Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· мај, 2014

Написи од Заокружено од мај, 2014

Видео: Три типови на „девојки“ во Хонг Конг

Ова видео се однесува на стереотипите на нетизените од машки пол во Хонг Конг за локалните девојки од Хонг Конг, Кина и Кинезите родени преку океанот. Том Грунди од Хонг Вронг го има англискиот превод на сценариото.

Европските граѓани повикуваат на заштита на медиумскиот плурализам

For updates follow @MediaECI on Twitter and 'like' the Facebook page European Initiative for Media Pluralism.

Веб страната: MediaInitiative.eu. За новости следете @MediaECI на Твитер ‘like’ на Фејсбук страната European Initiative for Media Pluralism.

„Европските институции треба да го чуваат и надгледуваат правото на слободни, независни и плуралистички информации“. Ова е цитат од страницата на Mедиумската иницијатива која ја сумира главната идеја која стои зад пан-европската кампања која има за цел да ја поттикне Европската Комисија да воведе Директива која ќе го заштитува Медиумскиот плурализам и Слободата на медиумите. 

Meдиумската иницијатива ја започна Иницијативата на европските граѓани – алатка за партиципативна демократија „која ќе им овозможува на коалициите на граѓанското општество да соберат еден милион онлајн и офлајн потписи во најмалку 7 држави членки на ЕУ со цел да го претстават предлогот пред Европската Комисија, а иститот е формиран врз база на ЕУ Директивата, и има за цел да иницира правни процеси“. 

Петицијата е достапна на 15 јазици и може да се потпише онлајн:

Заштита на медиумскиот плурализам преку парцијална хармонизација на националните правила за поседување на медиумите и транспарентост, конфликт на интересите со политичките канцеларии и независност на телата за надгледување на медиумите. 

Кратко видео кое ја претставува кампањата:

Не е лесно да се биде црн во Куба

Најлошата новост за црните и мешаните кубанци е дека непостојат независни легални институции кои ги заштитуваат во случај на владино запоставување.

Кабинетот на Иван Филе известува дека оние кои не се бели се сеуште маргинализирани во Куба. 

Цената на новинарската цензура во Кина

Во Кинескиот медиумски проект, Чанг Пинг дискутира за импликациите на случајот на Веи Јинин, кој ја злоупотребува својата моќ за контролирање на онлајн новинарството. Чанг верува дека случајот треба да ја забрза рефлексијата на корупцијата на самиот пропаганден систем. Чанг вели:

Најверојатно е комплицирано за повеќето луѓе дури и да замислат како млад одговорен за веб-котрола може да проголта милиони во мито. Којзнае за колку повеќе е способен одговорниот за пропаганда кој е на повисоко ниво, со скоро безгранична моќ? Но тајниот карактер на пропагандата е таква што ниту еден медиум никогаш не би се осудил да напише за корупцијата која постои помеѓу комисарите чија работа е да ги контролираат токму нив. 

Една далечна, далечна галаксија

Веб-страница Чилено вика [англиски] дека тимот на астроми предводени од чилеанци фрли нова светлина врз еволуцијата на галакциите преку набљудување на млади ѕвездени формации во надворешните сфери на галаксијата 92. Како што објаснува авторот Др. Серџо Торес од Универзидад де ла Серена, има нешто специјално во галаксиите како NGC 92. Тие се, според него, “совршени лаборатории за проучување на еволуцијата на галаксиите”:

Галаксијата NGC 92 не е воопшто блиска галаксија. Напротив, многу е далечна, 160 милиони сончеви години да бидеме попрецизни, или отприлика 1.51278e21 километри. Тоа е многу ништо. 

Заштита на новинарските извори: Не го зимајте својот паметен телефон

Марк Пирсон од Journlaw.com го интервјуираше Камерон Стјуард, репортер за национална безбедност и заменик уредник на весникот The Australian newspaper. Тие дискутираа за предизвиците со кои се соочуваат истражувачките новинари во ерата на дигитален надзор. Помеѓу другите совети се наоѓа и: оставајте ги своите паметни телефони во вашата канцеларија кога идете на средба со доверливи извори. Прочитајте повеќе на: Новинарите се враќаат на старите методи за да ги заштитат своите извори, вели @camstewarttheoz

#BringBackOurGirls (#ВратетеГиНазадНашитеДевојки): Изјава од загрижени нигериски блогери

Нигериски блогери го додадоа нивниот глас за кампањата #BringBackOurGirls:

Ние, долупотпишаните нигериски блогери, со голема загриженост гледаме на продолжениот притвор на невините ученички кои беа киднапирани од Чибок на 15ти април 2014 година. Ние сме со цврст став дека ниту една количина граѓански жал против владата или луѓето на Нигерија може да оправда такво насилство врз ученици. Затоа ние го осудувам ова киднапирање со многу силни термини. 

Тие исто така ја повикаа својата влада на експедитивна акција за враќање на киднапираните средношколки од Боко Харам терористите: 

Ние исто така ја повикуваме владата на Нигерија да направи се што е во нејзина моќ, дури и ако тоа вклучува интернационална безбедносна агенција, за да ги врати назад девојките од рацете во кои моментално се наоѓаат, и со тоа да го вратат чувството на безбедност во земјата најбрзо што може. Изборите се следната година. Граѓаните сакаат да се чувствуваат безбедно безразлика каде се наоѓаат. Демократијата е најуспешна кога граѓаните се чувствуваат дека имаат можност да продолжат со секојдневните активности без страв или закана по нивните животи и имот. 

