Игор Бојаџиев, познат на Твитер како Иџи (@i999y [1]), служи како неофицијален хроничар на македонската Твитер-заедница.
Тој редовно објавува интервјуа со истакнати корисници на Твитер и избор на забавни твитови. Досега, има објавено 249 интервјуа [2] и 197 избори [3] на неговиот блог.
Со над 14 илјади следбеници на Твитер, Иџи е и самиот влијателен корисник на социјалните медиуми. На пример, неговиот твит за „зградите во форма на бродови [4]“ креирани во речното корито како дел од контроверзниот [5] проект „Скопје 2014“ [6], има добиено над 625 ретвитови:
Скопјани ! Бродот може лесно да отплови! Треба само да ги пуштите казанчињата у исто време
— i999y (@i999y) January 16, 2013 [7]
За неговите интервјуа тој користи однапред определен формат кој овозможува неговите читатели да добијат портрет на субјектот преку мешавина на општи и специфични прашања. Решивме истиот формат да го употребиме и за ова интервју на Глобал војсис.
Глобал војсис: Име (ник, кој ти го стави)?
Игор Бојаџиев: Нешто морав да турам шо би рекол [8] Штулич [9]: „Док сам као мали дошао у град, морао сам себи дати надимак.“
И као требаше од Игор нешто да биде па испадна Иги Иџи Игац тој со деветките …
ГВ: Опишете се (макс 140 нели)?
ИБ: Тежок човек (на карактер). али испод е душа(памук) шо да ви кажуам. Знам да биам и врло забавен (чак што више на граница до Глупи Август).
ГВ: Зошто си на Твитер?
ИБ: Па… терапија, Здраво јас сум Игор и јас сум ….количар.
Не стварно, прекрасно е тука, со некои твитерџии и се запознав, се дружиме,најдов роднини тука,супер е,ептен
А терапија даааа, твитер ќе те насмее така добро (некои шо викат,упс мочнав)
ГВ: Шо преставува вашиот аватар? (sic)
ИБ: Дирекно сликање у фаца од страна на ќерка ми (со мобилен к750 далечната 2009).
ГВ: Кој ве донесе на твитер и дали ве за*ба со тоа? (sic)
ИБ: Балдската, паааа поприлично. Прво бев скептик, гледајќи ја како со телефон у рака се смее, сеа ја бетер сум.
ГВ: Ова ви е прв твит (ај да видиме, шо ќе твитните)? (sic)
ИБ: Здраво угнетени, обесправени, очајни, немажени, неженети, гладни…
ГВ: Каде сте родени?
ИБ: Неготино, и ваљда тука ќе си останам доколку не емигрирам.
ГВ: Каде би сакале да отидете на еден месец? А каде на меден?
ИБ: На еден што подалеку, медениот помина.
ГВ: Брак?
ИБ: Прекрасен, еве веќе 15 години. Резултат? Син и ќерка.
ГВ: Ако реинкарнирате во животно, кое би сакале да е?
ИБ: Тасманиски ѓавол.
Дополнителни прашања:
ГВ: Што те мотивира да ги интервјуираш твитерџиите? Што имаш ти од тоа?
ИБ: Јас немам ништо од сево ова, инаку се роди како идеја со @necovski и е обид за отворање на некои твитерџии. Прашалникот е начин да дознаеме повеќе за твитерџиите кои секој дневно ги сретнуваме на ТЛ. Низ низа на прашања ,обид да дознаеме што повеќе за нив.
ГВ: Три највечатливи (туѓи) твитови?
ИБ:Еве пет:
Жените што се као „Јас не готвам“ не се модерни, него неспособни!
— Tom is Love (@egodollaric) December 29, 2012 [10]
тие шо немаат твитер мислат дека ние тука пишуваме “лежам. се бањам. пеам. се чешам итн”, уствари поима немаат дека држава управаме.
— Проданов (@bprodanov) April 5, 2013 [11]
Мувата е најмакедонскиот инсект. Ем јаде лајна, ем трие раце у стилу ‘добро е, добро е!’
— G33x0n (@jocoska) June 27, 2013 [12]
Те имам на твитер. Те имам на фејсбук. Те имам на скајп. Те имам на вајбер. А те немам.
— Ljubiša (@Sulimanovic) January 21, 2014 [13]
-ШТО СМЕ НИЕ? -Пензионери! -ШТО САКАМЕ? -Бесплатни лекови за склероза! -КОГА ГИ САКАМЕ? -Што тоа? Кој сака? Кој е овој што се дере?
— Бени (@Shushmula) July 8, 2013 [14]
ГВ: На кој начин твитерџиите може да придонесат за позитивни општествени промени во Македонија?
ИБ: Досега имаше неколку примери каде од твитер тргнале некои акции кои резултирале со конкретни резултати. Твитер како каписла за социјалните мреќи во Македонија, Евровизија, поплави Србија [15], Мартин [16], На точок [17] и други (а можеби и за овие грешам).
ГВ: Дали има интеракција меѓу македонската Твитер-заедница со странските? Колку содржини се преземаат или прелеваат?
ИБ: Многу малку или воопшто,и доколку има тоа се со луѓе кој на некој начин се поврзани со Македонија. Прелевање на информации има во вид на шерување, но и „преведување„ на твитови од странски автори се со цел поголем рејтинг.