Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· март, 2011

Написи од Заокружено од март, 2011

Колумбија: Фрактал, научно-фантастичен настан во Меделин

Хуан Диего Гомез пишува на неговиот блог за Фрактал‘11 (анг.), настан за литература, уметност, наука и технологија кој ќе се одржи во Меделин, Колумбија на 8 и 9 април, 2011. Хуан Диего претставува (на шпански) некои од говорниците: наградуваниот автор на научна фантастика Киј Џонсон, антропологот на киборзи Амбер Кејс, истражувачката Јохана Блејкли, креативниот технолог Џејмс Алибан, и музичарот Сем Пул познат како СПЛ.

Македонија: Меме на денот – за зависта

Откако Јасна Шоптрајанова Вртева го објави следниот статус на нејзиниот профил на Фејсбук: „Кога ќе тргнете да завидувате некому, дека сè му е лесно, дека блазеси му, па плус стално весел, насмеан, расположен, помислете си дека можеби му е лесно зашто многу работи. И дека е весел зашто силно се бори да не побудали, а и да не ги оптоварува другите со проблемите кои се можеби и поголеми од вашите.“ Многу македонски корисници на социјални мрежи го реобјавија како нивни статус, а пораката се прелеа и на Твитер во форма на слика.

Македонија: Пописот одложен за октомври

Како штo се предвидуваше, Собранието на РМ минатата среда донесе нов закон со кој го одложи Пописот, оригинално закажан за април. Новиот термин е октомври. Политичките лидери сè уште го немаат определено датумот за предвремените избори: за сега како најверојатни термини се споменуваат мај или јуни.

Македонија: Владата како „донатор“

Волан се противи на користењето на терминот „донации“ од страна на владините функционери кои користат пари буџетот кој го полнат граѓаните за активности што изгледаат добро во медиумите и нив лично ги претставуваат како дарители. Последен пример е купивањето автобуси од Украина за Јавното сообраќајно претпријатие во Скопје.

Македонија, Јапонија: Аниме наспроти реалноста

poljaff, членка на блогот Japan@MK ги спореди искуствата на учење за јапонската култура и реакцијата на природни непогоди преку гледање на високо оценетиот аниме „Токио со интензитет 8.0“ (Tokyo Magnitude 8.0) пред година дена и следењето на ситуацијата по катастрофата од 11 март. Според неа, реалноста испаднала многу пострашна, а јапонскиот народ му одржал лекција на светот за насоката во која треба да си го поправат однесувањето и кон себеси и луѓето околу нас.

Унгарија: Посета на Ѓонѓошпата

Активистите на Индимидиа колинг ги споделија нивните неодамнешни искуства од Ѓонѓошпата, село од северна Унгарија што стана познато поради ’окупацијата‘ од членови на екстремно десничарска паравоена организација (на англиски јазик).

Македонија: Отворен Меморијалниот центар на холокаустот во Скопје

Балканализис.ком пишува за церемонијата на отворање на Меморијалниот центар на холокаустот, одржана во главниот град на Македонија на 11 март: „Иако нештата никогаш нема да бидат како порано во земјата во која денес живеат само нешто повеќе од 200 Евреи, сепак макар за момент можеше да се почувствува какво било културно побогатото Скопје на времето“. Центарот, сместен на просторот каде што било скопското Еврејско маало, е „комплекс од 23 милиони долари“ со „импресивни три спрата со изложби, мултимедијални презентации и историски информации…“.