Овој напис е дел од нашата специјална репортажа за Протести во Бахреин од 2011.
Од почетокот на немирите низ арапскиот свет, се навикнавме на фотографии од демонстранти низ десетици илјади јавни места и улици.
Изразите како Маршот на еден милиот жители станаа дел од речникот, истовремено сцени како оваа на фотографијата подолу станаа симбол на „Арапската пролет“.
Масовни протести на плоштад Тахрир, Каиро. Од Намир Галал(25/11/2011). Авторски права Демотикс.
Сепак потребна е особена храброст да се биде дел од помалите демонстрации, каде има помалку луѓе кои меѓусебно би се заштитувале и помалку медиуми кои би известиле за можна репресија. Што тогаш да кажеме за еден демонстрант кој сосема сам окупира, како што е прикажано на оваа фотографија?
Зајнаб Алкаваја пред финансиското пристаниште во Манама, Бахреин (21/4/2012). Фотографија објавена на Твитер од @Kareemasaeed.
На фотографијата ја гледаме Зајнаб Алкаваја како сама протестира на 21 април, пред Финансиското пристаниште во Манама, главниот град на Бахреин. Нејзиниот татко, Aбдулхади Алкаваja, е истакнат активист за човекови права уапсен на 9 aприл 2011 и осуден два месеци подоцна, заедно со други водачи на опозицијата, на доживотна затворска казна. Тој започна штрајк со глад на 8 февруари 2012 за да привлече внимание кон неговото апсење и малтретирањето на кое бил подложен, а корисниците на интернет од целиот свет од неодамна изразија голема загриженост за влошувањето на неговата здравствена состојба.
Зајнаб, која твита под псевдонимот @angryarabiya, се наоѓа во полициски притвор од вчера. Нејзината сестра Мајрам Алкаваја објавува дека таа одбива да се појави пред обвинител. Ќе напоменеме дека ова не е прво апсење на Зајнаб, ниту прв пат да окупира јавно место.
Од каде толкава храброст? Најдобриот одговор веројатно лежи во тоа што таа го пишува на нејзиниот профил на Твитер:
Ако се наоѓате во синџири, живеете без достоинство и права, се поклонувате на криминални диктатори, прв чекор е да заборавите на вашиот страв и да разберете дека тоа е ваше право.. да покажете лутина
Овој напис е дел од нашата специјална репортажа за Протести во Бахреин од 2011.
