Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

Написи од Заокружено

Најмалку 30 загинати по обилните дождови во Чиле

Најтешките врнежи кои го погодија северниот дел на Чиле во изминативе децении ги земаа животите на најмалку 30 луѓе, според последниот извештај на Државното кризно одделение на Министерството за внатрешни работи (познато како Онеми), со дата од 21 април.

За време на пишувањето на оригиналниот напис на кој е базиран овој превод, беше пронајдена нова жртва.

НАЈНОВО: Кај Лос Сорос, беше пронајдено телото на нова жртва од поплавите. Ова е 31 жртва.

На Глобал Војсис, објавивме за тоа што се сметаат за најлошите врнежи во последниве 80 години во северните региони (главно во Атакама и Антофагаста) кога силните врнежи предизвикаа да се излее реката Copiapó.

Според известувањата на медиумите, има најмалку 59 исчезнати лица и 29.739 погодени од несреќите. Во меѓувреме, материјалните штети се зголемија на 2.000 целосно уништени домови. Преку 6.000 се тешко погодени, и дополнителни 11.000 претрпеле помали штети.

Европската Унија не сака да додели намален ДДВ на е-книгите

Imagen compartida por Blog de sinerrata editores    usada con permiso

Знамето на Европската Унија. Фотографија споделена од блогот Sinerrata Editores, искористено со дозвола.

На 5 март, 2015, Европскиот Суд на правдата пресуди дека намалениот данок на додадена вредност (ДДВ) утврден за печатените книги не треба да се однесува и на дигиталните, сметајќи се што е дистрибуирано или пренесено електронски или преку интернет за услуга. Амалиа Лопез ја става под знак прашалник оваа резолуција на блогот Sinerrata Editores:

Lo que más me ha llamado la atención es que refuerzan la decisión utilizando el argumento del soporte, […] que igual tuvo sentido en algún momento del pasado pero hoy en día me resulta completamente absurdo. Es verdad, el libro electrónico es un archivo no un objeto pero, ¿es un libro menos libro porque lo guardo en mi ordenador o mi lector electrónico en vez de en la estantería? ¿Cuándo leo un libro digital la experiencia cultural es menor que cuando es un libro de papel? Es decir, lo que este tribunal ha sentenciado (o esa es mi interpretación) es que lo que hace de un libro un producto cultural y por tanto merecedor de un impuesto reducido (y un menor coste para los consumidores) es el papel en el que está impreso.

Тоа што ме зачуди е дека тие го искористија форматот како аргумент за поткрепа на нивната одлука, […] што можеби би имало смисла во некое друго минато време, но денес, сметам дека е апсурдно. Навистина, е-книга е фајл и не е предмет, но дали се одзема од вредноста на некоја книга ако јас ја чувам на мојот компјутер или на мојот е-читач наместо на моите полици? Кога читам дигитална книга, дали културното искуство е помало отколку тоа на читањето на испечатена книга? Заклучно, тоа што овој суд го пресуди (или, барем, тоа е мојата интерпретација) е тоа што ја прави книгата културен производ, и со тоа заслужува и намален данок (и намалена цена за потрошувачите), е хартијата на која е испечатена.

Пресудата вклучува книги преземени или прочитани онлајн и опфаќа електронски формати за компјутери, паметни телефони, е-читачи и други уреди на кои може да се чита.

Можете да прочитате повеќе за оваа тема на написот на Амалиа Лопез за Sinerrata Editors, и да ја следите на Твитер: @Sinerrata.

Овој пост е дел од 43от #LunesDeBlogsGV (Понеделник на блогови на ГВ) на 2 март, 2015.

Притаената криминализација на абортусот во Еквадор

Марита Сеара, која блогира за Voces Visibles, предупредува за криминализацијата на абортусот која е во подем во Еквадор, една од најтешките држави од Латинска Америка во која жена може да абортира, надмината само од Венецуела.

