Global Voices на шпански би сакал да создаде иницијатива за блогирање и да ги промовира блогерските мрежи преку “Блог фестивалите”. На овој начин, Global Voices на шпански помага во креирањето на оригинална содржина со одреден степен на рефлексија и анализи. Блогерите кои ќе земат учество ќе имаат придобивка со тоа што нивната работа ќе биде со поголема видливост, ќе биде објавувана на Global Voices. Еве ги деталите за вториот фестивал:

Избрана земја: Венецуела

Избраната страна и географската положба на вториот блог фестивал е Венецуела, која е позната по значајниот број на луѓе кои учествуваат во онлајн активизмот и каде има број на соработници кои можат да помогнат за публицитет на овој виртуелен настан. Поголемиот број од добро познатите блогери можат да бидат најдени во главниот град на Каракас и се надеваме дека блогерите од градовите како Маракаибо, Валенсија, Маракај, Баркисимето и други исто така ќе земат учество. Учеството не е ограничено за блогерите кои ексклузивно пишуваат за темата (види во наредниот параграф), секој блогер може да учествува.

Тема: Венецуела: Слобода во изразувањето на интернет.

Појавата на новите медиуми и онлајн социјални мрежи носи поголеми можности за изразувањето на граѓаните. Сепак, дали се овие целосно напреднати во Венецуела? Секој од нас сака да се изрази, но ова е само првиот чекор. Дали има онлајн дијалог? Дали ние се слушаме или читаме меѓусебно или има само група монолози кои го оневозможуваат вистинското собирање на идеи? Што се случува кога мислењата вбројуваат нетолеранција или исклученост? Од друга страна, дали слободата во изразување е борба на коњи за скриени интереси? Што е со групите кои не се застапени на интернет? Дали слободата во изразувањето е гарантирана во Венецуела? Што прават корисниците за да ги заштитат своите права?

Учество:

Секој венецуелски блогер може да учествува со објавување на пост за темата на неговиот или нејзиниот сопствен блог. Овој пост мора да биде оригинал, со други зборови, труд на блогерот. Тој не смее да биде копиран од друг извор или објавен надвор од периодот, како што е наведено во овој отворен повик. Структурата, стилот и должината на постот се дискреционо право на блогерот.

Фокусот на темата е отворен. Може да биде еден од сугерираните прашања или пак нешто друго што блогерот смета дека е важно. Кога веќе еднаш блогерот ќе го објави постот за на фестивалот, потоа еден имејл мора да биде пратен на juan.arellano [at] globalvoicesonline.org со следниве информации:

Достапни се беџови, кои се всушност сликата вклучена во овој постот, така што блогерите ќе можат да ја сместат на својот сајт за да назначат дека ќе учествуваат. Откако беџот е сместен на вашиот блог, мора да го референцира овој пост.

Откако периодот за учество ќе заврши, постовите ќе бидат собрани и сумирани со цел да се објави компилација од постови на Global Voices. Зависи од бројот на учесниците, некои од постовите можеби нема да бидат вклучени поради недостиг од простор. Секаков вид на прашања може да бидат упатени до претходно споменатите имејл адреси.

Распоред: Активностите на фестивалот

Забелешка: Ова не е натпревар, така што нема да има победници и губитници. Има врска со промовирањето на придонесите, соработките и сведоштвата за темата, како начин за да се стави заедно широка и разновидна панорама на темата за слободно изразување на интернет во Венецуела.

Очекуваме ваша поддршка, соработка и учество.