Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Мавританија низ очите на португалски уметник

Португалската уметница Изабел Фиадеиро (@Isabelfiadeiro) живее во Ноуачот, Мавританија, каде таа слика и води уметничка галерија. Фиадеиро исто така црта од набљудување, исполнувајќи го нејзиниот блог Цртање во Мавританија со слики од секојдневниот живот во Западно Африканската нација.

Глобал Војсес разговараше со Фиадеиро за нејзината уметност и како цртањето и помогнало да ја запознае Мавританија.

Глобал Војсес (ГВ): Од каде си по потекло? Колку долго живееш во Мавританија и што те однесе таму првично? 

Изабел Фиадеиро (ИФ): Мојот татко е Португалец, а јас и мојата мајка Шпанки. Пораснав во Португалија и се чувствувам како Португалка. Исто така, живеев и во Англика речиси 15 години (непостојано). Всушност, го напуштив Лондон во март 2003 за да се вратам и вдомам во Португалија; земав диплома по уметност од Учичиштето за уметност Вимблдон во 2000, а престанав да сликам во наредните 3 години, па решив дека е време да се вратам.

Во ноември 2003, јас и пријател од Португалија решивме да патуваме до Гвинеја-Бисау со Рено 4L. Колата се расипа во Parc National du Banc d'Arguin на брегот на Мавританија. Мојот пријател остана во Ноуакчот, а јас отидов со група Французи да го разгледам региоот Адрар.

Одевме по патеките кои се надвор од патот и преку пустината, повремено застанувајќи во мали села да купиме леб или да ги поправиме гумите. Имав книга за цртање со мене и за прв пат почнав да цртам од набљудување. Тоа беше таа љубопитност да дознаам повеќе за луѓето кои живеат на средината на овие големи празни простори, што ме натера да се вратам во јануари 2004, и во септември 2004 се преселив во Ноуакчок и се уште сум тука.

Diallo et Mamadou, tailors in Nouakchott. Sketch by Isabel Fiadeiro.

Diallo et Mamadou, кројачи во Ноуакчот. Цртеж на Изабел Фиадеиро.

ГВ: Како цртањето ви помага да разберете одредено место?

ИФ: Цртањето и набљудувањето кое доаѓа со него ви овозможува да го видите светот на поинаков начин. Успорувате, гледате и откривате работи. За мене овој чин на цртање е исто така еден вид на запаметување и испитување.

Луѓето околу вас доаѓаат да видат што правите, па тоа функционира во двете насоки. Го забележувате она што ви го привлекло вниманието, но со вашето дејство комуникацијата постанува возможна, дури и да не го зборувате јазикот.

Police at demonstration, Nouakchott. Sketch by Isabel Fiadeiro.

Полицијата на протест, Ноуакчот. Цртеж на Изабел Фиадеиро.

Со години ќе отидев во далечно село на еден месец, и ќе отседнев кај локална фамилија, цртајќи го нивниот секојдневен живот. Го направив тоа во две рибарски села во Banc d'Arguin, но исто и во Оуалата, Гонгел и Оуадан. Мојот последен долг престој беше во Тиндоуф во камповите за бегалци во Западна Сахара каде отидов да ги цртам жените и нивната работа во камповите. Се спријателив со сите тие луѓе и се уште разменуваме мејлови и телефонски повици и се сретнуваме кога доаѓаат во Ноуакчот.

Исто така, во секоја област открив нов речник поврзан со морето, или земјата, или добитокот, или револуцијата.

Griots at the Fondation Malouma. Sketch by Isabel Fiadeiro.

Гриоти во фондацијата Малоума. Цртеж на Изабел Фиадеиро.

ГВ: Ти си исто така член на онлајн заедницата Урбани цртачи. Може ли да ни кажеш нешто повеќе за нив?

ИФ: Урбани цртачи е непрофитна, меѓународна организација, посветена на негување на уметноста на цртање и сликање на лице место. Јас сум една од 100те дописници поканети од целиот свет. Нашата цел е да ги инспирираме другите секојдневно да цртаат, на тој начин подобрувајќи ги нивните вештини и капацитети за набљудување.

Ги открив во 2008, и тоа беше големо откритие, бидејќи дотогаш бев изолирана, а наоѓањето на оваа заедница одеднаш направи да посакам да цртам повеќе и подобро. Основачот на Урбани цртачи, Габи Кампанарио, користи цртежи како алатка за репортажа; неговата работа се објавува во Сиетл Тајмс. Овој начин на користење на цртежи остави силен впечаток кај мене.

Discussing The Great Gatsby at a reading club. Sketch by Isabel Fiadeiro.

Дискутирање на Големиот Гетсби на клуб за читање. Цртеж на Изабел Фиадеиро.

Имам учествувано на бројни симпозиуми на Урбани цртачи. Следниот е во Барселона. Сега имаме друг дописник од Мавританија, Oумар Бал, кој почна да црта од набљудување пред неколку години и ја објавува неговата работа на Фликр. Подоцна оваа година сакам да одржам некои говори и работилници за да охрабрам повеќе луѓе во Мавританија да цртаат од набљудување. Citymag, бесплатно списание дистрибуирано месечно во Ноуакчот, започна да ги објавува моите цртежи. Можеби тоа ќе инспирира повеќе луѓе да земат пенкало или молив и да почнат да цртаат.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.