САД: 15 октомври на улиците и социјалните мрежи
Не е тајна дека Фејсбук, Твитер, Јутјуб, меѓу другите социјални мрежи, играа клучна улога во неодамнешните локални и глобални протести. Во 2009 година, светот ги откри деталите за зелениот бран во Техеран благодарение на овие платформи, и истото се случи на плоштадот Тахрир во Каиро и со демонстрантите во Мадрид. Како што беше очекувано, глобалните протести на 15 октомври, 2011 година, исто така, целосно ги користеа овие мрежи.
За 15 октомври имаше бескраен број на хаштагови на Твитер, вклучувајќи ги #ocuppyWallStreet, #OWS, #globalday, #15oct, #Oct15, и #occupyeverywhere, меѓу другото, повикувајќи ги сите кои сакаат да се придружат. Кога протестот беше на Тајмс Сквер, илјадници луѓе ги искористија своите паметни телефони за да објават на Твитер или да снимат се што се случуваше, а Глобал Војсис не беше исклучок, како што е прикажано во следното видео:
Блогерите не дозволија овој феномен да помине незабележано. Џенифер Престон од Медија Декодер, прикажува примероци од снимки на протестите низ светот и обезбедува бројки за употребата на мрежите во споредба со демонстрациите:
Онлајн разговорот за Окупирај го Волстрит растеше стабилно на платформите на социјалните медиуми во изминатите недели и се зголеми помеѓу корисниците во странство во изминатата недела како што се приближуваа глобалните демонстрации. Според Трендр, компанија за анализа на социјалните медиуми, бројот на објави на Твитер за Окупирај го Волстрит, надвор до САД, се зголеми на повеќе од 25 проценти од вкупните објави во петок, за 15 проценти повеќе од истиот период изминатата недела.
(Прочитајте повеќе приказни за Окупирај го Волстрит на Глобал Војсис тука и тука).
Протестите не само што се случуваа на плоштадите и парковите, но исто така и на Интернет. Постои блог наречен „Ние сме 99 проценти“, кој прикажува фотографии од луѓе кои држат транспаренти со детали за нивните економски проблеми. Блогот Демократија во Америка не само што мисли дека овој блог е вреден за пофалба, но исто така ги мери разликите помеѓу Фејсбук и Твитер во однос на влијанието на нивните пораки:
Фановите на Фејсбук не се некој водич за ништо, бидејќи може да станеш фан, а потоа да целосно да заборавиш на тоа. Твитовите се за нијанса подобри, бидејќи покажуваат колку луѓе се свесни за некој настан додека истиот се случува. Но, тие покажуваат свесност, а не поддршка. Тешко е да се сфати севкупниот тренд во изминатите неколку дена, бидејќи луѓето се префрлаат од хаштагот #occupywallst кон пократкиот #ows
И така, собираме извештаи од Твитер за настаните на 15 октомври. ДЦ Деби (@DCDebbie) го искористи хаштагот #ows за да објасни зошто се чини дека американските вести се против демонстрантите:
Фокс Њуз сакаа да ја портретираат толпата на #ows како толпа без насоки, неуки мрзливци. Затоа, тие НИКОГАШ нема да ја објават оваа снимка: http://www.observer.com/2011/10/exclusive-occupy-wall-street-activist-slams-fox-news-anchor-in-un-aired-interview-video/
Пред кратко време, претседателот Барак Обама на отворањето на Меморијалниот центар Мартин Лутер Кинг, изјави дека доколку беше жив, починатиот лидер ќе го поддржеше движењето на 15 октомври. Сепак, Лиза Сабатер прашува (@blogdiva):
но, дали навистина? #ows RT @thaiparampil: Обама: Мартин Лутер Кинг Помладиот ќе ги поддржеше Окупирај го Волстрит | Навистина јасна политика http://is.gd
Објавата на Твитер на Харакадејли(@hdaily09) е пример како социјалните мрежи се користат за развивање на приказна:
Протестите Окупирај го Волстрит продолжуваат низ светот додека 175 мина се уапсени во САД: ЛОНДОН, 17 октомври: Инспирирани од Окупирај го Волстрит… http://dlvr.it/qzsdz
Следат фотографии од протестите на 15 октомври, кои се одвиваа од паркот Зукоти до Тајмс Сквер во Њујорк:
Некои судири помеѓу полицијата и медиумите на Тајмс Сквер. Фотографија од Роберт Валенсија за Глобал Војсис, 2011 година
Полицијата се обидува да го контролира пристапот на пешаците. Фотографија од Роберт Валенсија за Глобал Војсис, 2011 година
Демонстрантите собрани во срцето на Тајмс Сквер. Фотографија од Роберт Валенсија за Глобал Војсис, 2011 година
Текот на протестот не запре дури ни со присуството на полицијата. Фотографија од Роберт Валенсија за Глобал Војсис, 2011 година
Знак со бројот „15“ кој се однесува на протестите за 15 октомври. Фотографија од Роберт Валенсија за Глобал Војсис, 2011 година
Знак кој вели „Вратете ги воените пари дома“. Фотографија од Роберт Валенсија за Глобал Војсис, 2011 година
Како што се развиваа протестите, тензиите помеѓу полицијата и демонстрантите растеа. Фотографија од Роберт Валенсија за Глобал Војсис, 2011 година
Демонстрантите поминуваат пред индексот Насдаќ на Тајмс Сквер. Фотографија од Роберт Валенсија за Глобал Војсис, 2011 година
Во меѓувреме, некои од демонстрантите на Окупирај го Волстрит останаа во паркот Зукоти. Фотографија од Роберт Валенсија за Глобал Војсис, 2011 година
Жени маскирани како зомби учествуваа во протестот. Фотографија од Роберт Валенсија за Глобал Војсис, 2011 година
Дури и децата се придружија на протестот. Фотографија од Роберт Валенсија за Глобал Војсис, 2011 година
Во паркот Зукоти, исто така познат и како Парк на слободата, беа поставени санитарии и центри за храна. Фотографија од Роберт Валенсија за Глобал Војсис, 2011 година
Демонстрант кој носи маска на овца и знак кој вели „Овци во светот, разбудете се“. Фотографија од Роберт Валенсија за Глобал Војсис, 2011 година