Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· февруари, 2015

Написи од Заокружено од февруари, 2015

Боко Харам убија најмалку 81 цивили во Фотокол, Северен Камерун

Northern Cameroon border, where Boko Haram operates

Северната граница на Камерун, од каде оперираат Боко Харам

На 4 февруари, Боко Харам спроведе особено стравотен напад на градот Фотокол во северен Камерун, веднаш до нигериската граница. За стотици цивили се стравува дека се убиени, а досега се потврдени 81 од Министерството за одбрана. Локалните организации за човекови права веруваат дека се убиени околу 370 цивили. Локалните сведоштва велат за присуство на мноштво тела низ улиците со пресечени грла. Градот Фотокол од неодамна е подложен на битки помеѓу Боко Харам и вооружените сили на Камерун и Чад: март 2014, август 2014 и октомври 2014. Камерунскиот блогер Ноел Лафортун пишува дека нападите сигнализираат дека Боко Харам можеби губи територија во регионот:

Au front, la peur est en train de changer de camp. L'entrée en scène de l'armée tchadienne en appui aux armées camerounaise et nigériane semble être décisive, eu égard à la panique qui s'est emparée de Boko Haram.  La puissance de feu des forces coalisées a mis en déroute Shekau et sa bande. 

На фронтот, сомнежот можеби ги промени страните. Појавувањето на армијата на Чад како поддршка на камерунската и нигеријската војска се чини одлучувачко, земајќи ги предвид паничните потези на Боко Харам. Огнена моќ на здружените сили го вознемири Шекау (лидерот на Боко Харам) и неговата банда.

100 инстаграм фотографии поради кои ќе се заљубите во Нигерија

Сигурен сум дека сте слушнале за Нигерија и претходно. Боко Харам, така? Колењето и дивеењето од кои смрзнува крвта. Но, се сомневам дека сте слушнале за оваа „приказна“ од Нигерија – ремек-делото на природата.

Олувакеми Ојо сортираше „100 инстаграм фотографии од кои ќе се заљубите во Нигерија“:

Нигерија е една афричка држава за која сите зборуваат, тоа е една многу убава нација и само откако ќе ја посетите ќе можете навистина да ја цените нејзината убавина. Од прекрасните градови, гратчиња и села, неверојатни атракции, прекрасни хотели и одмаралишта, бескрајни линии од ресторани и клубови, уникатната кујна, уметност и култура; Нигерија има многу што да понуди. 

 

Наследството на Усташите: Во сеќавање на концентрационите логори за деца во Сисак

Children sitting in front of one of the barrack's in the Sisak concentration camp. Public domain.

Деца седат пред една од бараките во концентрациониот логор во Сисак. Јавно достапно.

Во 1941, хрватското радикално десничарско Усташко движење дојде на власт и ја оформи Независна држава Хрватска (НДХ), на чело со Анте Павелиќ. НДХ ги следеше стапките на фашистичките режими во Европа, преку формирање на концентрациони логори, и убивајќи и прогонувајќи Срби, Евреи и Роми, а да не ги спомнуваме и хрватските партизани и нивните семејства.

Во август 1942, НДХ изгради логор во Сисак, Хрватска за деца и родители. Детскиот оддел од концентрациониот логор беше наречен „Прифатилиште за деца на бегалци“ и беше најголемиот од тој вид во Независна држава Хрватска раководена од Усташите. Таканареченото „прифатилиште“ беше раководено од д-р Антун Најжер, под покровителство на Женската лоза на Усташкото движење и Усташките сервиси за надзор. Денеска имаме документи кои покажуваат како д-р Најжер и неговиот тим правеле тестови на децата држени во логорот, некои изгладнувајќи ги до смрт, а други биле подложени на разни видови измачување.

Споменик во погребното место на детскиот оддел вели дека околу 2.000 луѓе се закопани тука, но никогаш немало организиран напор да се ексхумираат телата, така што никој не знае за сигурно. Скорешен напис на хрватскиот портал за вести „Portal Novosti“ ја опиша историјата на логорот, со морничавиот наслов „И Сисак имаше свој Менгеле“ (повикувајќи се на озогласениот лекар од концентрациониот логор Аушвиц).

Градот Сисак, кој претрпе уште еден огромен конфликт во 1990те за време на хрватската војна за независност, одржува годишен настан на погребните места на Денот на сеќавање на Втората светска војна, каде се положуваат венци на спомен-плочите и се повикуваат преживеаните од логорот да говорат.

Добрила Кукољ е едно од децата кои успеале да го преживеат хоророт од концентрациониот логор. Родена во 1931 во селото Međeđa, Босна и Херцеговина, таа била распоредувана во неколку детски логори за време на војната. Нејзиниот живот се изменил засекогаш во 1941, кога усташки сили го нападнале нејзиното село. Во написот на „Portal Novosti“, Кукољ вели дека таа најдобро се сеќава на концентрационите логорите во Сисак и Јасеновац, и двата во Хрватска, и опишува како изгледало пристигнувањето во логорите:

Ulazak u logor bio je ravan klubu smrti u kojem su vladali bezakonje i ludilo, gdje se čuo samo vrisak, plač i jauk do neba. Prizor od kojeg mi se i danas ledi krv u žilama je bježanje ispred ustaša koji su hvatali djevojčice i nad njima se iživljavali. Tada sam nehotice stala na tek rođeno dijete na zemlji, a taj plač mi i danas zvoni u ušima. Mi preživjeli logoraši smo na izmaku snage, a naša svjedočanstva ne smiju pasti u zaborav i zato molim sadašnju i buduće generacije da se bore da se zlo koje je donio rat više nikada ne ponovi, kako kod nas, tako i u cijelom svijetu.

Влегувањето во концентрационите логори беше исто како и влегување во клуб на смртта, со кој владее безаконието и лудилото, каде може само да се чујат врисоци, плачење и јачење, се до небото. Една сцена од која се уште ми се замрзнува крвта во вените е бегање од Усташите кои грабнуваа мали девојчиња и потоа се изживуваа врз нив. Тогаш случајно стапнав на новороденче кое лежеше на земјата. Неговиот плач се уште ми одѕвонува во ушите. Ние што ги преживеавме логорите сме на крајот на нашето патување, но нашето сведоштво никогаш не смее да биде заборавено и затоа барам од генерациите кои се тука и од генерациите кои допрва ќе доаѓаат да се борат злото кое ни го донесе војната никогаш да не се повтори—ни во нашата држава, ни во било која друга.