Hay dos únicos casos en los cuales es permitido el aborto: cuando corre peligro la vida de la mujer y cuando se trata de una “violación a una discapacitada mental”. A mi parecer, inaudito. Leo en el medio ecuatoriano, Plan V, y no salgo de mi asombro, el proceso en el cual se trata de despenalizar el aborto en dicho país, un país donde, según se señala en dicho medio, 380 mil mujeres aproximadamente han sido víctimas de violación, un país donde una de cada cuatro mujeres han sido víctimas de algún tipo de agresión sexual, un país en el cual ha aumentado un 74,8% los embarazos de niñas entre 10 y 14 años, muchos de los cuales parecen estar ligados a violación sexual; un país donde más de 3.600 niñas menores de 15 años son madres producto de una violación.

Постојат само два случаи каде е дозволен абортус: кога животот на мајката е во опасност и кога е „силување направено врз жена со пречки во развојот“. За мене, ова е срамота. Прочитав на новата еквадорска веб страна Plan V (План В) и сум запрепастена за овие обиди да се криминализира абортусот во таа држава—држава каде, како што посочува План В, околу 380,000 жени биле силувани, каде една од четири жени била жртва на некоја форма на сексуален напад, и држава каде бременоста помеѓу 10 до 14-годишни девојчиња е зголемена за 74.8 проценти—многу од нив се чини дека се должат на сексуални напади. Ова е држава каде повеќе од 3,600 девојки помлади од 15 години се мајки како резултат на силување.

Криминализирањето на абортус ќе има длабоки последици за довербата помеѓу лекарите и пациентите, а да не зборуваме дека ќе ги влоши веќе неверојатните социјални нееднаквости во земјата.

Исто така, концептот на криминализација може да се прошири. Десетици жени одлежуваат затворска казна во затвори како Ел Салвадор, обвинети за „убиство од небрежност“ како резултат на спонтан абортус. Некои од овие, речиси-мајки, отслужуваат и до 30 годишни затворски казни.

Можете да ги следите Voces Visibles и Марита Сеара на Твитер.

Постот прегледан тука беше дел од #LunesDeBlogsGV (Понеделник на блогови на ГВ) на 2 март, 2015.

Барате книги за исламот, феминизам и радикализација?

Блогерот Ројаја Чамседин, либанско-американска новинарка и коментаторка моментално во Сиднеј, сподели листа на книги за исламот, феминизмот и радикализацијата во овој напис на нејзиниот блог Писма од подземјето.

Листата, која ќе се проширува во иднина, вклучува и линкови до некои книги кои можете да ги превземете во ПДФ формат.

Дали ова е се што има да каже специјалниот пратеник на ОН во Јемен за војната во тек: „? тмноппббнпбкпб“

Твитер профилот на асистентот на генералниот секретар на ОН, специјалниот пратеник на генералниот секретар за Јемен, Џамал Беномар, ја испрати следната порака пред неколку часа:

тмноппббнпбкпб

— Џамал Беномар (@Jamal_Benomar) 29 март, 2015

Адам Барон, новинар кој го покрива Јемен, забележува 13 часа од првичното објавување на твитот:

Не ми се верува дека медиумскиот тим на Џамал Беномар се уште не го избришал твитов. Можно ли е бидејќи навистина кажува се? https://t.co/F2GB5oQ1iX

— Адам Барон (@adammbaron) 29 март, 2015

Screen Shot of BenOmar's Tweet still up on his account 13 hours after it was tweeted

Скриншот од твитот на Беномар се уште на неговиот профил 13 часа по објавувањето

Ова е втора реакција на Твитер на Беномар откако Саудиска Арабија започна со воздушни напади врз Јемен на 26 март, кои продолжуваат и денес. Неговата прва реакција беше линкување на оваа изјава дадена од генералниот секретар на Обединетите Нации Бан Ки-Мун.

Закажан општински референдум за зачувување на ГТЦ

Советот на општина Центар го прифати предлогот за одржување референдум за задржување на автентичниот изглед на Градскиот трговски центар (ГТЦ) во Скопје. Како што извести агенцијата Meta.mk, референдумот ќе се оджи на 26 април а за тој да биде успешен, треба да има 50 проценти плус еден од запишаните гласачи во општина Центар.

Одлуката е резултат на двегодишните напори да се спаси архитектонското наследство од планот да се фасадира со лажен барок.

