- Global Voices на македонски - https://mk.globalvoices.org -

Македонија: Блогови и други извори за рецепти

Категории: Источна и Централна Европа, Македонија, Србија, Граѓански медиуми, Здравје, Уметност и култура, Храна

Судејќи според активноста на групата за готвење [1] на македонскиот портал Ping.mk, најактивниот гастрономски блог е Ситно сецкано [2].

Ситно сецкано објавува билингвални рецепти на македонски и на англиски, испробани од тројца автори преку готвење, фотографирање и јадење, нудејќи различни пристапи на подготовка. Во случајов – Пролетна торта [3]:

Photo of Spring Carrot Cake by Maja Dimitrova

Фото Маја Димитрова (употребено по претходно добиена дозвола)

Од неговото формирање во март 2009 година, влијанието на овој блог постојано расте преку квалитетот на нивната оригинална содржина надополнета со маркетинг обиди како првиот подарок кога и да било [4] во македонската блогосфера. Неговите рецепти се појавуваат (со атрибуција) на други блогови како што е Балканска Кујна [5].

Особено истакнат во оваа област е блогот Вегетаријанство [6], кој ја употребува локалната платформа за блогови Kauza.mk, која се употребува како алатка за пренесување информации на каузите за активности за општествени промени [7].

Уште еден гастрономски блог е Приказни од една мала кујна [8], кој вклучува типичен начин на прикажување на рецептите: слики од рачно испишани страници од тефтер со дополнителни објаснувања во објавите. На пример: Морнарска салата [9]:

Photo of recipe for Sailors Salad from a notebook

Од време на време, ‘општите’ блогери пишуваат за нивните кулинарски искуства. На пример, Бочваров еднаш ги претстави неговите ‘цигли од месо’ [10], подготвени од 30 кг свинско мелено месо, 5 кг лук и 2 л вино…

За разлика од силно индивидуалистичкиот вкус на кулинарските блогови, комерцијалните кулинарски веб-локации како Храна [11] и Гурман [12], избираат да прикажат колективна слика.

Понекогаш, некои веб-локации кои се насочени во други домени објавуваат статии на оваа тема. Веб-сајт на денот има оддел со разгледување на кулинарските веб-локации [13], а македонскиот портал за рак ѝ приоѓа на храната и состојките во одделот здрав начин на исхрана [14]. Винаријата Тиквеш [15], која наводно е првата компанија со сопствен блог во Македонија, исто така објавува понекогаш статии кои комбинираат вино и храна.

Сепак, вкупниот број на онлајн извори за готвење на македонски е мал, а влијанието на локалната блогосфера е во почетна фаза. Можеби поради тоа што, кога Храна и вино [16], најголемиот локален гастрономски бренд кој има ТВ емисија и списание, објави издание со ‘рецепти од интернет’ сите извори беа српски блогови како Палачинка [17] и Mое грне [18].