Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· септември, 2014

Написи од Заокружено од септември, 2014

Кина: „Колку повеќе не експлоатирате, толку посреќни стануваме“

Кевин Слејтен од China Labour Watch (Надгледување на трудот во Кина) (НВО за заштита на правата на работниците во Кина) во напис за Кинескиот фајл за ситуацијата на експлоатацијата на трудот во Кина  — фактот дека индустриската безбедност и животите на работниците беа земени здраво за готово во однос на економскиот развој, што се рефлектира во озогласениот повик на локалните власти од Куншан до странските инвеститори: „Народот во Куншан ја поздравува вашата инвестиција. Колку повеќе не експлоатирате, толку посреќни стануваме.“

НВО во Перу ги храни пеликаните за да спречи нивно изумирање од глад

Pelícanos blancos. Foto en Flickr del usuario  jacinta lluch valero (CC BY-SA 2.0).

Бели пеликани. Фотографија на Фликер од корисникот jacinta lluch valero (CC BY-SA 2.0).

На делтата на реката Мoche во северната Перуанска провинција Trujillo, членови на НВО Corazones Bondadosos (Дарежливи срца) нахранија повеќе од 400 пеликани со свежа риба за да спречат истите да изумрат од глад.

Колективот ‘Corazones Bondadosos’ (Дарежливи Срца) ги храни пеликаните во Trujillo. Благороден гест. Тие бараат од властите да ги поддржат.

Мртви пеликани се опасност по здравјето.

Кон крајот на август, беа погребани околу 120 мртви пеликани на плажата Las Delicias, која се наоѓа во истиот реон. Тие беа погребани 6 стапки под песокот и потоа полиени со вар за да се спречи појавата на потенцијални здравствени проблеми.

Дали образовниот систем на Карибите ги прави децата поглупави?

Со денешниот почетокот на училишната година во многу територии на Карибите, блогерот Guyana-Gyal, кој пишува на локален жаргон, се прашува за новите насоки во кои се движи образовниот систем низ овој регион. Од праксата да се тераат децата да носат тешки училишни торби наместо, едноставно, само книги кои ќе им требаат за конкретниот час, до популарниот тренд на „дополнителни часови“ и зголемен обем на домашни работи, блогерот го предизвикува концептот дека повеќе тестирање резултира со попаметни деца:

Зошто не им е дозволено на децата да си играат додека трае училишната година? Зошто смеат да си играат само за време на празниците? Какви само неуки родители воспитувате сега […] Тие никогаш не слушаат дека играта е еден од најважните начини за откривање? За учење? За мислење? […]

И! Што ќе докаже положувањето на толку многу испити? Дека тие можат да ги „испотат“ книгите многу добро…и…што друго? Тоа ќе ги направи поелоквентни, помудри, покреативни, инвентивни, повеќе ќе размислуваат, ќе бидат поаналитични? Навистина?

Модните трендови во главниот град на Тринидад

Начинот на кој луѓето се облекуваат често ни дава увид во културата на местото; Maya Cozier успева да ja фати урбаната атмосфера на главниот град на Тринидад во едно кратко видео во кое интервјуира неколку млади луѓе со автентични стилови, а кои живеат и работат во околината на шпанското пристаниште. Блогерката Сеола Беликс е една од интервјуираните, и таа забележува:

Пофалби до Маја за одличниот продукциски квалитет, одличен наратив и збир на супер-интересни личности, кои ги почитувам бидејќи поседуваат уникатна смисла за стил која е автентична. Почестена сум што бев земена предвид покрај сите овие одлични луѓе…

Видеото можете да го погледнете овде:

Стилот во шпанското пристаниште од Maya Cozier на Вимео.

Нов вид на пајаци од Борнео наречени по исчезнат активист

Aposphragisma brunomanseri goblin spider. Photo from the Natural History Museum of Berne

Aposphragisma brunomanseri гоблин пајак. Фотографија од Природонаучниот музеј во Берн.

Откриен е нов вид на пајаци од Борнео, од страна на швајцарски научници, кои го добија името по Бруно Мансер, активист за зачувување на животната средина кој се води за исчезнат во државата Саравак во Малезија од 2000та година. Бруно Мансер учествуваше во кампања за заштита на домородното население Пенан и против уништувањето на прашумата во Саравак кога беше прогласен за исчезнат.

