Посрамената македонска Влада се повинува на барањата на студентите

Според вест на порталот „Фактор“, Министерството за образование и наука на Република Македонија на 30 април објави тендер од 1.050.000 евра (1,46 милиони долари) за реновирање на озлогласениот студентски дом „Гоце Делчев“.

По сè изгледа оваа одлука е директна последица на иницијативата за дигитален активизам Операција Студентски дом, која овозможи видливост на ужасните услови за живеење во тој студентски дом и успеа да стави крај на повеќегодишниот тренд на неисполнети ветувања од страна на Владата.

Screenshot of Facebook ad with PM Gruevski and title "The Students are Right" and subtitle "The Student dorm Goce Delchev will be completely reconstructed."

Контрола на штетата: Оглас на Фејсбук со слика на  премиерот насловен „Студентите се во право“ и текст „Целосно ќе се реновира студентскиот дом ’Гоце Делчев‘“.

По неуспехот на иницијалната реакција преку заплашување и цензура да го прикријат скандалот, владеачката партија навидум го проценила ризикот од дополнително разгневување на 1.200 студенти што живеат во домот (и нивните семејства) како преголем пред претстојните избори. Како дел од очевидната кампања за контрола на штетата, тие ветија дека домот ќе биде реконструиран, објавувајќи го ветувањето и преку медиумите кои се блиски до владата, како и преку платени огласи на Фејсбук кои водеа кон интервју со премиерот насловени „Студентите се во право“.

Некои корисници на социјалните медиуми забележаа дека зборовите на премиерот Никола Груевски во ова интервју имаат морничава сличност со еден познат цитат кој му се припишува на водачот на социјалистичка Југославија, Јосип Броз Тито, откако бруталната интервенција на „народната милиција“ не успеала да ги задуши студентските протести кои биле дел од светското движење за демократија во 1968 г. Реченица (на српски) „Другарот Тито рече дека студентите се во право“ беше популарна фраза низ сите држави на бивша Југославија и стана дел од културната историја преку познатата сцена од култниот филм од 1986 година „Лажливото лето на '68“. Во филмот, по прикажувањето на протестите од 1968, таткото го отстранува телевизорот од домот со дел да ги спречи децата да зборуваат за нешта кои режимот може да ги смета за неподобни. По Титовата изјава, тој гордо го вади приемникот од подрумот и им дозволува децата да го користат.

Уште една владина постапка укажува на растечката важност на студентите како гласачко тело. Непосредно пред последниот круг на претседателските избори, во петокот на 25 април, Владата им ги префрли средствата за вообичаено задоцнетите стипендии. Месечните рати кои ги добиваат студентите кои ја започнуваат учебната година во октомври обично почнуваат да се исплаќаат неколку месеци подоцна, со паузи, така што се одолговлекуваат до наредната есен. Но, овој пат, студентите добија една исплата со парите за сите изминати седум месеци одеднаш, иако Владата најави дека исплатите ќе почнат во мај, по изборите (поради забраната за трансфери во тек на избори). Месечните стипендии се во износ помеѓу 50 и 65 евра.

Од друга страна, нема најави за реконструирање на другите студентски домови, во Скопје и во други градови, кои најчесто служат за домување на многу помал број студенти. Еден таков пример е студентскиот дом за студенти по медицина „Медицинар“, сместен во комплексот на Клиничкиот центар во Скопје. Следните фотографии се снимени од авторот на 9 април 2014 година (сите објавени под лиценцата Криејтив комонс-наведи извор).

HPIM0038

HPIM0039

HPIM0040

HPIM0041

HPIM0042

HPIM0043

HPIM0044

HPIM0045

HPIM0046

HPIM0047

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.