- Global Voices на македонски - https://mk.globalvoices.org -

Шпанија: Meксиканците блогираат за да се чувствуваат како дома

Категории: Западна Европа, Латинска Америка, Мексико, Шпанија, Граѓански медиуми, Миграција и имиграција

Многу  Латино-Американци eмигрираaт во Шпанија [1] каде што веруваат дека им се нудат повеќе можности кои според нив, не можат да ги добијат во нивните земји. Една од таквите групи на Латино-Американци кои емигрираат во Шпанија, се Мексиканците. Според сајтот Mexicanos en España [шпански], во 2009 во Шпанија живееле 15593 Mексиканци, каде што повеќето од нив се наоѓаат во Мадрид; околу 4675 живеат во главниот град.  Сепак, бројката е само една груба проценка и според многумина таа е далеку поголема.

Мнозинството Мексиканци во Шпанија се студенти, 4919. Останатите работат во Шпанија или се дел од она што некои луѓе го нарекуваат  “розова емиграција” т.е тоа се оние кои што ќе се вљубат во Шпанец или Шпанка.

Во Шпанија постои блогерска заедница на Мексиканци, со што им се дава можност да се искажат себеси, да останат во контакт со нивните сакани и да се поврзат во мрежа со други Мексиканци што живеат во истиот регион.

На блогот De Piratas y Otras Historias [шпански] [2] (За пирати и други приказни) авторката, Елизабет Ернандез Квихано, го опишува секојдневниот живот во комбинација со поезија:

Esta blog es libre y hablaré de temas diversos. Tiene enlace a mis otros blogs y a los que comparto. Mis escritos son la unión con la gente que tengo lejos. Es espacio de poesía, de relatos, de literatura; mía y de escritores amigos o que me gusten. Por supuesto esta blog es para compartir amistad. Una bitácora para salir del mundo cotidiano, un diario personal abierto.

Oва е отворен блог, каде што зборувам за различни теми. Има линкови до моите други блогови како и до некои што ги споделувам. Mоето пишување претставува соединување со моите луѓе кои се многу далеку. Ова е место за поезија, приказни; мои, на моите пријатели или некои кои едноставно ми се допаѓаат. Се разбира, овој блог е за споделување на пријателството. Тоа е дневник за излез од обичниот свет, отворен личен дневник.

Еден друг интересен блог е México Lindo y Querido [шпански] [3] (Мексико, прекрасно и сакано), каде што авторот дава различни гледишта на тоа како мекисканските традиции се одбележуваат во Шпанија, а како во Мексико.

На пример, Día de Muertos или Денот на мртвите е мексикански празник каде луѓето се забавуваат, се смеат и со гозба, цвеќиња и олтари го одбележуваат споменот на саканите кои не се повеќе меѓу живите. Мексиканците во Барселона го одбележуваат на многу сличен начин како што тоа го прават во Мексико, како што е прикажано на блогот:

[3]

Сликата во сопственост на Марта Инес Санчез Наваро и се користи со нејзина дозвола.

На блогот Chido Guey – Madrid [шпански] [4], преку облека е прикажан мексиканскиот дизајн. Тука се објавуваат известувања за изложби во Шпанија поврзани со мексиканската уметност.

Љувиа Моралес е од Мексико, студент по докторски науки во Мадрид и автор на  My Sweet Lluvia [шпански] [5] (Мојот сладок дожд), каде пишува за секојдневниот живот и прави споредба на различни ситуации во двете држави [6]:

Aqui en España muchos niños comen en la escuela y cada escuela tiene su nutricionista que se dedica a balancear la comida diaria. Que les encantan la cerveza y las tapas? Si, pero con moderación. Se toman dos o tres copitas y un bocata, no se atascan tres litros o mas de cerveza en una noche y se comen todos los tacos y el pozole que les es posible.

Тука во Шпанија има многу деца коишто јадат на училиште и секое училиште има свој нутриционист којшто е одговорен за избалансираност на секојдневната исхрана. Дали сакаат пиво и тапас? Да, но во умерени граници. Тие (Шпаницте) ќе испијат две или три пијачки и ќе изедат еден багет, но нема да испијат три или повеќе литри во текот на една ноќ ниту пак ќе се прејадат со тако и pozole [7] чорба.

Блоговите станаа многу важен дел од општеството; помагаат при информирање и одржување контакт со одредени групи на индивидуи или како во овој случај, со луѓе од една земја што живеат во друга.  На пример Mexicanos en España [шпански] [8] е една од најголемите и најкорисни онлајн заедници за Мексиканците коишто живеат во Шпанија. Покрај објавување на настани поврзани со мексиканската култура во Мадрид, тие објавуваат и можности за вработување, линкови до мексикански медиуми како што се весници, телевизиски емисии, списанија итн; па дури и даваат најразлични совети за мексикански рецепти.

Со други зборови, овие блогови се само пример за онлајн револуцијата која што ја живеат Мексиканците во Шпанија во изминативе неколку години, бидејќи овие блогови ја имаат моќта да ги обединуваат луѓето, да ги информираат и да им помогнат да се чувствуваат како дома дури и кога се  илјадници километри далеку од нивната сакана земја.