Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Бразил: Марш на солидарност за сириската револуција

Овој пост е дел од нашата специјална репортажа Протести во Сирија 2011/12.

Поддршката за сириската револуција го зафати и Сао Паоло, Бразил на 18 март, 2012. На годишнината од почетокот на сириската револуција, илјадници активисти се собраа во Сан Паоло да ја искажат својата солидарност за сириската борба. Настанот се одржа во рамките на Глобалниот марш против сирискиот диктатор , како и за поддршка на Палестинците против израелската окупација.

Активистите споделија фотографии и видео материјали на Твитер и Јутјуб, како на пример Надин Бекдахе (@NadineBek [португалски]) која постираше :

fotos da passeata hoje em #SaoPaulo apoiando a revolação #Siria – A #palestina estava em todas as palavras ditas

Фотографии од денешниот марш во #SaoPaolo (Сао Паоло)  за поддршка на #Syria Revolution (Сириската револуција) – #Palestine (Палестина) е спомената во сите одржани говори
Brazilian committee to support Syrian Revolution. Via @NadineBek on Twitter (used with permission)

Бразилскиот комитет ќе ја поддржи Сириската револуција. Преку @NadineBek  на Твитер (користено со дозвола)

Иако бројот на демонстранти не соодветствуваше со целокупната арапска заедница што живее во Сан Паоло, луѓе од различни култури, потекла и заднини се сообраа да демонстрираат: Сиријци, Либанци, Палестинци, Бразилци, активисти за човекови права и преставници од левицата во Аргентина. Маршот започна од Шопинг Паулиста  до музејот на уметноста  MASP  и продолжи преку авенијата Паулиста.

Видео постирано на Јутјуб [арапски] го опишува текот на протестот:

واحد واحد واحد الشعب السورية واحد، بعد هذا الهتاف تأتي هذه الكلمة الذي يقول فيها المتكلم أن في سورية هدف واحد وهو إسقاط النظام ونحن هنا نتعلم من الثورة ورغم الصعوبات سنعمل كي نبقى موحدين. بإختصار: ثم يعتذر عن إنفعاله ويقول أن قضيته هي فلسطين وبأن ثورات كل البلدان العربية هي من شأنه وبإنه يؤمن أن من خلال حرية العالم العربي نقضي على إسرائيل. وينتظر أن يتغير النظام في الأردن أيضا ويحيي المغرب على حراكهم

Едно, едно, едно, сирискиот народ е едно. По извикувањето на овие зборови, говорникот објави дека постои една цел во Сирија: да се собори режимот додека народот е тука да учи од револуцијата, дека и покрај потешкотиите, тие ќе работат да останат обединети. На кратко: говорникот се извини за неговите маки, објасни дека за него Палестина е во преден план и дека им обрнува внимание на арапските револуции бидејќи верува дека преку слободата на Арапскиот свет, Палестинците би можеле да му се спротистават на Израел. Тој посакуваше да го промени режимот во Јордан, притоа бодрејќи ги Мароканците за нивната раздвиженост.

Маршот запре кај сириските и либанските конзулати (кои иако имаа слободен ден) каде демонстрантите скандираа и побаруваа почит од либанските функционери кон сириските бегалци, да им ги обезбедат неопходните работи и да ги отворат границите за Сиријците кои пребегнуваат поради тиранијата на сирискиот режим.
 

"Absolute Support to Syrian Revolution."  Via @NadineBek  on Twitter (used with permission)

„Апсолутна поддршка за Сириската револуција“  Преку @NadineBek  на Твитер  (користено со дозвола)

Говорите во голем дел се фокусираа на Палестина, ослободување на Сирија, окупација на Голанските висорамнини и повикуваа на обединување на Сирија и отфрлување на интервенција од надворешните фактори.

"For a united nation, secular and democratic. Palestine will be free." Via @NadineBek  on Twitter (used with permission)

„За обединета нација, секуларна и демократска. Палестина ќе биде слободна.“ Преку @NadineBek  на Твитер (користено со дозвола)

Овој пост е дел од нашата специјална репортажа Протести во Сирија 2011/12.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.