Инвазија на скакулци во главниот град на Мадагаскар

Твитер и Фејсбук корисниците од главниот град на Мадагаскар, Антананариво, објавија неколку фотографии од инвазија на скакулци во нивниот град. Инвазиите на скакулци не се необични во Мадагаскар, особено по тропски бури, но тие се многу ретки во големите градови. Скакулците можат да имаат поразителен ефект врз жетвата, особено во земја која се бори со напади од глад во изминативе години.

Ирански полициски истражител доби 3 години затвор за убиство на блогер

Полицискиот истражител за сајбер криминал Акбар Тагизаде беше осуден на 3 години затвор, две години прогон и 74 удари со камшик за убиството на блогерот дисидент Сатар Бехешти, кој почина за време на измачување додека бил во полициски притвор во ноември 2012. 

„Среда попладнето, 6 август, ни пристигнаа новости за пресудата по е-пошта. Но, ние не ги прифаќаме. Тие се кукавички и нефер,”  вели Гохаш Ешги, мајката на Бехешти, во интервју со Интернационалната кампања за човекови права во Иран. Многу корисници на Твитер, кои ја следат приказната под хаштагот #SattahBeheshti, изразија слични несогласувања со пресудата.

Како претприемништвото помогна на девојка од Бангладеш да избегне малолетен брак

Блогерот од Бангладеш Раад Рахман ја раскажува приказната на една девојка во рурален Бангладеш која избегнала присилен малолетен брак со отворавање на продавница за храна со помош на мал грант од локална НВО. Таа требало да биде омажена за синот на соседите бидејќи нејзиното семејство не можело повеќе да ја издржува финансиски.

Ден на Лунфардо, дијалект од пристаништето во Буенос Аирес

Carlos Gardel. Imagen en Twitter de la usuaria  Luciana Monte (CC BY-NC-SA 2.0)

Уличката Карлос Гардел. Фотографија на Твитер од корисникот Luciana Monte (CC BY-NC-SA 2.0).

Како и секој 5ти септември од 2000та година, Буенос Аирес и оваа година го прославува Денот на Лунфардо, дијалект кој е создаден и развиен на крајот на 19тиот и почетокот на 20тиот век кај пониските слоеви во Буенос Аирес, од каде се проширил и на околните градови. Првично, тоа бил сленг користен од криминалци и наскоро и други луѓе од ниските и средно-ниските класи, но подоцна, многу од неговите зборови и фрази биле внесени во употреба во секојдневниот јазик и распространети од Кастилјанците од Аргентина и Уругвај.

Тангото „Mi noche triste“ (Мојата тажна ноќ), напишано од Паскал Контурси и популизирано од Карлос Гардел, беше првата песна која го користи Лунфардо јазикот во својот текст.

Твитер корисниците се сетија на датата:

Денес, 5ти септември, го славиме Денот на Лунфардо.

Мајка ми го зборуваше многу течно, најверојатно поради тоа што го научила на многу рана возраст.

Денес е Ден на Лунфардо, јазикот на пристаништата во Буенос Аирес.

Новости на Твитер за политичката криза во Лесото

Следете го @nthakoana (Nthakoana Ngatane) за новости од политичката криза во Лесото. Nthakoana Ngatane е писател, говорник, пејач, актер и кореспондент на Јужноафриканската корпорација за пренос, во Лесото.

На 30ти август 2014, премиерот на Лесото Том Табејн тврдеше дека имало обид за државен удар. Тој потоа одлета во Јужна Африка плашејќи се за неговиот живот.

Изборна филмска недела во Либан за кажување #НеЗаПродолжување на парламентарниот мандат

Што е подобро од тоа да се мобилизира и седмата уметност? Во уште еден напор кон одржување на избори во Либан и спречување на продолжувањето на парламентарниот мандат #НеЗаПродолжувањето, НВО од Либан Nahwa Al Muwatiniya (во превод – Кон граѓанството) одржа „Изборна филмска недела”.

Шест наслови од Чиле, Иран, Кина, Гана и САД, со варијации од документарци и фикција се прикажуваат помеѓу 28ми август и 2ри септември во Кино Метрополис (кино кое промовира инди филмови) во соработка со Либанската асоцијација за демократски избори (ЛАДИ).

