Полнење камион со „Рохинга“ бегалци. Фотографија на Стив Гумаер. Извор: Фликр, CC лиценца

За групите за човекови права надвор од Мјанмар, народот Рохинга припаѓа на групата на најгонети етникуми во светот. Но, за властите во Мјанмар и будистичките националисти, тие се третираат како нелегални имигранти кои живеат во западната држава Ракхине.

Министерството за надворешни работи на Мјанмар бара од другите влади да се воздржат од користење на зборот „Рохинга“ бидејќи е оценет како навредлив од страна на многу луѓе во државата.

Но минатиот месец, од амбасадата на САД во Мјанмар објавија изјава во која се изразува сочуство кон фамилиите на бегалците Рохинга кои загинаа во бродска несреќа.

…we extend our condolences to the families of the victims, who local reports state were from the Rohingya community. Restrictions on access to markets, livelihoods, and other basic services in Rakhine State can lead to communities unnecessarily risking their lives in an attempt to improve their quality of life.

…го изразуваме нашето сочуство кон семејствата на жртвите, за кои локалните извештаи тврдат дека биле од дел од заедницата Рохинга. Ограничувања на пристапот до пазарите, средства за егзистенцијата, и други основни услуги во државата Ракхине можат да доведат до непотребно ризикување на животот во заедниците во обиди да се подобри квалитетот на животот.

Оваа изјава ги налути будистичките националисти кои организираа протест пред амбасадата на САД. Тие носеа транспаренти со пораки како „Оние кои го користат зборот Рохинга се наши непријатели!“ и „Не мешајте се во нашите внатрешни работи!“

Тие инсистираат на тоа дека Рохинга треба да се нарекуваат „Бенгалци“ бидејќи тие се „нелегални имигранти од Бангладеш.“

Мјанмарски националисти протестираат во Манделеј против користење на терминот #Рохингја од страна на САД https://t.co/l7JvK3BLK5 pic.twitter.com/yQCMBSOnGj

— Зашнаин Заинал (@bedlamfury) 14 мај, 2016

Мјанмарски националисти протестираат во Манделеј против користење на терминот Рохинга од стран на САД. #Rohingya [Рохинга]

Националистички протест – прекор за САД за изјавата Рохингја https://t.co/rGphUFYJn6 pic.twitter.com/AHpO0PoRwt

— eprp мјанмар (@EPRP_Myanmar) May 5, 2016

Националистички протест – прекор за САД за изјавата Рохинга

Мнозинството од Рохинга се муслимани кои стотици години живееле во близина на границата помеѓу Мјанмар и Бангладеш. Но, владата во Мјанмар одби да ги признае Рохинга како една од етничките групи во државата.

Од 2012, неколку судири помеѓу тврдокорни будистички и муслимански групи ги иселија Рохинга од нивните заедници. Некои избегаа кон соседните држави од Југоисточна Азија како бегалци со брод, додека многу побараа засолниште во привремените прибежишта.

Обраќајќи се на парламентот на Обединетото Кралство, првиот мјанмарски католички кардинал Чарлс Маунг Бо ги опиша Рохинга како „некои од најмаргинилизираните, дехуманизирани и гонети луѓе во светот.“

Неговата изјава беше објавена од веб-страницата „Ворлд вач монитор“:

They are treated worse than animals. Stripped of their citizenship, rejected by neighbouring countries, they are rendered stateless. No human being deserves to be treated this way..

Ги третираат полошо од животни. Со одземено државјанство, одбиени од соседните држави, тие се луѓе оставени без земја. Ниедно човечко суштество не заслужува да биде третирано на овој начин.

Скот Марсиел, новиот амбасадор на САД во Мјанмар, го прифати ставот на владата на Мјанмар кон зборот Рохинга, но потенцираше дека заедниците имаат право да бидат нарекувани со нивните имиња.

Изјавата на Марсиел поттикна лути коментари на Интернет во Мјанмар и покрај фактот што зборот „Рохинга“ не беше споменат од американскиот претставник.

„Иравади“, веб-страница на независна новинска агенција, објави статија на оваа тема.

Наместо борба за терминологија, повика на дијалог помеѓу будистите и муслиманите:

…rather than arguing over terminology, it is crucial to initiate a dialogue between the Buddhist majority and Muslim minority in Arakan State and negotiate a lasting solution, which would alleviate the everyday suffering of all communities in the impoverished state.

…наместо да се расправаме за терминологија, круцијално е да иницираме дијалог помеѓу мнозинството будисти и малцинството муслимани во државата Аракан и да договориме трајно решение, кое би го отстранило секојдневното страдање на сите заедници во осиромашената држава.