Алтернативни гласови се залагаат за секуларност во Бангладеш

Бангладешкиот либерален хуманист, слободоумник и блогер кој има добиено многу награди Asif Mohiuddin беше поканет да говори на Светскиот хуманистички конгрес 2014 во Оксфорд, Британија. Тој веќе бил уапсен повеќе пати заради наводни „анти-државни“ и „анти-религиозни“ написи, се соочува со напади од фундаменталистите и живее константно со смртни закани. Ова е дел од преводот на неговиот статус на Фејсбук на бенгалски од 3 март 2014 кој што го напишал по повод поканата на Конгресот на кој ќе говори за тоа како луѓето од Бангладеш треба да бидат перцепирани на глобалната сцена: 

Да си од Бангладеш не значи дека си Јужно Азиски исламски фундаменталист- како мал брат на Пакистанците. Во Бангладеш има религиски фундаментализам, но сепак има и гласови кои се против тоа, слично како во САД и Европа. 

Треба само да го прошириме нашиот глас на интернационалната сцена. Треба да ја потенцираме нашата позиција. Ако не го направиме тоа, тогаш светот секогаш ќе не гледа како неписмени, религиски фундаменталисти, десничарски националисти, мизогинисти, анти геј и со уназадени размислувања, а со тоа ќе бидеме гледани како мини-Пакистан, мини-Авганистан и мини-Саудиска Арабија. Време е да се променат овие перцепции. 

Сакаме да се промениме од скромна муслиманска земја во секуларен Бангладеш, каде има слобода на говор и еднакви права за сите. Ние маршираме кон иднината и се надеваме дека надворешниот свет ќе не види нас. 

Global Voices на саемот за волонтери во Скопје

Global Voices – Македонија беше дел од саемот за волонтери кој се одржа на 6ти мај 2014 година во Скопје. Целта на овогодишниот саем организиран од страна на амбасадата на САД во Македонија беше „Можноста за поврзување на луѓето кои имаат желба да го подобрат општеството или средината во која живеат со невладините организации кои работат на овие проблематики.“ 

 VA6_2248

Идејата на Global Voices  беше одлично прифатена од посетителите на саемот од кои голем број изјавија заинтересираност за приклучување кон тимот на Global Voices. 

Астрономија во Шпанија

Астрофизичарот Ангел Р. Лопез-Санчез блогира [шпански] за неодамнешниот XXI-ви Конгрес за астрофизика [шпански] кој се оддржа во Гранада, Шпанија, од 1ви до 4ти мај 2014. За време на настанот, имаше натпревар на астрофотографија и видео, за кои Ангел забележува: 

Тројца од четворицата победници се од Андалузија, и ова уште еднаш покажува за големото влијание кое го имаат астрофизичарите од јужниот дел на Шпанија за време на процесот. Не ни чудно што ваков национален настан немало во Андалузија уште од 1985, кога Астрономското здружение на Малада оддржа настан од тој тип во градот. 

Подолу е една од победничките фотографии. Повеќе може да прочитате на написот на Ангел Р. Лопез-Санчез.

Imagen ganadora de la categoría Cielo Profundo del Concurso de astrofotografía y video time-lapse del XXI Congreso Estatal de Astronomía celebrado en Granada entre el 1 y el 4 de mayo. Se trata de una preciosa toma de la galaxia M 101, en la Osa Mayor. El título de la obra es Borrasca. Crédito: Javier Ballesteros Bonald (Cártama, Málaga).

Канал. Фотографија на галаксијата M 101 во Големата мечка. Оваа фотографија победи во категоријата Длабоко него во натпреварот по астрофотографија и видео на XXI-от државен конгрес по астрономија оддржан во Гранада. Дело на: Хавиер Балестерос Боналд (Картама, Малага).

Овој напис е дел од првиот [шпански] #LunesDeBlogsGV [ГВ Понеделник на блогови] на 5ти мај, 2014.

Хуан Карлос Варела, новиот избран претседател на Панама

Хуан Карлос Варела, кандидатот од партијата Пањемиста, победи на претседателските избори во Панама, оддржани во недела, 4ти мај 2014 година. Варела освои 39% од гласовите после избројани повеќе од 60% од избирачките места,  со тоа тој доби 32% повеќе од Хосе Доминго Ариас, од Камбио Демократико, и повеќе од 27% од Хуан Карлос Наваро, кандидат од Демократската револуционерна партија (PRD, според нејзиното шпанско име).

Вака Варела ја објави својата победа на Твитер: 

Денес, победи демократијата, денес Панама победи затоа што на светот му дадовме знак на граѓанство. 

Други корисници ги повторија неговите зборови: 

Му се заблагодарувам на Господ, оние кои гласаа за моите предлози и оние кои гласаа за другите предлози, победникот тука е панамскиот народ. 

Онлајн алатки за учење на бангладешкиот јазик

Блогот на британскиот иселеник базиран во Калкута My Bangla Diary објави интервју со Стив Капел, креаторот на Bangla Tangla. Оваа веб-страница од Капел содржи корисни алатки и содржини за учење на бангла (бангладешки) јазик онлајн. 

Колумбија: Колапс на рудник предизвика смрт и уништување

Најмалку тројца погинаа, и помеѓу 25 и 30 заглавени по колапсот на нелегален рудник во делот на Каука, во југозападниот дел од Колумбија, според извештаите [шпански] на локалните медиуми од овој четврток, 1ви мај.

HSBNoticias информираше на Твитер:

[ФОТОГРАФИИ] Спасувачки обиди за лоцирање на 25 до 30мината заробени во рудникот во Каука.