Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Сирија: Реакции на говорот на претседателот Асад

Овој напис е дел од нашиот специјален извештај за Протести во Сирија 2011.

После неколкудневно одложување, претседателот Башар Ал Асад конечно даде говор во среда, 30 март 2011 година, во сирискиот парламент. Пристигнувањето на претседателот во парламентот беше проследено со громогласен аплауз и извикувања од страна на министрите и тие често го прекинуваа неговиот говор, цитирајќи поеми.

Billboard showing Syrian President President Bashar Al Assad, July 2010. Image by Flickr user sharnik (CC BY-NC 2.0).

Сирискиот претседател, Башар Ал Асад, прикажан на билборд, јули 2010. Слика од Фликр корисникот sharnik (Криејтив Комонс, Наведи извор-Некомерцијално 2.0).

Ова не беше добро прифатено од корисниците на Твитер. @syrianrebels објави на твитер:

الشعب يريد إسقاط مجلس الشعب

Луѓето сакаат да го симнат парламентот.

и Ал Јазерас Мухамед Башер додаде:

الشعب يريد إسقاط النفاق

Луѓето сакаат да ја симнат дволичноста.

Ваел Алвани, Сириски студент во Сауди се согласува:

للأسف أشعر بالخزي من مجلس الشعب هذا … انا سوري و هذا المجلس لا يمثلني … مجلس نفاق

За жал, се чувствувам засрамено од овој парламент … Јас сум Сириец, но овој парламент не ме претставува … Дволичен парламент

Аиман, сириски иселеник, ја објави својата прва надеж за очекуваните реформи:

Се надевам дека реформите ќе започнат со разрешување на толку засрамувачки парламент.

Сириски блогер и корисник на Твитер Саса (@syrianews) даде предлози за подобрување на ситуацијата:

4 нешта: прекинете со разрешување, ПРЕКИНЕТЕ, прекинете да ја обвинувате ал џезеира, прекинете да ги обвинувате странците, почнете да објавувате нешто, #basharspeech

Шади Хамид објави на твитер кратка верзија на говорот на Асад, за оние кои го пропуштија:

Кратка верзија на говорот на Башар: реформи можеби. Странски завери сигурно. Сателитските канали се лоши #Сирија

@AnonymousSyria коментираше:

Режим за отпор против реформи, наша одговорност е да го средиме тоа, во петок, не во рок од 10 години како што рече тој! #Сирија

И откога говорот заврши без да понуди некакви реални реформи, корисниците на Твитер побрзаа да ја искажат својата фрустрација и разочарување. Граѓаните на Сирија изјавија:

فعلاً يابشار كنت خارج التوقعات جميعها. كنا نتوقع أن ترمي بالفتات وإصلاحات شكلية. أما مجرد خطبة عصماء وكفى!!!!!! #syria

Навистина Башар ги надмина сите очекувања. Очекувавме дека ќе ни наметнеш остатоци од реформи кои немаат никаква смисла, но се што приреди беше безначаен говор!!!

Дина Џафари се согласува со општото мислење на луѓето кои го следеа говорот, таа рече:

изненадувачки говорот што требаше да биде совршен, меѓу сите негови одлични говори, е единствениот лош…#basharspeech

И Seleucid додава:

Јас сум Сириец. Мојата земја секогаш ме прави горд, особено кога тоа не е поради нејзините лидери.

На RevolutionistSY му дојде преку глава, тој објави на Твитер:

شباب انا رايح اسمع سميح شقير .. يا حيف بس يا حيف .. اكتفيت من هالمهزلة .. تصبحو ع وطن #Syria #15 март

Луѓе, јас ќе го слушам Самих Шекир.. О срамота, о срамота.. Доста ми е од оваа измама .. може ќе се разбудам во татковината

Тој мислеше на песната наречена O shame, посветена на жртвите од Дараа. Песата е на Самих Шекир, сириски пејач познат по своите патриотски песни. Песната е во видеото подолу, достапно со англиски преводи. (кликнете на иконата CC за да ги видите).

http://www.youtube.com/watch?v=eEUdnpMp8xw

Овој пост е дел од нашиот специјален извештај Протести во Сирија 2011.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.