– ГТЦ бара негување, реновирање, реконструирање, а притоа да не изгуби од концептот и од функцијата. Проектот за менување на изгледот на ГТЦ значи нагрдување на суштитната на објектот. Мора инвеститорот што ќе го реконструира објектот да ја знае суштината и што ГТЦ значи за граѓаните. Немаме ништо против реконструкција на ГТЦ, но притоа мора да се задржи неговата автентичност затоа што објектот претставува културно наследство –  рече Даница Павловска од Асоцијација на архитекти.

Таа додаде дека референдумот е најдемократскиот начин за решавање на проблемите на граѓаните и е нешто што му овозможува на граѓанинот да биде свесен за својата моќ.

Активистичката кампања продолжува со цел да се осигури доволна излезност на референдумот, преку хаштаговите  #ГоСакамГТЦ и #ГТЦ.

Македонска новинарка опишува какво е чувството да си предмет на државно прислушување

Познатата истражувачка новинарка Мери Јордановска напиша сведоштво за нејзиното искуство со добивањето докази дека таа е една од наводните над дваесет илјади лица кои биле предмет на прислушување од страна на државата во Македонија. Во напис на Балкан Инсајт, Јордановска објасни: 

Meri Jordanovska. Photo: Prizma Project. Used with permission.

Мери Јордановска. Фото: БИРН, Проект Призма. Употребено со дозвола.

Секој извештај од моите телефонски разговори што ги добив во таа папка беа точни. Датумот, сторијата што сум ја подготвувала, изворот со кој сум се брифирала. Содржината е точна. И не знам дали ќе добијам нова папка. Мислам дека оваа ми беше доволна за да знам што всушност се случува.

Сосема доволно за да знам дека некој однапред знаел за што ќе пишувам. Сосема доволно за со тоа да биде загрозени моите извори на информации. Сосема доволно за центарот да може да се обиде „превентивно“ да делува за одредена сторија да не излезе во јавност. Доволно за да станам свесна, иако секогаш претпоставував, дека некои лица ги знаат проблемите на моите најблиски кои решиле да ги споделат со мене на телефон.

Јордановска добила папка со нејзини прислушувани разговори на прес конференција на опозициската партија СДСМ, при што претставници на партијата објавија дека имало масовно прислушување на новинари во Македонија. Покрај објавување на неколку од прислушуваните разговори како доказ, на дваесет новинари им беа дадени папки со ЦД-а со снимени датотеки од нивни разговори, доставени од извори во Министерството за внатрешни работи.

Текстот на Јордановска е достапен и на македонски, верзија која ја реобјавија неколку независни портали, како Мојот град.

Лидерот на СДСМ Зоран Заев тврди дека државните сигурносни служби прислушувале над дваесет илјади луѓе, преку нелегално снимање и складирање на нивни телефонски разговори во тек на најмалку четири години. Неговата партија уште нема објавено список на сите жртви на оваа операција, ниту пак список на сите прислушувани телефонски броеви. Според претставниците на СДСМ, прислушувани биле и граѓани на Македонија и странски државјани кои ги користеле локалните телекомуникациски услуги, вклучително и дипломати.

Отпуштањето на мексиканската новинарка Кармен Аристегуи иницираше загреани дебати на Твитер

На лансирањето на MéxicoLeaks (МексикоЛикс), платформа која прибира „протечени” информации за можна корупција, новинарката Кармен Аристегуи и нејзиниот истражувачки тим изјавија дека тие ќе го поддржат проектот. Ова доведе до отпуштање на соработниците на Аристегуи, Даниел Лизарага и Ирвинг Хуерта, од страна на нивниот работодавач Радио МВС, за наводно компромитирање на името на компанијата. Како одговор, Аристегуи бараше од радио станицата повторно да ги вработи Лизарага и Хуерта, по што компанијата ја отпушти и неа.

Ова иницираше масовна поддршка од следбеници на Твитер, кои јавно го изразуваа нивното незадоволство кон МВС Вести со хаштаговите #EnDefensaDeAristegui (Во одбрана на Аристегуи), #EnDefenesaDeAristegui2, и #AristeguiSeQueda (Аристегуи останува). Корисниците исто така дискутираа и за состојбата со слободата на говор во Мексико.  

