Аргентина: Почина поранешниот претседател, Нестор Кирхнер

Во средата рано наутро во Ел Калафате во Патагонија, местото каде што живееше последниве години, од срцев удар почина Нестор Кирхнер, поранешен претседател и сопруг на сегашната претседателка, Кристина Фернандез.

Заради ненадејната смрт на Кирхнер, во текот на денот имаше неколку собири во центарот на Буенос Аирес, и покрај тоа што беше неработен ден заради одржување на пописот. Се очекува бдеењето да се одржи во Casa Rosada (Владината палата), традиционалното работно место на претседателите.

Нестор Кирхнер. Фотографија од корисникот на Фликр, Mariano Pernicone, искористена во согласност под Кирејтив комонс-Наведи извор 2.0 лиценцата

Многумина се огласија на блоговите. На ArtePolítica [шпански], Juan Pablo Cappelli пишува дека огромниот придонес на Кирхнер,

fue devolverle la política a la sociedad, al pueblo. Demostrar que el cambio es posible, descolonizar nuestro pensamiento. Antes pedíamos que se vayan todos y ahora muchos queremos entrar, antes decían “algo habrán hecho” y ahora decimos “hagamos algo”, porque sabemos, ahora mas que nunca, que es la política la única herramienta de transformación de la sociedad

беше да се доближи политиката до општеството, до масите. Да докаже дека промената е возможна, да се деколонизира нашето размислување. Порано баравме сите [политичари] да си заминат, а сега ги повикуваме да дојдат, порано велевме „мора да направиле нешто”, а сега велиме „ајде да направиме нешто,” бидејќи сега, повеќе од кога и да е, знаеме дека политиката е единствена алатка со којашто може да се трансформира општеството.

На Los Tres Chiflados [шпански], Larry вели,

Gracias Néstor, ahora voy a despedirte junto al pueblo, en forma de agradecimiento por demostrarme con actitud y hechos que otra Argentina es posible, que la historia puede cambiarse si se tiene coraje y convicciones

Ти благодарам Нестор, ќе одам сега со луѓето за да се збогувам со тебе, како знак на благодарност што ми покажа дека е можна една поинаква Аргентина, дека историјата може да се смени доколку имаме храброст и веруваме во тоа.

Poster reads: Image by flickr user Beatrice Murch, used under an Attribution 2.0 Generic Creative Commons license

На постерот пишува: „Ти благодарам Нестор што ни ги врати правата. Никогаш нема да те заборавиме. Биди силна Кристина“. Фотографија од корисникот на Фликр Beatrice Murch, искористена под Криејтив комонс-Наведи извор 2.0 лиценцата

На La Ciencia Maldita, Lucas Llach вели,

Pobre Cristina — nuestras humildes condolencias. Ojalá que tenga el ánimo para que el ciclo kirchnerista termine con el balance generalmente positivo que –en el neto de causas y azares de todos colores– tiene de momento

Кутрата Кристина – наше најголемо сочувство. Се надевам ќе изнајде сили да овозможи времето на Кирхнер да заврши со позитивниот биланс, онака каков што досега беше.

Noticias del Sur [шпански] ги собира изјавите од останатите латино-американски водачи. Во Mide/No Mide [шпански] и Lo que digo y no hago [шпански] посочуваат дека по смртта на Кирхнер, се зголемила вредноста на аргентинските обврзници и акции.

Некои од останатите написи на блоговите: Mendieta el Renegáu [шпански]; Denken Uber [шпански]; República Unida de la Soja [шпански]; Conurbanos [шпански]; Tirando al Medio [шпански]; and Finanzas Públicas [шпански].

На Твитер, „Нестор Кирхнер” беше една од темите од глобален интерес во текот на средата.

Напишано одJorge Gobbi

Преведено одАна

Најнови написи од Латинска Америка

Повеќе »

Топ написи од свет

Започни ја конверзацијата

Автори, ве молиме Најава »

Име (задолжително)

Имејл (Нема да биде јавно видлив) (задолжително)

Веб страна

Насоки

Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.