Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Селфи кампања промовира меѓуверска толеранција и етничка разноликост во Мјанмар

Myanmar My Friend Campaign

Фотографија од Фејсбук страницата на #myfriend (мојот пријател) кампањата.

Селфи кампања во Мјанмар промовира толеранција и другарување помеѓу растечки број на случаи со говор на омраза, дискриминација и маалски насилства низ земјата.

Фејсбук кампањата е предводена од млади луѓе од Јангон, најголемиот град во државата, и истата започна минатиот април со повикување на јавноста да позираат за селфи со нивните пријатели кои припаѓаат на други етнички групи или религии.

Кампањата го користи хаштагот #myfriend (мојот пријател) и #friendship_has_no_boundaries (пријателството_не_познава_граници).

Од 2012, има наизменични судири помеѓу некои будисти и малцинството муслимани во централната, западната и северната област на Мјанмар, вклучувајќи и во Меикхтила во централен Мјанмар, каде куќите и на будистите и на муслиманските заедници беа изгорени и илјадници луѓе беа раселени. Најсериозниот случај на ваков криминал и насилство се случи во октомври 2012 во областа Ракхине во западен Мјанмар, каде рохингиа муслимани живеаа во кампови за бегалци во близина на градот Ситве. Владата во Мјанмар ги смета рохингјаните за илегални имигранти.

Во истовреме, онлајн говорот на омраза и малтретирањето се широко распространети низ социјалните мрежи во Мјанмар, создавајќи атмосфера на нетолеранција и расизам.

Подолу се неколку фотографии од кампањата #MyFriend како доказ дека луѓето во Мјанмар, особено младите, се одлучни да ја прекинат омразата со покажување на почит и пријателство.

Хан Сет Лу, будист, прикачи фотографија со неговата пријателка муслиманка:

Myanmar My Friend Campaign (5)

Јас сум будист и мојата пријателка е муслиманка.
Јас сум момче, а таа е девојче.
Ние сме различни, но се прифаќаме еден со друг.
Животот не е вечен, уживајте во него сега.
Бидејќи пријателството нема граници.
#MyFriend
#Friendship_has_no_boundaries – looking for peace with May Khin

Роди Дин, христијанин, споделува фотографија со неговата пријателка будистка од Тајланд:

Myanmar My Friend Campaign (3)

„Јас сум [Христијанин/Чин_Мјанмар] и мојот пријател е [Будист/ Таи]”

Су Јаданар Мјинт, муслиманка, е горда на нејзиното пријателство со Sikh:

Myanmar My Friend Campaign (4)

Тој е Sikh а јас муслиманка.
Но, ние сме пријатели.
Иако имаме разлики, ги споделуваме нашите мислења и верувања, ги прифаќаме и почитуваме нашите различни идентитети. 
#Myfriend
#Friendship_has_no_boundaries

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.