МВС е обвинета дека е поврзана со Partido Revolucionario Institucional (Институционална револуционерна партија, PRI на шпански).

Од друга страна, хаштагот #LárgateAristegui (Оди си Аристегуи) продуцираше критики и вербални напади кон оваа мексиканска новинарка: 

Партијата на власт, PRI, е обвинета дека го создала хаштагот: 

Пењаботови се сомнева дека се лажни профили направени од администрацијата на претседателот Пења Нието со цел да се спротивстават на било какви спротивставени ставови кон владата.

Расчистување на крајбрежјето во Сингапур

Volunteers during a cleanup event. Flickr photo by NUS Toddycats & ICCS (CC License)

Волонтери за време на настан за расчистување. Фотографија од Фликр на NUS Toddycats и ICCS (CC лиценца)

Од 1992, Интернационалното расчистување на крајбрежја – Сингапур организира активности за отстранување на отпадоците од плажите и крајбрежните подрачја во Сингапур. Секоја година, околу 1.500 волонтери се приклучуваат на настаните за расчистување каде собираат 60.000 парчиња отпадоци.

Clean up locations around Singapore

Локации за расчистување околу Сингапур

5 жртви од терористички напад во Бамако додека Мали се обидува да го одржи мирот

Screen capture of police forces in Bamako, Mali after the terrorist attack

Скриншот од видео: полициски сили во Бамако, Мали по терористичкиот напад

Терористички напад во ресторан во Бамако, главниот град на Мали, ги одзема животите на 5 луѓе во петокот вечерта, 6 март. Нападот се случи околу полноќ во ресторан наречен Ла Тераса во центарот на Бамако, a неколкумина се сериозно повредени. Двајца осомничени се во притвор и се испрашуваат од безбедносните сили. Локален полицаец изјавил дека двете индивидуи биле вооружени и со качулки. Едниот влегол во ресторанот и отворил оган. Тројца жители на Мали, еден Французин и еден Белгиец настрадале. Локален блогер прикачи видео на кое се гледа како доаѓаат полициските сили да го истражат местото на злосторот:

Придонесувачот за Глобал војсис Marc- André Boisvert напиша на Твитер дека ваквите напади биле неизбежни, земајќи предвид дека Мали се уште се обидува да го одржи мирот во северниот регион:

Сите знаевме дека тоа ќе се случи во #Bamako. Сите знаевме дека улицата #BlaBla ќе биде мета. Но, сепак сме шокирани #Mali

— Marc-André Boisvert (@boisvertma) 7 март, 2015

Филипе Паолета, жител на Бамако, се согласува со Marc-André:

Сите одамна мислеа дека ова е неизбежно да се случи во #bamako. Тоа не го прави чинот помалку шокантен и ужасен. Rip

— Phil Paɔlεtta (@philinthe_) 7 март, 2015

 Нашите мисли се со жртвите на нападот.

Иницијатива им помага на деца со аутизам преку сурфање

Табра е асоцијација покрената од Гилермо Фереро и Андреа Месонес во Перу која има за цел да го подобри квалитетот на живот на децата со аутизам и даунов синдром преку сурфање и контакт со природата, како што е наведено на нивната Фејсбук страница.

Гилермо е татко на 13 годишно момче кое е дијагностицирано со аутизам, а Андреа е студент на психологија на универзитет во Лима.

Tabra nace del deseo de probar alternativas para lograr una mejora significativa en los niños con problemas del desarrollo cognitivo, dándoles oportunidades de expandir su mundo.

Табра се роди од желбата да се пробуваат нови алтернативи за да се постигне значајно подобрување кај децата со потешкотии во нивниот когнитивниот развој, давајќи им можности да го прошират нивниот свет.

За време на секоја месечна дво-часовна сесија, „Тие се обидуваат да внесат новодојденци, како сите би учествувале“. Поради нивната логистика, можат да дозволат само помеѓу 10 и 12 деца во една сесија.

Како што вели Гилермо Фереро:

La felicidad que tienen cuando están en el mar es tan contagiosa que realmente tú terminas una sesión de Tabra con el corazón y el espíritu lleno de energía por todo lo que te transmiten estos niños durante el momento en el que están conectados con el mar.

