Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Индонезија: Лејди Гага не доби дозвола за концерт

Откако беа притиснати од конзервативните политичари и тврдокорни групи, кои ја етикетираа Лејди Гага како обожавател на ѓаволот, индонезиската полиција објави дека нема да издаде дозвола за долгоочекуваниот концерт на Лејди Гага во Џакарта, оставајќи повеќе од 50,000 фанови разочарани.

@HeyPotterhead: Подобро да не го откажете концертот на Лејди Гага. Јас не чекав во ред 8 часа за џабе! Глупав ФПИ #IndonesiaSavesGaga #BTWBallGBK

ФПИ или Фронт за одбрана на Исламот е влијателна религиозна група, која често се бори против „анти-исламистички“ идеи и активности. Во овој случај, тие ја обвинија Лејди Гага за корумпирање на моралот на младите Индонезијци.

One of the promotional merchandise items of the Lady Gaga concert. From the twitpic page of @youngdancers

Еден од промотивните рекламни материјали за концертот на Лејди Гага. Од страната twitpic на @youngdancers

Фановите на Лејди Гага, кои беа наречени „мали чудовишта“, ја критикуваа одлуката на владата:

@ginaignasia: Apa hak nya. Gue yang nabung&cari calo susah2, nyekal2 seenaknya. #IndonesiaSavesGaga #GagaIsAmazing #monsterpower #BurnFPIdown

@ginaignasia: Какво право имаат тие? Јас штедев пари (за да купам билет); барав препродавачи на билети, и одеднаш го забранувате концертот.

@akibaryou: Спасете ја мајката на чудовиштата! Спасете ја слободата на изразување! Откажувањето на концертот е доказ за тоа како нашата држава го изгуби својот приоритет. #IndonesiaSavesGaga!

@Ray_owl: ФПИ меѓународно ја срами Индонезија! #IndonesiaSavesGaga RT @lanaaisya: ФПИ се однесува како лицемер. #saveladygaga

@NickyYuventius: Yang bikin gue bingung adalah polisi yg beralasan gaga itu porno. APA KABAR KONSER DANGDUT? PREEEET!

@NickyYuventius: Она што е чудно е што полицијата кажа дека однесувањето на Гага е порнографско. А што е со концертите на Дангдут?

Дангдут, индиска влијателна фолк музика, е многу популарна во Индонезија. Движењата на изведувачите често се сексуални и еротски.

Истовремено, Советот на Христијанската Индонезиска Црква (ПГИ) го поддржа концертот велејќи дека е дел од слободата на изразување на државата.

Не сите политичари велат дека изведбата на Лејди Гага е страшна. Пратеникот Ахмад Басарах, кој е муслиман, за весникот The Jakarta Globe изјави дека националната полиција треба да биде праведна кога станува збор за заштита на вредностите на нацијата, без разлика дали тоа се против либерално-капиталистички идеи или пак идеологии од Блискиот Исток.

Еве уште неколку реакции на Твитер:

@danielvk: Религиозната мафија манипулира со демократијата и им ја одзема слободата на луѓето. Не толерирајте нетолеранција! #saynotohate #indonesiasavesgaga

@DanielZiv: Не се работи за тоа Индонезија да ја спаси Гага, туку дали Гага ќе успее да ја спаси Индонезија. И навистина Индонезија треба да се спаси самата себе од вакви екстремистички бесмислици, со или без Гага.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.