Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Двајца мртви откако владата на Египет не го забележа бесрамното онлајн предупредување за бомбардирања од страна на милитантна група

Warning by Islamist militants that they have planted bombs. Photo credit: ashraf1974108 (Twitter)

Предупредување од војници исламисти дека имаат подметнато бомби. Фото заслуга: ashraf1974108 (Twitter)

Откако двајца полицајци беа убиени и неколку луѓе ранети во две експлозии близу претседателската палата на 30 јуни, многу корисници на Твитер беа бесни на Министерството за внатрешни работи на Египет бидејќи не преземале ништо и покрај претходното предупредување постирано онлајн од воената група Ajnad Misr, неколку часови пред едно од бомбардирањата.

Според нив, експлозиите во одделот Хелиополис во главниот град Каиро можеле да бидат избегнати ако полицијата се борела против тероризам наместо да го фокусира вниманието на наоѓање и апсење на активисти.

Ajnad Misr (Војници на Египет) е релативно нова исламистичка милитантна група со база во Каиро, која цели на она што тие го нарекуваат „криминални елементи“ во египетската влада.

Групата беше забележана порано годинава кога ја преземаа одговорноста за нападот на безбедносните сили во јануари преку онлајн изјава. Во април, групата изјави дека е одговорна за експлозии во Универзитетот во Каиро кои убија полицаец и пет други луѓе. Според Al Arabiya News, по нападот во април, на нивната Фејсбук страница постирале, „Претходно имаме откажано голем број од нашите операции заради можноста шрапнелите да повредат цивили“. Групата исто така користи Твитер. 

Во последнипот напад на Ajnad Misr во Каиро, првата експлозија уби еден полицаец и повреди три лица. Втората направа експодирала додека полицијата пробувала да ја деактивира убивајќи го вториот полицаец.

Твитер корисникот Ashraf Fawzi од Европа изјавува:

Дури го имаат напишано со различна боја идиоти

Активистот и египетски блогер Ahmed Al Ish, кој има 77.000 следбеници на Твитер додава:

Министерството за внатрешни работи вели дека добиле пријава денес за бомбите!! Ова значи дека терористите им се јавиле на телефон откако се изнервирале што на нивното предупредување на интернет не му било обрнато внимание.

Ahmed Anwar, кој има над 14.500 следбеници на Твитер и популарен канал на Јутјуб се шегува:

Што повеќе можат да направат терористите?
Имаше изјава.
Спомнаа каде се поставени бомбите.
Што друго можат да направат? Да одат да се сликаат со бомбите?

Модниот блогер Rasha се прашува:

Каков вид на експерти за бомби се разнесуваат себеси секогаш кога ќе пробаат да деактивираат бомба? Каде тренирале? Во која мизерија живееме ние?

Во меѓувреме, популарната активистка Nawara Negm која има преку 683.000 следбеници возрвраќа:

Сакате тој да го надгледува интернетот, да мести активисти за злосторства, да потплаќа новинари, да апси невини луѓе, уште да спречува експлозии?

Египетскиот блогер Tamer Mowafy кој се опишува себеси како слободен социјалист на Твитер каде има 139.000 следбеници, има слична идеја:

Секако дека нашите пријатели се тие кои претставуваат опасност за националната безбедност и треба да бидат уапсени…

Menna Alaa, која има 59.000 следбеници и се опишува себеси на Твитер како „саркастичен новинар“ заклучува:

Нападот се совпаѓа со првата годишнина од масивните протести кои доведоа до  соборувањето на претседателот Muhammed Morsi, кандидат од Муслиманското Братство кој владееше една година по истерувањето на долгогодишниот претседател Hosni Mubarak. Стотици полицајци станаа цел на исламистичките милитанти по истерувањето на Morsi на 3 јули. Ова се случи откако повеќе од 1.400 Еѓипќани беа убиени и 16.000 приведени по акцијата на војската против Братството.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.