Среќата која тие ја чувствуваат кога се во морето е толку заразна што кога ќе завршиме со сесија Табра нашите срца и духови се полни со енергија за се што овие деца пренесуваат кога се поврзани со океанот.

Околу името Табра, блогот Seis de enero (Шести јануари) вели:

El nombre nació de una manera espontánea un día que estábamos conversando fuera del agua y el muchacho [el hijo de Guillermo] empezó a decir “quiero tabra”, pronunciando mal la palabra tabla.

Името спонтано дојде еден ден кога само зборувавме покрај морето и момчето [синот на Гилермо] почна да вели „Сакам табра“, со лош изговорување на зборот табла (шпанскиот збор за даска за сурфање).

Адвокат за мир од Уганда номиниран за Нобелова награда за мир

Ова е Уганда (ОваЕ256) е платформа од талентирани писатели од Уганда кои се решени да пишуваат позитивни стории за нивната држава,  осудувајќи ги сториите околу порното од сиромаштија, гладот, Еболата и племињата, помеѓу останатите. Тие се надеваат да презентираат автентична, рефлективна, искрена, и објективно избалансирана студија за Уганда која никогаш не можете да ја најдете во западните мејнстрим медиуми.

Нивната последна сторија е за Виктор Очен, поранешно внатрешно раселено лице, кој е номиниран од Сервисниот комитет американски пријатели (AFSC), “Quaker” организација за социјална правда, за Нобеловата награда за мир.

Во минатото, AFSC го номинирала Дезмонд Туту, Мартин Лутер Кинг Џуниор, и претседателот на САД, Џими Картер, и сите номинирани ја освоиле наградата. Организацијата неуспешно го номинирала Махатма Ганди, кој никогаш не ја освои Нобеловата награда за мир, иако беше номиниран пет пати во периодот помеѓу 1937 и 1948.

Очен, 33, е основач на Африканската мрежа за младинска иницијатива, која се наоѓа во Лира, Уганда, во 2005, која работи на медицинска рехабилитација на жртви од изгореници, осакатувања од секој вид, силување и психолошка тортура како и промоција на млади лидери. Таа прерасна во позната меѓународна мрежа на медицински професионалци кои помагаат на жртвите повторно да ги изградат своите домови и основните услови за живеење. Според Ова е Уганда:

Тоа што Виктор го направи ова од чисто сочуство го додаде на оваа престижна листа. Како тинејџер во кампот Абиа кој беше дом на повеќе од 40,000 луѓе, тој формираше клуб на мирот со неговите врсници. Оваа иницијатива ги налути возрасните „Зошто зборуваш за мир кој никогаш не си го видел?“ Тој бил со претприемнички дух; си го ризикувал животот горејќи јаглен за да собере средства за училишните трошоци. Потоа тој се запишал во средно училиште и едвај можел да одвои време за неговиот бизнис со горење јаглен, па така тој станал чевлар, и ги поправал чевлите на децата од училиштето. Еден ден успешно изработил голема нарачка да ги поправи чевлите на училишниот фудбалски тим, но за несреќа парите од таа нарачка му биле украдени. Неговата напорна работа и омиленоста кај учителите му помогнале да го заврши средното образование

Срцето на Виктор беше на вистинското место дури и кога работеше со фондацијата „Straight Talk“ во Кампала, и преку интеракцијата со луѓето на терен сфати дека луѓето од Северна Уганда сакаат и повеќе од социјална помош, и сакаат и заслужуваат повеќе. Тогаш ја напуштил работата и ја основал Африканската мрежа за младинска иницијатива. Иницијативата ги мобилизира заедниците, особено младите, да се заземаат за мир и човекови права, помирување. Тие нудат психосоцијална помош на жртви од конфликти, повеќето од кои претрпеле тешка емоционална болка и се борат со простување, тие исто така поддржале повеќе од 5000 луѓе со реконструктивна хирургија, особено жени чии усни биле отсечени, иницијативата исто така поддржува активности кои генерираат приход, формирани се 100 мировни клубови во училишта и универзитети во Северна Уганда и преку 6000 млади поминале низ програмата за градење мир и транзициона правда.

