Кога изборите се „смешка“, народот кажува вицови за избори

„Пецко“ карикатура од Дарко Марковиќ за ГЕМ. Објавено со дозвола.

„Пецко“ карикатура од Дарко Марковиќ за Граѓани за Европска Македонија. Објавено со дозвола.

Вицови за изборите и изборни измами се честа појава во модерниот балкански фолклор, одразувајќи ги маките на граѓаните низ целиот регион. Со оглед на присутноста на местење на изборите во земји како Црна Гора, Македонија и Србија, вицовите често се во стил „да се насмеме, за да не плачаме“.

Оваа форма на кисел хумор се шири преку социјалните медиуми или во разговори меѓу пријатели. Веб-сајтовите за забава кои преземаат содржини со копирање понекогаш ги вклучуваат во поголеми збирки вицови.

Еве неколку акви шеги од регионот.

’Само чекам татко ми да дојде да гласа‘

Следниот виц од Црна Гора се однесува на широко распространетата практика на небришење на починати лица од Избирачкиот список:

Došao Crnogorac na biračko mjesto kako bi glasao.
Nakon završenog glasanja, zatraži od ljudi iz komisije da mu daju stolicu da sjedne.
– Izvolite stolicu, je li Vam dobro, gospodine?
– Ma dobro mi je, samo ću da sačekam oca da dođe na glasanje.
– Pa doći će Vam otac kući poslije glasanja?
– On ne dolazi kući, evo ima već 10 godina jer je umro, ali redovno izlazi na izbore pa rekoh da ga vidim…

Дошол Црногорец на избирачкото место да гласа.
По гласањето, побарал луѓето од избирачкиот одбор да му дадат столче да седне.
– Повелете столче, дали Ви е добро, господине?
– Ама добро ми е, само сакам да го почекам татко ми да дојде на гласање.
– Па нели татко ви ќе си дојде дома по гласањето?
– Не, нема да дојде дома. Умре пред 10 години, но ете редовно излегува на избори, па си реков да го видам…

Иако оваа верзија е „брендирана“ како црногорска, варијации на овој виц може да се најдат во многу други земји. Еден напис од 1998 г. од британски автор забележал верзија која се однесува на изборите во САД во 1948.

’Ама немаме деца во селово!‘

Варијации на следните вицови се присутни по форуми и социјални мрежи низ целиот регион. Овие копии се од избор на вицови за избори од еден српски веб-сајт за забава:

Kandidat za gradonačelnika u nekom selu drži govor, pa kaže:
– Do vašeg sela ćemo napraviti asfaltirani put! Napravit ćemo i vodovod! Izgradit ćemo i školu!
Netko iz mase:
– Ali u selu nema dece!
– I decu ćemo vam napraviti!

Кандидатот за градоначалник држи говор во некое село:
– До вашето село ќе направиме асфалтен пат! Ќе направиме и водовод! Ќе изградиме и училиште!
Некој од масата извикува:
– Ама во селово нема деца!
– И деца ќе ви направиме!

Градинки и затвори

Како и многу други вицови, и следниот има универзална привлечност, иако во него се наведува одредена држава:

Dođe premijer Srbije u posetu vrtiću. Gleda malo decu kako se igraju i kaže svom ministru finansija:
– Daj piši ček na 5.000 eura za poboljšanje životnih standarda u vrtićima!
I ovaj napiše ček, i idu dalje te dođu u zatvor. I gleda malo zatvorenike kako robuju i kaže:
– Daj piši ček na 500.000 eura za poboljšanje životnih uslova u zatvoru!
– Pa kako za decu 5.000, a za ove zločince i razbojnike 500.000? – kaže ministar finansija.
A, premijer će njemu: – A šta ti, misliš da ćeš ići u vrtić posle sledećih izbora?

Српскиот премиер посетил градинка. Ги гледа малку децата како си играат и му вели на својот министер за финансии:
– Доделете 5.000 евра за подобрување на условите за живот во градинките!
Министерот извршува. Тие потоа одат во посета на затвор. Премиерот ги гледа затворениците, па вели:
– Алоцирај 500.000 евра од буџетот за подобрување на животните услови во затворите!
– Зошто 5.000 за децата, а за овие злосторници и разбојници 500.000? – прашува министерот за финансии.
Премиерот одговара:
– Зар мислиш дека по изборите ќе нè пратат во градинка?

98% против 2%

Честата употреба на сомнителни анкети како средство за пропаганда е тема на следниот виц кој го забележал еден српски блогер.

Političar se obratio agenciji za ispitivanje javnog mišljenja:
– Imam osećaj da bi 98% građana ove zemlje glasalo za mene. Da li bi mogli to proveriti?
Dva meseca kasnije dobio je izveštaj:
– Gospodine, anketirali smo 10.000 ljudi i svi pripadaju onom malom postotku od 2% građana koji su protiv vas.

Политичар се обратил на агенција за испитување на јавното мислење:
– Мислам дека 98% од граѓаните на земјава би гласале за мене. Може ли тоа да го проверите?
По два месеци, добил извештај:
– Господине, анкетиравме 10.000 лица и сите припаѓаат на оној мал процент од 2% граѓани кои би гласале против Вас.

’Синко, помогни ми, те молам, ги заборавив очилата‘

Во 2011 година, весникот Нова Македонија побарал од неколку македонски политичари да ги раскажат нивните омилени вицови. Опозициската пратеничка Весна Бендевска придонела со следниот:

Бабичка оди на гласање.
– Синко, помогни ми, те молам, ги заборавив очилата.
– Нема проблем, госпоѓо – вели еден новопечен административец и го заокружува лавчето на листот.
– Може ли да знам за кого гласав, синко?
– Не може, госпоѓо, изборите се тајни!

’Му ѕвони Ангела Меркел на Груевски‘

Следниот виц може да се интерпретира и како шега на сметка на наводната поддршка што балканските десничарски партии ја добиваат од нивните „сестрински партии“ од Европската Народна Партија, политичка партија на европско ниво. „Докажување“ на гласачите дека ја имаат поддршката од „странците“ е чест фактор за придобивање гласачи. Преку своевидна замена на улоги, Никола Груевски, лидерот на ВМРО-ДПМНЕ, владеачката партија во Македонија, помага на Ангела Меркел, германска канцеларка и лидерка на ЦДУ.

Ликот Миле во вицот се однесува на Миле Јанакиески, бившиот министер и главен извршител на волјата на Груевски, кој е под истрага како клучен осомничен за злосторничко здружување за вршење изборни измами.

Му ѕвони Ангела Меркел на Груевски:
– Никола, пријателе, ми треба помош од тебе. Во Германија ќе има избори и многу ми е тешко.
– Ангела, ако помогнеш да влеземе во ЕУ, нема проблем. Што да направам за тебе?
– Никола, ако можеш, испрати ми некој искусен стратег да ми помага!
– Нема проблем, Ангела, ќе ти го испратам Миле.
Поминале изборите и Груевски и ѕвони н Меркел:
– Ангела, што бидна, победивте ли?
– Не, завршивме на второ место и ги изгубивме изборите.
– Како така, а кој победи тогаш?
– ВМРО…

„Пецко“ карикатура од Дарко Марковиќ за ГЕМ. Објавено со дозвола.

„Пецко“ карикатура од Дарко Марковиќ за Граѓани за Европска Македонија. Објавено со дозвола.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.