Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Порторико: Полицијата го зазеде Универзитетот во Порторико

За првпат по 1981 година полицијата на Порторико влезе во главниот комплекс на Универзитетот во Порторико со надзорникот, велејќи дека тие се „овде да ги гарантираат правата на оние кои што сакаат да одат на предавања“. Ова се случи само неколку часа по завршувањето на дводневниот прекин од студентите. Понатаму, се објави дека присуството на полицијата ќе биде неизвесно [шпанскиански].

Полицијата на еден од влезовите на комплексот Рио Пиедрас. Фотографија од Рикардо Алкараз од Диалого. RРеиздадена под лиценца на Криејтив комонс.*

Професорката и блогерка Ерика Фонтанез Торес од Моќ, простор и амбиент [шпанскиански] ја изрази својата грижа во врска со пристигнувањето на полицијата во комплексот:

Repudiamos y protestamos enfática y totalmente, la ocupación de la Universidad de Puerto Rico por la Policía. ¿Cuánto más hará esta administración para arrebatarnos y destruir nuestra Universidad?. Basta ya.

Се спротивставуваме и протестираме отсечно и во целост на заземањето на Универзитетот во Порторико од страна на полицијата. Што уште ќе стори оваа управа за да го земе и уништи нашиот Универзитет? Доста е веќе.

Онлајн публикацијата 8оградос [шпански] објави комунике од страна на Правниот комитет за акција на студентите, кој ги повикува студентите да не влегуваат во комплексот додека не излезе полицијата:

Hoy, debemos negarnos a entrar al Recinto de Río Piedras, y a todos los demás Recintos del Sistema de la UPR hasta tanto se retire la Policía de Puerto Rico de sus inmediaciones. De lo contrario, habremos condonado la muerte de nuestra Política de No Confrontación y de nuestra autonomía universitaria. No esperemos la muerte de una nueva Antonia Martínez, abatida a tiros por los fuerzas del Estado para defender nuestra Institución.

Денес, мора да одбиеме да влеземе во комплексот Рио Пиедрас, како и во другите комплекси во универзитетскиот систем во Порторико, се додека полицијата не се повлече од објектот. Инаку ќе извршиме убиство на нашата политика за несоочување и на автономијата на нашиот универзитет. Не смееме да чекаме смрт на уште една Антонија Мартинез, убиена од истрел од страна на единиците на државата за да се одбрани нашата Институција.

Антонија Мартинез беше 21-годишна студентка убиена за време на интервенција на специјалниот полициски одред во еден студентски протест во Рио Пиедрас во 1970 година.

И покрај барањата на студентите и професорите, полицијата остана во комплексот. Новинарот Рафаел Ленин Перез [шпански] на Твитер објави :

Reportan estudiantes que están cogiendo clases en RP que policías estatales son la orden en los pasillos cerca de salones

Студентите кои посетуваат настава во Рио Пиедрас велат дека државната полиција е распространета по ходниците близу до училниците.

Другите кои се наоѓаат во комплексот изразија фрустрација поради присуството на полицијата. Корисничката на Твитер, Астрид Круз објаснува како се чувствува таа кога се движи во комплексот:

МНОГУ обожавам да се шетам внатре во комплексот имајќи универзитетски чувари + приватна стража + полициски патроли кои го следат секое мое движење. Полициска држава, некој? #ЛучаУПР

Во меѓувреме, собир на професори побара од двете страни да прогласат примирје за доброто на универзитетот. Дигиталната публикација 8оградос[шпански] го објави своето произнесување:

La Universidad de Puerto Rico no puede ser forzada a escoger entre la intransigencia de la administración o la intransigencia de los estudiantes.

Универзитетот во Порторико не може да биде присилен да бира помеѓу непопустливоста на администрацијата или непопустливоста на студентите.

Se exhorta al Presidente y a la Junta de Síndicos que retire inmediatamente la Policía de la Universidad y a los estudiantes que pospongan indefinidamente su voto de huelga. Se exhorta, asimismo, al Presidente y a la Junta de Síndicos que se reúnan cuanto antes con los representantes del estudiantado y se inicie de inmediato un proceso de diálogo con la intención expresa de forjar acuerdos basados en el sacrificio mutuo, en la capacidad de cada cual de ceder, de escuchar al otro y de compartir responsabilidades. Lo que está en juego es nada menos que la sobrevivencia de la Universidad.

Очекуваме од Претседателот и од Одборот на доверители да ја повлечат полицијата од Универзитетот веднаш, а од студентите да го одложат штрајкот на неопределено време. Исто така очекуваме од Претседателот и од Одборот на доверители да се здружат заедно со претставниците на студентите што е можно побргу и веднаш се започнува со дијалог со експресна намера да се постигнат договори основани на заемна жртва,во смисла дека секоја страна може да оствари компромис, може да ја сослуша другата страна и може да дели одговорности. Опстанокот на нашиот Универзитет е доведен во прашање овде.

Студентите од главниот комплекс гласаа на собрание за да се започне со штрајк утре, 14-ти декември, доколку не се елиминира специјалната школарина од 800 долари која треба да започне во јануари. Вчера, илјадници маршираа [шпански] од Законодавниот дом до резиденцијата на Гувернерот во Стариот Сан Хуан (колонискиот сектор на главниот град) во знак на протест против наметнувањето на оваа такса.

Протести против таксата за школарина. Фотографија од Мелиса Ортега од блогот Десде Адентро. Реиздадена под лиценца на Криејтив комонс.*

Претседателот на Универзитетот во Порторико, Хозе Рамон де ла Торес, најави средба за денеска со претставници на студентскиот совет [шпански]. Преостанува да се види дали луѓето ќе останат со ладни глави се до штрајкот на 14-ти декември.

*Фотографија од полицајци од Рикардо Алкараз од Диалого издадена под Криејтив комонс лиценца Некомерцијално-Наведи извор-Без измени 3.0 .
*Фотографија од протест од Мелиса Ортега од Десде Адентро издадена под Криејтив комонс лиценца Некомерцијално-Наведи извор-Без измени 3.0.
*Ве молиме погледнете го специјалниот пренос на Глобал Војсес од студентскиот штрајк минатиот семестар за повеќе информации.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.