Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

· јуни, 2012

Написи од Заокружено од јуни, 2012

Демократска Република Конго: Санитарна криза во Гома поради недостаток на вода за пиење

Паси Мубалама известува дека градот Гома во Северен Киву, ДРК (Демократска Република Конго) се соочува со неколку предизвици поради недостигот од вода за пиење. Таа објаснува дека снабдувањето со вода претставува проблем откако ерупцијата на вулканот Нирагонго во 2002 ја уништи водоводната мрежа која го снабдуваше градот Гома со вода за пиење.

Македонија: Една година од убиството на Мартин Нешковски

Помина една година од убиството на Мартин Нешковски од страна на телохранител на премиерот во тек на прославата на изборната победа на 6 јуни 2011 г. Обидот на властите за прикривање на убиството ги предизвикаа протестите против полициска бруталност. За потсетување, активистите палеа свеќи на местото на злосторот во центарот на Скопје на 5 јуни и ќе одржат протестен марш на 6 јуни во 18 часот.

Грција: Новиот премиер објави прв официјален коментар на Фејсбук

Антонис Самарас ја објави својата прва порака (на грчки) како новоизбран грчки премиер на неговата официјална страница на Фејсбук, барајќи од грчкиот народ да „покаже патриотизам и нескршливо национално единство и доверба“. Тој исто така подвлече дека „со Божја помош, ќе сторат сè што возможно што поскоро земјата да се извади од кризата“. Нетизените коментираат на Твитер. По Парламентарните избори во Грција на 17 јуни 2012 г., партијата Нова Демократија има формирано коалициска влада која се заколна на 20 јуни, во која учествуваат ПАСОК и ДИМАР, третата и шестата партија во земјта по број на парламентарци.