Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· април, 2012

Написи од Заокружено од април, 2012

Македонија: Топилница за олово тужи екологист

Блогот Гринбокс извести дека Тони Димитриевски, директорот на Метрудхем, корпорацијата што намерава да ја рестартира топилницата за олово во градот Велес, поднел тужба против еколошкиот активист Игор Смилев за „загрозување на сигурноста“, „неовластено снимање“, „клевета“ и „навреда“, барајќи отштета од 20.000 евра. До сега, само една политичка партија, ДОМ, која е членка на владеачката коалиција, протестираше против оваа „неморална“ форма на притисок. Пред преминувањето во приватниот сектор, г. Димитриевски служел како раководител на УЈП и бил назначен за директор на државниот Тутунски комбинат во Прилеп.

Мали: Претставување на туарешкото население

Блогот на туарешкото движење Темус Сурви објави пост (на француски) што  обезбедува кусо претставување на туарешката култура: „Ние сме номадски народ што живее од земјоделство и трговија. Се проценува дека има 1,5 милиони Туарези во регионот што се протега низ Мали, Нигер, Алжир, како и во Либија, Буркина Фасо и Мавританија. Заедничкиот јазик тамашек е сроден со берберскиот. Покрај населението на Етиопија, Туарезите се еден од ретките африкански народи со свое писмо. Карактеристика на туарешката облека е превезот со боја на индиго поради кој го добиле прекарот „луѓе во сино“ (или „сини луѓе“ – прим. прев.).

Бугарија: „Ќе победиш, капитену!“

По објавата дека на познатиот бугарски фудбалер Стилијан Петров (игра за англискиот тим Астон Вила и е тековен капитен на бугарската репрезентација) му бил дијагностицирана акутна леукемија, корисниците на Интернет создадоа група на Фејсбук (на бугарски) за да искажат морална поддршка: „Ќе победиш, капитену, целата земја е со тебе“ пишува на банерот. Групата собра повеќе од 14.000 „лајкови“ во неколкуте часови по основањето, како и многубројни охрабрувачки пораки.

Поткастот на Global Voices меѓу најдобро рангираните на Европските поткаст награди

Поткастот на Global Voices изработен од Jamillah Knowles во Лондон беше прогласен за победник во категоријата „Велика Британија – непрофитни“ на Европските поткаст награди 2011. Илјадници поткасти, од 11 земји во четири категории беа номинирани.

Порторико: Еден мал скромен уметнички блог

Ѕирнете го блогот на уметникот Омар Банучи на Тамблр: „мал и скромен блог со слики“.