ИСИС ги горат донациите во храна на САД за Сирија

Турскиот новинар Мете Сохтаоглу, кој живее во Истанбул, објави дека ИСИС ја горат хуманитарната помош во храна на САД кон Сирија „бидејќи тоа не е халал“ – или исламски дозволено и законски.

Тој ги твитна следниве фотографии како доказ за неговата објава:

#ISIS ги гори #US донациите во храна на #Syria бидејќи тоа не е ‘халал’ pic.twitter.com/P8ytLCqNvx

— Мете Сохтаоглу (@metesohtaoglu) 1ви април, 2015

Фотографии и видео од 3 дневната забрана за движење во Сиера Леоне

Мајкл Дуф споделува приказни на очевидци од 3 дневното блокирање во Сиера Леоне кое беше воведено како мерка за борба против еболата:

Жителите на Сиера Леоне денес издишуваат со леснотија со враќањето на слободата на движење на граѓаните на главниот град и во северниот дел од државата кои беа подложени на задолжителна владина мерка за тридневно останување во своите домови.
Иако имаше судири помеѓу полицијата и жителите на „Devil Hole“, во руралната област „Freetown Western“ кои доведоа и до употреба на солзавец, за многумина оваа забрана помина мирно и тивко.

Тринидатка се вљубува во Јамајка

Модна блогерка од дијаспората на Тринидад, Афробела, пораснала „со реге музиката и [со] љубов кон јамајканската култура“ – па зошто и требало толку долго всушност да го посети островот? Таа не е сигурна дека може да одговори на прашањето, земајќи предвид дека нејзините први импресии беа „Јамајка е неверојатно прекрасно место со уникатна култура и кујна“:

Јамајканската култура е ценета насекаде низ светот, но сосема друго е да отидете таму, да бидете таму, и да го искусите тој животен стил.

Имајќи го тоа на ум, таа ги напиша нејзините Топ 5 причини да ја посетите Јамајка. Се разбира дека нејзината листа вклучува работи како топлото време и амбиентот на популарното место за летување, заливот Монтего – но исто така и поетски се восхитува на реге музиката во државата, храната и пиењето и – не изненадувачки за моден блогер – шопингот.

99% од Бермуда

Економскиот јаз во Бермуда се чини дека се проширува, како што забележува еден блогер што ја следи состојбата. Пред една недела, откако Телефонската компанија на Бермуда објави дека ја разгледува можноста за воведување на нови – и поскапи – супер-брзи широкопојасни интернет производи за домаќинствата и откако елитен ресторан лансираше „доживување на приватна вечера“ по цена од 1000 долари по особа, BeachLime.com забележа дека “поделеноста помеѓу богатите и обичниот човек останува на постојаното високо ниво.”

Во следен напис на почетокот на неделава, блогерот забележува дека „уште еднаш, посиромашните мораат да допринесат за државата“. Тој зборува за владината одлука да се зголемат цените на билетите за автобус и фериброд како напор за намалување на долгот на државата, велејќи дека тоа го има „непосакуваниот ефект на таргетирање на луѓето кои најмалку можат да издржат понатамошни „цепкања“ на нивните заштеди и заработувачка“:

Да, на прв поглед се чини дека не е значајно зголемување; пораст од 5 долари за книшка со 15 билети не е страшен потег, но кога доаѓаме до тоа кој треба да го плати тоа повеќе, размислете. Кој редовно се вози со автобус во Бермуда?

Според блогерот, зголемувањето на цените на билетите ќе има најголем ефект помеѓу студентите, повозрасните, инвалидите и работниците на минимална плата:

Луѓето кои се поверојатно способни да си дозволат мало „цепкање“ од нивните плати се оние кои е помалку веројатно да ги користат овие услуги!

Тажна ситуација. Во меѓувреме, политичарите продолжуваат со изнаоѓање начини на зголемување на непријатноста помеѓу граѓаните на Бермуда малку по малку, секојпат.

Oнлајн игра во Кина мора да ги почитува законите од реалниот живот

Ministry of Culture's Online Game Content Censorship Workflow. Via China Digital Times.

Работен план за цензура на содржините од онлајн игрите од Министерството за култура. Виа China Digital Times.

