Арапски свет: Продолжува дебатата за Твитер наспроти Фејсбук
Вечерва се развива дискусија на Твитер, споредувајќи го сајтот за микро блогирање каде корисниците може да објавуваат пораки од 140 букви, со сајтот за социјално вмрежување Фејсбук. Еве некои од забелешките од корисниците на Твитер на Средниот Исток, кои ги споделуваат своите мисли на тема која е светски актуелна на Твитер.
Од Каиро, Амна Амер твитна:
@Amnamamer: #TwitterVsFB избираш кого да следиш бидејќи си сигурен, на ФБ мора да ја прифатиш секоја покана за пријателство бидејќи во спротивно ќе ти замерат!
Египќанецот Ваел Гхоним, кој се прослави по тоа што беше уапсен во раните денови на египетската револуција, забележа:
#TwitterVsFB светски популарна тема вечерва
@Ghonim: Едностраната врска на Твитер прави многу луѓе да се обидуваат да бидат поуникатни и помалку секојдневни за да обезбедат повеќе следбеници #TwitterVsFB
Египетскиот архитект Басем Салем, кој живее во Доха, Катар, прашува:
И Ахнед Авадала, исто така Египќанец од Каиро, забележува:
@3awadalla: Околу 8.5 милиони корисници на Фејсбук во #egypt но само 130000 корисници на Твитер. #TwitterVsFB
Во меѓувреме, Египќанецот Мохамед Диаб не потсетува:
Од Доха, Катар, Силвија Аиман одлучи:
@S_for_Slyvia: #TwitterVsFB خلاصة الموضوع.. Твитер ми се допаѓа многу повеќе од Фејсбук.
Таа понатаму додава:
@S_for_Slyvia: #TwitterVsFB Twitter: помалку безбедност, повеќе пристојни луѓе .. Фејсбук: врвна приватност и џган насекаде!
Назад во Египет, Египќанката Шаима Калаф заклучува:
@shaymaakhalaf: Фејсбук е местото каде ги лажете вашите пријатели. Твитер е местото каде сте искрени со непознатите.#TwitterVsFB
И Амира Салах, исто така Египќанка, забележува:
@amira_salah: #TwitterVsFB Фејсбук ве тера да ги мразите луѓето кои ви се блиски, Твитер прави да ги сакате луѓето кои никогаш не сте ги запознале
За повеќе реакции, ве молиме проверете го хаштагот #TwitterVsFB
