Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Палестина: Еруптираат протести против високи цени и невработеност

Се’ повеќе протести се случуваат во палестинските области, посебно во големите градови како Хеброн, Рамала, Витлеем и Наблус. Демонстрантите протестираат против палестинската национална власт, високите животни трошоци и високата стапка на невработеност помеѓу палестинската младина.

Протестите започнаа откако палестинската национална власт изјави дека на Западниот Брег цените на бензинот и нафтата за греење ќе бидат зголемени за 8%, а тоа ќе стапи на сила почеток на септември. Тоа резултираше со нагло зголемување на цените без притоа да се случи и соодветно зголемување на дневниците и платите во палестинските области.

Абан Идрес беше сведок на еден протест во Хеброн и твитна:

@abanidrees: في مدينة الخليل شلل تام في حركةالمرور بعد إحتجاجات اليوم ضد الغلاء والمطالبة بإسقاط حكومة فياض حيث لا تكاد سيارة تتحرك في الشارع
Протестите за пад на владата на Фајад како и против високите животни трошоци сепричина за хаосот во сообраќајот во Хеброн. Колите едвај се движат по улиците.

Блогерот Ола Ал Тамими твитна исто така од Хеброн:

@OlaAlTamimi: شارع عين سارة أكبر شوارع الخليل مغلق بالشاحنات وأجساد الناس .. وبدأت بعض الناس بالتحرك باتجاه مقر الأمن الوطني ومبنى المحافظة
Аин Сарах, најголемата улица во Хеброн е блокирана од луѓе и камиони. Некои протести се придвижуваат во насока на главните простории на институцијата за Национална Безбедност и општинската зграда.

Ола се надоврза:

@OlaAlTamimi:أول مرة بتاريخ الخليل بتصير مظاهرة وما في حدا بنضرب من أجهزة الأمن الوقائي
Ова е прв пат во Хеброн да се случува протест, а да не биде физички малтретиран никој од страна на обезбедувањето.

Палестинскиот активист и сликар Хафез Омар твитна:

@hafezomar:لأول مرة منذ العام ١٩٣٦ يتظاهر الفلسطينيون من أجل لقمة العيش!! العار لمن يريدنا أن ننسى فلسطين جريا وراء رغيف الخبز…
Ова е прв пат од 1936 година да се случи Палестинците да протестираат околу животните трошоци! Срамота за сите оние кои сакаат да ја заборавиме Палестина и да трчаме по векна леб…

Твитер беше преплавен и со хумористични слогани од страна на палестинските демонстранти. Рана Бејкер пишува:

@RanaGaza: من أجمل الشعارات التي رفعت اليوم في فلسطين ضد حكومة ‎‫فياض‬‏ و غلاء الأسعار: “صرت أنزل ع السوق أعمل Like و أروح.” ‎‫‬‏
Еден од најдобрите слогани против владата на Фајад и високите цени: „Во денешницава кога одам во супермаркет, само „лајкувам“ и си одам дома.“

Ламеес Суради фотографирал уште еден слоган:

@lames7:أحلى تعليق من نابلس اذا مع الفقرا مش واقفين ولا مع الاسرى واقفين فهمونا ليش بعدكم قاعدين!
Најљубезниот коментар од Наблус: „Ако не сте со сиромашните, не сте ни со затворениците; ве молиме објаснете ни тогаш зошто се’ уште сте на власт?“

Твитер-корисникот ајПалестина твитна за обидот за самозапалување на еден човек по име Хусеин Каваџи:

@PFLP67: مواطن قام بسكب البنزين على جسده وجسد ابنته البالغة من العمر 5 سنوات وحاول إحراق نفسه لكن المواطنين منعوه بالقوة.
Еден граѓанин се полеа себеси и својата петгодишна ќерка со бензин додека другите насилно го одвраќаа од обидот.

Некои извештаи наведуваат кон тоа дека ќерката на Каваџи боледува од рак и моментално е третирана во Јордан, а тој (татко и’) не може да си дозволи да ја посетува.

Ова не е прв случај на Палестинец кој протестира со самозапалување. На 2 септември во Газа животот го загуби седумнаесетгодишниот Ихаб Абу ал-Нада откако се самозапали, најверојатно имитирајќи го Тунижанецот Мохамед Буазизи. Ихаб Абу ал-Нада престанал да се школува и работел тринаесет часа на ден за само 30 шекели (околу 7 американски долари/6 евра) за да му помогне на татко му во семејните трошоци.

Инцидентот привлече големо внимание, особено по објавувањето на една фотографија од лидерот на Хамас Исмаил Ханија со таткото, кој што беше посетен од Ханиja, кој пак му врачил „итна помош“ од 2000 американски долари по смртта на Ихаб.

Многумина се прашуваат, дали ќе продолжи ова ново движење и дали ќе се рашири и во други села и градови. Џон Линдон праша:

@johnlyndon1: Самозапалување во Газа, палење на портретот на Фајад во Хеброн; протести во големите градови на западниот брег. Пристигнува ли пролетта во #Палестина со задоцнување?

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.