[1]Овие денови преведувачите од проектот Лингва [1] на Глобал војсис создаваат 15 различни јазични изданија од овој сајт (18, ако ги броиме и идните јазици свахили, руски и српски) за луѓето од целиот свет, кои не го зборуваат англискиот јазик да можат да се вклучат во глобалната конверзација.
Во последната година и половина им посакавме добредојде на повеќе од 70 преведувачи-волонтери, од најмалку 21 земја, во заедницата на Глобал војсис [2].
Не е едноставно да се организираат повеќе од 150 автори [3], уредници [4] и преведувачи, кои редовно ја придонесуваат нивната енергија во Глобал војсис.
Ние немаме физичка канцеларија, географско одредиште и ретко имаме шанса да се сретнеме лице во лице [5]. Може да прочитате повеќе за работата на Глобал војсис на страницата За Глобал војсис [6].
Клер Улрик [7], која го води Глобал војсис на француски [8], ги обележа приближните локации на сите преведувачи на Лингва на оваа Гугл мапа [9].
Ве молиме да ја раширите информацијата за различните Лингва преведувачки сајтови [1] со линкување до нив на вашите блогови.