Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Порториканците протестираат против предложениот одбор за финансиски надзор на САД

Marcha contra la Junta de Control Fiscal en San Juan, Puerto Rico. Foto por el autor.

Транспарент на маршот против одборот за финансиска контрола во Сан Хуан, Порторико, на кој пишува, “Одбор за финансиска контрола, колонијално ропство.” Искористено со дозвола.

Во неделата, 1 мај 2016, на меѓународниот ден на трудот, разни граѓански, трговски синдикати и политички групи организираа масовен марш против предлогот на конгресот на САД да се постави федерален Одбор за финансиска контрола со широка моќ во Порторико.

Островот, кој е неинкорпорирана територија на САД, се соочува со тешка финансиска криза. Истиот ден, гувернерот на Порторико, Алехандро Гарсија Падиља, изјави дека блокирал отплата на долг од 422 милиони американски долари кој требаши да се плати во понеделникот, 2 мај 2016. Следниот рок за плаќање е на 1 јули 2016. Вкупниот јавен долг на државата изнесува околу 72 милијарди американски долари.

Критичарите велат, помеѓу другото, дека федералниот Одбор за финансиска контрола ќе се фокусира на плаќање на иматели на обврзници наместо на создавањето мерки за стимулација на државната економија, и дека тој е уште еден инструмент на колонијалната интервенција и контрола. Исто така тој нема да му дозволи на Порторико да го реструктурира сопствениот долг или да го промени фактот дека островот нема придобивки од Законот за банкрот на САД. Сегашната економска рецесија доведе до голема миграција на Порториканци поради сè поголемиот трошок за живот и недостатокот на работни места.

Центарот за нова економија, независна, непрофитна и непартиска организација фокусирана на промовирање на добри социоекономски политики за Порторико, предложи Закон за фискална одговорност како алтернатива:

Una Ley de Responsabilidad Fiscal, impulsada y manejada localmente, que busque reformar las instituciones clave y adopte una regla fiscal bien diseñada puede no solamente transformar la posición fiscal de Puerto Rico sino que puede a la vez introducir reformas de gobernanza que aseguren la solvencia y sostenibilidad fiscal del gobierno en el largo plazo. Una Ley de Responsabilidad Fiscal atiende las preocupaciones legítimas del gobierno federal y los reparos políticos que han surgido en la isla alrededor de la propuesta para una junta de control fiscal.

Закон за фискална одговорност, промовиран и менаџиран на локално ниво, кој има за цел да ги реформира клучните институции и да усвои добро дизајнирани фискални правила, не само што ќе го транформира фискалниот статус на Порторико, туку и ќе воведе владини реформи за да се осигура фискалната солвентност и одржливоста на владата на долг рок. Законот за фискална одговорност одговора на легитимни грижи на федералната влада и политичките приговори кои се појавија на островот околу предлогот за одбор за финансиска контрола.

Еве неколку фотографии од протестите на 1 мај 2016 против Одборот за надзор кои беа споделувани на социјалните мрежи:

13123221_10154182465866457_528235206481202977_o

Демонстрантите држат транспарент на кој пишува “Нашата иднина е во долгови.” Искористено со дозвола.

13151423_1701891413410361_7654076207616745791_n

Протестите пред главниот град на Порторико. Искористено со дозвола.

Manifestantes adentro del centro comercial Plaza Las Américas.

Демонстранти внатре во трговскиот центар “Plaza Las Américas”. Искористено со дозвола.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.