Дизајнерот на онлајн игри, Xu Youzhen откри преку неговото Weibo (Веибо) дека кинеските власти побарале растењето на деца во видео играта на неговата компанија да е во рамки на планираното семејство. Насоките биле зададени од Канцеларијата за интернет култура, Биро за културни пазари во нивната презентација со објаснување на „Работен план за цензура на содржините од онлајн игрите од Министерството за култура“ во 2010.

Освен законот за планирано семејство, во дадените упатства има инструкции за развивачите на игри да не вклучуваат содржини кои ги прекршуваат законите за заштита на животни и брачните закони.

China Digital Times ја пренесе веста и преведе некои од реакциите на нетизените по повод упатствата.

Отворено писмо со барање до Советот за човекови права на ОН да ги провери прекршоците во Виетнам

Отворено писмо потпишано од 27 групи и 163 индивидуи бара од Советот за човекови права на Обединетите Нации да ги провери прекршоците врз човековите права направени од владата во Виетнам. Потпишаните исто така бараат и укинување на членството на Виетнам во Советот за човекови права на ОН.

Ги повикуваме земјите членки да гласаат против Виетнам врз основа на континуираното неконтролирано кршење на човековите права. Време е виетнамската влада да научи дека не може повеќе да ја избегнува одговорноста.

Некои од прекршоците, наводно, направени од владата вклучуваат гонење на блогери, цензура, религиозни угнетувања, погрешни пресуди, злоупотреба на политичките затвореници и малтретирање на активисти.

Рускиот интернет-омбудсман се залага за чување кориснички податоци во странство

Dmitry Marinichev. Photo by Vpetrov-71 on Wikimedia Commons.

Дмитри Мариничев. Фотографија на Vpetrov-71 на Wikimedia Commons.

Интернет омбудсманот Дмитри Мариничев напиша писмо до претседателот Владимир Путин, предлагајќи амандмани на новиот закон за задржување на податоци и сугерирајќи дека личните податоци на Русите би можеле да бидат чувани во странство со дозвола на корисниците.

Руската Агенција за правни информации (RAPSI) објави:

Мариничев предложи да се дозволи на онлајн компаниите од странство да чуваат лични податоци на руски корисници во држава која е потписник на конвенцијата на Советот на Европа за заштита на индивидуи од автоматско процесирање на лични податоци, според „Izvestia“.

Вкупно 46 држави ја ратификувале конвенцијата, меѓу кои и Русија, Обединетото Кралство, Франција, Германија, Италија и Шпанија, како и пост-советски држави како Азербејџан, Ерменија, Грузија, Латвија, Литванија, Молдавија и Украина.

„Ние не сакаме да ги изгубиме глобалните онлајн сервиси, кои нема да можат да функционираат во Русија доколку не се измени законот. Јас предлагам амандманите да се дискутираат со експертската јавност“, вели Мариничев, цитиран во „Izvestia“.

Законот за задржување на податоци кој бара од социјалните мрежи и странските компании кои нудат услуги на интернет (како авионски билети и производи за широка потрошувачка) во Русија да ги чуваат личните податоци на руските корисници на сервери на територија на Руската федерација, ќе стапи на сила на 1 септември.

Над 200 академици потпишаа изјава за поддршка на анти-хунта професор од Тајланд

Somsak Jeamteerasakul. Photo from Prachatai website.

Сомсак Џиамтеерасакул. Фотографија од веб-сајтот Prachatai.

Над 200 академици од целиот свет се потпишаа на изјавата во знак на поддршка на историчарот и професорот на колеџ Д-р Сомсак Џиамтеерасакул кој неодамна беше отпуштен од Универзитетот Тамасат. Тајландскиот академик, кој предава веќе две декади, е критички настроен кон владата на хунтата која ја зграби власта во мај 2014.

Изјавата го повикува универзитетот Тамасат и други високо образовни институции да се придржуваат до академската слобода и слободата на изразување:

Да се размислува поинаку не е криминал. Доколку некој не е во можност тоа да го практикува помеѓу ѕидовите на факултетот, простор на учење и потрага по вистината, тогаш просторот тоа да се прави надвор од овие ѕидови исто така ќе се намали.