Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Грција: Јавно самоубиство на 77 годишен старец на плоштадот во Атина

Овој напис е дел од нашата посебна репортажа Европа во криза.

Цела Грција утрово беше шокирана од веста дека Димитрис Кристулас, на возраст од 77 год., се застрелал во глава околу 9ч. наутро пред очите на сите минувачи на Синтагма плоштадот, Атина, спроти зградата на Собранието.

Господинот е наводно пензиониран фармацевт кој ја продал својата аптека во 1994 година. Пред истрелот, тој наводно извикал „не сакам да оставам никакви долгови на децата“.

Настан на Фејсбук повикува на собир денес вечер на плоштадот Синтагма: „Сите на Синтагма. Да не се навикнуваме на смрт“.

Авторот на Глобал Војсис, Астерис Масурас, направи колекција од написи и медиуми на Сторифај.

Poster from a Facebook event for this evening in Syntagma square. It reads: "It wasn't a suicide. It was a murder. LET'S NOT GET USED TO DEATH."

Постер од настанот на Фејсбук за оваа вечер на плоштадот Синтагма. Пишува: „Не беше самоубиство. Убиство беше. ДА НЕ СЕ НАВИКНУВАМЕ НА СМРТ“.

Грчкиот Твитер ѕуни цел ден од измешани коментари и реакции за овој трагичен настан:

@YanniKouts: Самоубиство на 77 годишен маж утрово на плоштадот Синтагма шокира. #Greece: „Тој е единствениот начин за достоен крај, не можам да јадам од контејнер.“

Корисникот Аркоудос посака желба за сите запоставени:

@arkoudos: Μακάρι να μη φύγεις. Μακάρι να μείνεις, να παλέψεις. Κι άλλο. Μακάρι.Μακάρι να μη ντρέπεσαι. Μακάρι να ντραπούμε, πρώτα, εμείς.

@arkoudos:  Посакувам да не си заминеше. Посакувам да останеше да се бориш. Повеќе. Посакувам. Посакувам да не се чувствуваше засрамен. Посакувам ние да бидеме првите кои ќе се засрамат.

Корисникот Магика го истакнува срамот кој двете страни го делат за овој контраверзен проблем:

@magicasland: ειναι ντροπή αυτο που κανει το κράτος στο λαό του. αλλά ειναι και ντροπή να αυτοκτονείς ενω επιβίωσε με πεισμα τόσος κοσμος επι κατοχής

@magicasland: Срамота е што државата му прави на својот народ, но срамота е и да се изврши самоубиство додека сите овие луѓе тврдоглаво преживуваа за време на Нацистичката окупација (од Втората Светска Војна).
Syntagma Square, Athens, Greece. Image by Flickr user YanniKouts (CC BY-NC-SA 2.0).

Плоштадот Синтагма, Атина, Грција. Слика од корисникот на Фликр, ЈаниКутс (CC BY-NC-SA 2.0).

Онлајн дебатата прерасна во политичка, покрај нејзината неспорна хуманитарна страна. Новинарот Арис Чаџистефано направи паралела со самоубиството на Буазизи во Тунис:

@xstefanou: Η Ελλάδα έχει το δικό της Μπουαζίζι. Πρέπει να δείξει αν έχει και λαό ισάξιο της Τυνησίας και της Αιγύπτου η μόνο ψηφοφόρους ΠΑΣΟΚ -ΝΔ-ΛΑΟΣ.

@xstefanou: Грција има свој Буазизи. Таа мора да докаже дали народот и е вреден како народот во Тунис и Египет, наместо да има само гласачи на ПАСОК-НД-ЛАОС. (ПАСОК и НД беа главните политички партии последниве две децении, ЛАОС е истакната десничарска партија).

Корисникот Еликас бара правда:

@Elikas: Κάποια στιγμή πρέπει να δικαστούν και οι ηθικοί αυτουργοί για όλες αυτές τις αυτοκτονίες. Που στην πραγματικότητα είναι δολοφονίες.

@Elikas: Некогаш, соучесниците во овие самоубиства ќе мора да излезат на суд. Овие самоубиства се всушност убиства.

Корисникот Сара Фирт ги критикува европските методи за спас на Грција:

@SaraFirth_RT: (Болните) методи на Европа за „спас на Грција“ сега буквално го убиваат грчкиот народ. Самоубиството на Синтагма никогаш не требаше да се случи. #greece

Вестите на Атина известуваат за проштално писмо најдено кај жртвата, каде наводно тој ги споредува сегашната грчка влада со колаборационистите за време на војната:

Владата Цолакоглу ги уништи сите траги за моето преживување. Кога не можам да најдам правда, не можам да изнајдам други начини да реагирам освен да си ставам достоен крај на својот живот, пред да почнам да барам храна по ѓубрето.

Ѓеоргиос Цолакоглу беше грчки воен офицер кој стана првиот премиер на Грчката колаборационистичка влада за време на окупацијата на Силите на Оската во 1941-1942 година. Поврзувањето е очигледно видено како споредба меѓу владата за време на војната и моменталната влада на Лукас Пападемос.

Корисникот ПенелопеД10, потсмевајќи му се на градоначалникот на Атина, Ѓиоргос Каминис, за неговата одлука минатото лето, да ги протера демонстрантите со шатори од плоштадот Синтагма, зашто било лоша слика за туристите во Атина, иронично вели:

@PenelopeD10: Μη βγάλει κι άλλο φιρμάνι ο Καμίνης “απαγορεύονται οι αυτοκτονίες στο κέντρο γιατί βλάπτουν τον τουρισμό”…

@PenelopeD10: Се надевам Каминис нема да издаде уште еден декрет „забранети самоубиства во центарот на Атина зашто му штетат на туризмот“…

Исто така, многумина обвинија некои луѓе дека се обидоа политички да искористат и злоупотребат човечка смрт за политички или лични интереси:

@dianalizia: беобразни! караџаферис ја зграби можноста да го искористи самоубиството од утрово за да ги критикува корумпираните политичари и системот (од кој и тој е дел)

@mindstripper: Οι δημοσιογράφοι πανηγυρίζουν, οι πολιτικοί παπαγαλίζουν κι εμείς στις εκλογές θα κάψουμε γι άλλη μία φορά τη χώρα. Καλό ταξίδι στον άνθρωπο

@mindstripper: Триумф на новинарите, политички папагал и повторно ќе си ја „изгориме“ земјата на националните избори. Збогум до човекот

Настрана од политичка интерпретација и експлоатација на овој трагичен инцидент, корисникот Серк01 потсетува на едноставната вистина за човечкото постоење:

@serk01: κανε ενα βήμα ‘πισω’ και σκέψου τι σημαίνει να αυτοκτονεί ενας ανθρωπος.

@serk01: Направете чекор наназад и помислете што значи кога човечко суштество си го одзема животот.

Овој напис е дел од нашата посебна репортажа Европа во Криза.

Најчестата причина за самоубиство е нетретираната депресија. Депресијата може да се излечи и самоубиството да се спречи. Можеш да побараш помош на СОС линијата за кризни состојби на Клиниката за психијатрија (02) 3136 400, која е достапна 24/7.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.