И додека Азербејџан се соочува со дополнителни откритија од тајните документи на американските амбасади објавени оваа недела од Викиликс, случувањата на Твитер имаат интересен развој. Поконкретно, само еден ден по не толку охрабрувачките описи од страна на американските дипломати на Илхам Алијев, претседателот на поранешната советска република богата со нафтени резерви, како и на неговата сопруга, се појави корисничка сметка која беше претставена како онаа на првата дама на државата.

Мехрибан Алијеева користи Твитер.

Иако автентичноста  во времето на пишувањето не е потврдена, сметката на Твитер на Мехрибан Алијева има сличен стил со онаа на официјалната претседателска сметка и исто така, се спомнуваат надежите дека едната од ќерките на Алијев ќе ја продолжи работата на првата дама во областа на исламското образование, научната и културна организација (ISESCO).

Сметам дека е време е да се повлечам од ISESCO. Арзу ќе ја продолжи мојата работа таму.

Нормално, а и особено откако во еден од тајните документи претседателската династија е споредена со измислената фамилија Корлеоне од филмот “Кум„, твитовите на сметката не се многу љубезно настроени кон овие документи.

Не ми се верува дека го споредуваат Илхам Алијев со Мафија. Треба да ја погледнат статистиката за развојот на  Азербејџан  за време на неговиот мандат.

@TuralAhmedzadeh одговори:

Секако го споредуваат Илхам со мафијата. И мафијата прави многу пари. Развојот на земјата не му го чисти името.

Друг корисник @Azer_Cafarov беше посебно критичен:

статистиките за развојот на Азербејџан се апсолутно ѓубре: тоа е само порастот на извозот на нафта и цените.

нема позначителен развој, само по илјадници граѓани кои си заминуваат секоја година: НЕМА РАБОТА!

Исто така и @leylanajafli не беше импресиониран.

Посакувам @firstladyaze да прекине веќе со с….то. Не поминаа ни 24 часа а мене веќе ми се повраќа.

Сепак, твитовите од оваа сметка непоколебливо продолжија.

Bizim məqsədimiz Azərbaycanı demokratik,hüquqi və sekulyar dövlət kimi inkişaf etdirmək idi. Məncə, biz buna nail olduq.

Во одговорот @SahileAslanova не изгледаше многу убедена.

Bu yazdiqlariniza özünüz inanirsiniz hec olmasa?:)))

Беше направено и индиректно обвинување дека Викиликс можеби намерно цели на Азербејџан.

Тие што сакаат да направат раздор во Азербејџан нема никогаш да успеат бидејќи нашата нација верува во нејзиниот силен лидер.

@TuralAhmedzadeh одговори повторно:

Кој ѝ припаѓа на нашата нација? Ја вклучува ли тоа и Иса Гамбар и опозицијата? Единствениот раздор е направен од мафијата на Алијев.

Сепак немаше одговори на сите коментари поставени на сметката на Твитер. Во исто време, некои дури и забележаа дека само се следат официјалните кориснички сметки на претседателот на Азербејџан.

mihriban abla azarbeycan first leydisi ya: twittırda tek bir kişiyi takip ediyor: ilham aliyev. bağlılık, sadakat.. beheeeyy

Сепак, тоа не беше вистина, firstladyaze освен двете претседателски сметки, следеше уште две други – Сафура Ализаде, претставничката на минатогодишниот Евросонг, и донекаде изненадувачки мојата лична сметка.

Во меѓувреме, треба уште еднаш да биде забележано дека автентичноста на оваа сметка сѐуштене е потрвдена, некои на Фејсбук сепак се прашуваат дали владите во регионот треба да станат поодговорни и да  се обидат да допрат до луѓето.

Времето ќе покаже, но веднаш потоа јас и Сафура Ализаде, бевме отстранети од листата на пријатели.