Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Сирија: Голотија и рушење на моралот

Колку голотијата на телевизија може да се смета за уметност и колку од тоа придонесува за рушење на моралот? Сирискиот блогер Емад [Ar] се обидува да одговори на ова прашање во следниов пост:

Користејќи ја уметноста како изговор, сега гледаме голотија на арапските телевизии без да бидеме во позиција да се побуниме за „жешките“ сцени кои ги гледаме и кои нивните продуценти ги опишуваат како „соочување со тешката реалност и опишување на она што навистина се случува во општеството.“

Вистинското објаснување за она што ние го гледаме на телевизија е неетичко однесување и срамна голотија. Сепак, хероината од филмот или серијата станува жена од општеството и пример за многу девојки, се појавува на телевизиски интервјуа и ужива во почитта од гледачите за нејзините напори за промовирање уметност. На такви интервјуа, таа се прикажува во улога на угледна дама од општеството, зборува за етика, фамилијарно потекло, како таа да е пример за вистинска жена.

Неправилно во ова е тоа што поголемиот број на луѓе што ги гледаат овие програми се угнетени и живеат во затворени општества. Токму поради ова постојат многу девојки кои го доживуваат надворешниот свет преку она што го гледаат во сериите или филмовите. Ова предизвикува големо рушење на моралот, особено кога на таквите девојки, кои мислат дека ваквото однесување ќе ги направи дами во општеството, им се овозможува нивната слобода.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.