Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Лингва  »

Блогерот за човекови права од Јемен – Хишам Ал-Омеиси е исчезнат 150 дена

Хашам ал-Омеиси. Фотографијата е дадена од неговото семејство во ЦЧПЗ. Искористена со дозвола.

Овој напис е напишан од Калид Ибрахим, извршен директор на Центарот за човекови права Залив, независна, непрофитна организација која ја промовира слободата на изразување, здружување и мирните собири во регионот на Персискиот Залив неговите соседни држави. 

Поминаа 150 дена од притворот на јеменскиот политички аналитичар и блогер Хишам ал-Омеиси од страна на бунтовниците Хути.

Околу 14:45 на 14 август 2017, група офицери за безбедност од Националната агенција за безбедност контролирана од Хутите (НАБ) го уапси Хишам ал-Омеиси во областа Јавлат ал-Мисбахи во главниот град Санаa.

Според еден локален новинар, Ал-Омеиси бил уапсен заради размена на имејл адреси на англиски јазик со организации со седиште во САД. Иако поминаа 150 дена од апсењето на Ал-Омеиси, тој сѐ уште е на тајна локација и не е обвинет, а тоа е прекршување на интернационалното како и на правото во Јемен.

Откако е уапсен, тој е држен во изолација и нема пристап до адвокат ниту до својата фамилија. Сето ова води кон тоа дека Ал-Омеиси станал жртва на принудно исчезнување, нешто на кое многу други Јеменци биле натерани, или од раката на Хутите или од страна на коалицијата предводена од Саудијците кои се борат против нив.

Членовите на неговата фамилија – вклучувајќи ја и неговата жена и двата мали сина, Калед и Саиф – се загрижени за неговото здравје и безбедност.

Пред скоро три години, државата западна во вооружен конфликт каде бунтовниците Хути се бореа да ја преземат моќта од рацете на меѓународно признаената влада на предсетадтелот Абдрабух Мансоур Хади, кој е поддржан од коалицијата предводена од Саудијците. Силите верни на екс-председателот Али Абдула Салех (кој беше симнат од власт по уличните протести во 2011 год.) се бореле против Хутите, додека Салех не го смени својот став и повика на дијалог со Саудиска Арабија. На 4 декември 2017, Хутите го убија Салех.

Јемен сѐ уште има маки од парализирачката граѓанска војна и регионалниот конфликт кој резултираше со огромна хуманитарна и здравствена криза, со повеќе од милион Јеменци заболени од колера. Поборниците документираа огромни прекршоци на човековите права од страна на сите партии кои се борат во граѓанската војна која е во тек.

Пред да го притворат, Хишам Ал-Омеиси без влакна на јазикот зборуваше за моментниот конфликт во Јемен.

Преку неговиот Твитер профил, и неговите придонеси кон интернационалните медиуми, тој даде коментари и анализи за јеменскиот конфликт и известуваше за дневните случувања вклучувајќи ги и воздушните напади од коалицијата на Саудијците.

Саудиската коалиција и Jемен владата велат дека аеродромот во Санаa е затворен заради загриженоста за безбедноста на авионите. Тоа се живи глупости. ТИЕ СЕ ОНИЕ КОИ БОМБАРДИРААТ повеќе од 2 години. [#Yemen] Јемен

Тој исто така ги осуди прекршоците направени од различните завојувани партии и се огласи за хуманитарниот удар врз конфликтот:

Ми беше покажан трагач на случаи со колера во Јемен (бројките во табелата се од минатата недела – сега повеќе од 500 илјади случаи). Бавниот и стрмен пораст е страшен! [#Yemen] Јемен

Пред да го уапсат на 12 август, тој твитна и на арапски и на англиски за „корумпирани функционери“ кои конфискувале имоти со сила во главниот град Санаа, кој е под контрола на Хутите.

Вооружени напаѓачи со поддршка од корумпирани функционери насилно одземаат имоти во Санаа. Само што се појавија кај мене пред врата. [#Yemen] Јемен

Апсењето и притворот на Хишам ал-Омеиси е само уште еден пример за малтретирањата и таргетирањето на бранителите на човековите права и новинарите во Јемен при нивните обиди да привлечат внимание кон моментниот конфликт и кои се стремат кон унапредување и заштита на човековите права.

Центарот за човекови права Залив (ЦЧПЗ) изразува сериозна загриженост за здравјето и безбедноста на Хишам ал-Омеиси, посебно бидејќи е изолиран од комуникација на тајна локација. ЦЧПЗ е уште позагрижен за ситуацијата на сите оние во Јемен кои се мета како резултат на легитимното известување за конфликтот.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.