Мрежата Технологија за транспарентност [1] со гордост го објавува конечниот извештај, Глобално мапирање на технологијата за транспарентност и отчетност [2].
Извештајот е издаден од Иницијативата за транспарентност и отчетност [3],(@TAInitiative [4]), заедно со преку десетина други извештаи за глобалното движење за транспарентност. Извештајот се фокусира на три клучни области на истражување: Влијание и учење [5], Нови технологии [6] и Политика на иновации [7].
Голема благодарност до Иницијативата за транспарентност и отчетност за поддршката на нашето работење, до нашиот прекрасен тим на истражувачи [8], и до Давид Сасаки, кој ја лансираше и управуваше [9] почетната фаза на мрежата Технологија за транспарентност, која ја постави основата за овој извештај.
За извештајот
[2]
- Целосен извештај преку Иницијативата за транспарентност и отчетност [2]
- Кратка содржина на англиски јазик [10]
Кратка содржина
Извештајот содржи клучни наоди од над 100 прегледани проекти и од интервјуата на десетици практиканти во Централна и Источна Европа, Источна Азија, Латинска Америка, Средниот Исток и Северна Африка, Јужна Азија, Југоисточна Азија, земјите од поранешниот Советски сојуз и Супсахарска Африка, кои употребуваат нови технологии како средство за зголемување на транспарентноста и отчетноста. Ова резиме помага да се „опипа пулсот” на технологијата за транспарентност и отчетност и предлага постоечки можности за мерење на влијанието како и на важните ограничувања и предизвици.
За практикантите во рамките на транспарентноста и отчетноста, корисно е да се одреди поле за потенцијалот на проширувањето на технологијата кон иницијативите на транспарентност и отчетност на најмалку 4 начини:
- Спроведување на проекти и интервенции.
- Приближување на граѓаните кон процесот на донесување политика преку нови и подобрени канали на учество, како и надзор на граѓаните над владата.
- Идентификување на приоритетите на политиката и одговор на предизвиците за испорака преку „мешање податоци” и други визуелни и информациски техники за манипулација како на владата така и на приватните сервиси за податоци.
- Подобрување на ефикасноста на организациите на граѓанското општество кои работат на полето на транспарентноста и отчетноста преку усвојување на најдобрите практики за технолошки платформи.
Дополнителни наоди
Најголем дел од проектите кои ги проучувавме се фокусираат на извршните [11] или правните [12] гранки на владата [13]. Помал број проекти се фокусираат на судската гранка [14], медиумите [15], приватниот сектор [16] и донаторите [17].
Речиси половина од проектите се фокусираат на набљудување на изборите [18]. Додека многу од нив употребуваат Ushahidi [19], некои имаат развиено сопствени пристапи, вклучувајќи прибирање на вести за изборите од повеќе извори на единствен сајт и следење на извештаи на официјалните надгледувачи на изборите на Google Maps [20].
Проектите во повеќе региони се фокусираат на транспарентност во законодавството [12], често следејќи ги законските сметки и поставувајќи профили за секој претставник кои вклучуваат биографии и гласачки записи. Некои вклучуваат и профили на политички партии или записи од законско трошење.
Визуализацијата на податоците и навигациските алатки се клучната карактеристика во повеќе од половина проекти кои што ги документиравме, бидејќи претставуваат различни форми на собирање податоци [21] од граѓаните. Приближно една третина од проектите користат мобилни телефони [22] на некој начин, најчесто дозволувајќи им на граѓаните да испратат или примат информација преку текстуална порака.
Што е следно?
Веб сајтот на Мрежата за технологија за транспарентност [1] ќе остане отворен како место каде може да споделуваме проекти, алатки и идеи, како место за средба на успешни иницијативи и на оние кои сакаат да научат од работата на другите. Може да се пријавите на нашата листа за електронска пошта [23], да читате или придонесувате со специјализирани статии [24] на Глобал Војсис онлајн и да не следите на Твитер (@techtransparent [25]) и Фејсбук (Facebook [26]). Оваа област само што почнува да се истакнува и со нетрпение очекуваме да помогнеме во поттикнување на глобалните напори преку соработка и комуникација преку границите.