Ги гледате сите јазици горе? Ние ги преведуваме сториите на Глобал војсис за светските граѓански медиуми да бидат достапни за сите.

Дознај повеќе за преводите од Лингва  »

Словенечките демонстранти го објаснуваат антикорупциското велосипедско движење со песна

Словенечки демонстранти на велосипеди меѓу кои и човек кој носи знамиња на кои пишува „Смрт на фашизмот“ и „Слобода на народот“. Фото: снимка од екранот од видеото од Бајк Штрајк на Јутјуб.

Информирајте се преку вонредните стории на „Глобал војсис“ за влијанието на КОВИД-19 во глобални рамки.

Една словенечка протестна песна, со блага мелодија некарактеристична за жанрот, стана вирален хит на Балканот.

Нејзините автори ја опишуваат песната како:

Protestna pesem proti korupciji, proti zlorabi moči, proti nasilju nad državljankami in državljani, proti nasilju nad demokracijo in različnostjo.

Протестна песна против корупцијата, против злоупотребата на моќ, против насилството против граѓанките и граѓаните, против насилството кое истовремено е насочено и против демократијата и против различностите.

Илјадници велосипедисти учествуваат на неделните протести на улиците на словенечката престолнина Љубљана и други градови против партијата која дојде на власт на 13 март 2020 г.

Песната „10.000 велосипеди во Љубљана“ од групата „Прешерне мисли“, има верзии на словенечки и англиски јазик, објавени на Јутјуб-каналот „Бајк Штрајк“ (Bajk Štrajk).

Владата на Република Словенија ја води контроверниот премиер Јанез Јанша, кој се има вратено на политичката сцена по минати шест месеци во затвор во 2014 година заради правосилна пресуда за примање поткуп.

Неговата Словенечка Демократска Партија е дел од неформалната мрежа на илиберални популистички и про-автократски партии предводена од унгарската владеачка партија Фидес на Виктор Орбан.

Владата на премиерот Јанша објави нов „закон против Короната“ на 30 април, декларирајќи дека негова цел е да го заштити здравјето на граѓаните и „да ја врати економијата во живот – особено градежништвото“.

Арно ама, во законот владата има прокриумчарено и низа мерки кои се во спротивност со заштита на животната околина, предизвикувајќи протест од еколошки организации.

Според БрдЛајф интернешнал, меѓународна алијанса чија цел е заштита на птиците:

This new law is so outlandish, it has been sent to Slovenia’s Constitutional court for review. Parts of it may be in direct violation of both the Slovene Constitution and the Aarhus convention.

Овој нов закон е толку забеган, што беше побарано мислење од Уставниот суд на Словенија. Негови делови може директно да го нарушуваат и Словенечкиот устав и Архуската конвенција.

Протестната песна исто така се буни против создавањето идеолошки поделби меѓу народот преку сеење раздор и нетрпеливост од страна на владеачката партија, што вклучува и промоција на говор на омраза од страна на медиумите поврзани со неа.

Nehajte nas deliti že na pol
Kot zareza
Desnica ali levica
Ta razdor vam služi le kot pretveza

Престанете да не делите на полoвина
Како со бразда
Десница или левица
Тој раздор ви служи како изговор

На 27 март „Репортери без граници“ и шест други организации кои се борат за слобода на медиумите предупредија дека словенечкиот истражувачки новинар Блаж Згага е цел на кампања на омраза поддржана од владата на социјалните мрежи и во медиумите.

Кампањата започнала откако Згага до властите во Љубљана поднел официјално барање за слободен пристап до информации од јавен карактер во врска со пандемијата Ковид-19.

Меѓународните и локални граѓански организации побараа од Европската Комисија  да стори сè што е во нејзина моќ за да ја гарантира безбедноста на Згага и да се погрижи дека словенечките власти со сета потребна сериозност ќе ги решат случаите на смртни закани и нападите врз новинарот.

Protestiramo v miru
Z maskami čez obraz
Kljub epidemiji
Treba reči, da dovolj je na glas.

Протестираме мирно
Со маски на нашите лица
Наспроти епидемијата
Треба да се каже гласно дека е доста (корупција).

Културен контекст и основи

Словенечката велосипедска протестна песна е верзија на песната „Девет милиони велосипеди“ (“Nine Million Bicycles”) напишана и продуцирана од Мајк Бат во 2005 година за грузиско-британската пејачка и кантавторка Кејти Мелуа.

Словенците исклучително се гордеат со нивното културно наследство, особено со јазикот и неговото изразување преку поезија и други видеови литература.

Името на групата „Прешерне мисли“ може да се преведе како „Храбри и добронамерни мисли“, а истовремено буди асоцијација со презимето на Франце Прешерн, почитуван поет од ХХ век чии дела се сметаат за европски класици, а некои од нив беа дел од наставата по литература низ цела бивша Југославија.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.