете и рециклирајте ги гумите за џвакање! Дали ќе потраат? Се сомневам. Ќе видиме, ќе видиме.