На Фејсбук страницата на настанот, каде е наведена програмата, организаторите напишаа:

Во борба сме со лесно кршлива демократија во Либан, уште од добивањето независност. Денес, повеќе и од најцрните денови на граѓанската војна, на ризик се ставени основите на нашата демократија. Но, ние не сме сами во ова. Светот е полн со приказни за човечката борба за самоопределување и демократско учество. Ширењето на нашите видици е во служба на напорите за подобрување на квалитетот на политичкиот систем во Либан. 

Филмовите кои ги одбравме споделуваат приказни од различни држави, а во сите нив е прикажан изборниот процес. Заедно, тие откриваат комбинација од човечки вредности и идеали како и напорите кои ги прават политичарите за да победат на избори.

За да дознаете за што се работи во филмовите, погледнете го овој трејлер на Јутјуб страницата на Nahwa Al Muwatiniyae.

Сегашниот парламент за првпат го продолжи својот мандат во мај 2013. И како и изминатата година, разни партии го поддржуваат потегот и оваа година под изговори за безбедносната состојба.

Крајот на мандатот на парламентот во Либан доаѓа среде период од превирања. Државата е без претседател од 25ти мај откако парламентот не успеа да избере нов државен врв и главните функционери не успеаја да постигнат политички консензус. Генерален штрајк на синдикатите кои бараат да се одобри нова платежна скала за државни службеници се заканува да ја парализира целата држава. Либан е во период на нестабилност откако на границите со Сирија и Иран беа киднапирани војници од страна на Исламската милитантска организација ИСИЛ .

НВО организира прво твитер-интервју

10628761_757926980953336_8953249393905597018_o

НВО Dominemos la Tecnología (Да владееме со технологијата) поканува на првото #ТвитИнтервју „Од софтактивизмот до размислувања за социјална мрежа како место за протест”, кое ќе се одвива на 1ви септември од 11 до 13 часот (локално време, -3 UTC). Овој настан ќе се одвива на Твитер и учество ќе земе политичкиот новинар и експерт Наталиа Зуазо (@nataliazzz), која е авторот на книгата (се уште во изработка) „Војните на Интернет“. 

Оваа колективна сајбер-дебата има за цел продлабочување на влијанието на сајбер-активизмот, како дигиталните расправи се спротивни од оние на јавен простор, се некои од темите. Можете да ги доставите вашите прашања и мислења на @DominemoslasTIC.

Оваа НВО беше формирана во 2006 од група жени од различни делови од светот кои се залагаат за онлајн соработка за општествени промени и зајакнување на положбата на жените преку користење информациски и комуникациски технологии. Нивната цел е да ја покренат свеста кај интернет корисниците (особени девојките и жените) да ги контролираат ИКТ за ставање крај на насилството против жените.

Како да пронајдете среќа во демократијата

Од Бутан, земјата на Бруто национална среќа, блогерот Пасанг Шеринг споделува начини на кои луѓето можат да бидат среќни живеејќи во демократија. Тој ја споредува демократијата со брак од љубов и вели дека постојат три групи на луѓе, љубовниците, оние кои мразат и загрижените граѓани.

Љубовниците се оние кои се колнат во една партија, и без ралика колку добра или лоша одлука ќе донесе партијата, не мрднуваат ни сантиметар кон тоа да не се согласат со истата. Тие се како опсесивен сопруг кој може да ја прегрне својата сопруга откако таа фрлила жешка тава во неговото лице.

Спротивно на ова, оние кои мразат се преправаат дека не ги забележуваат сите добри работи кои ги прави некоја партија, и одеднаш стануват многу гласни кога ќе најдат некоја маана. Тие се како гневен сопруг кој ќе и удри шамар на неговата жена дури и откако таа ќе му подари букет цвеќиња.

Доколку имаме повеќе луѓе од овие две групи тогаш тоа е ризик за демократијата. Тие можат да направат да пропадне државата. Оттаму, мораме да тежнееме да бидеме, и да го посееме семето на загрижените граѓани кај нашите млади. Едуцирајќи и инспирајќи ги да ја развијат способноста да бидат доволно љубезни да го признаат доброто дури и ако истото е направено од непријател, и доволно храбри да го осудат лошото дури и кога е направено од пријател. Тоа е како многу хуман и сопруг кој ве сака.