Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Полска: Претседателот Качински загина во авионска несреќа-првични реакции

Вестите за авионската несреќа што се случи утрово во Западна Русија, во која загинаа претседателот Лех Качински, неговата сопруга и десетици други високи полски функционери, стигнува до целата блогосфера, како и на мејнстрим медиумите. Претседателот патувал во Катин, за да учествува на комеморацијата за масакрот во Катин од 1940 година.

И на Твитер и на полски сличен сервис Blip.pl се појавија првичните реакции за оваа катастрофа. Луѓето се шокирани.

Ewa_b пишува:

Не можам да поверувам…

Nice додава [полски]:

Ова мора да е лош сон 🙁

Некои други, како Namenick,се шокирани и ги пренесуваат вестите на англиски јазик:

ШОКИРАН СУМ-Полски авион се урна кај Смоленск. Нема преживеани.

Vagla истакнува (полски):

Половина од полската влада беше во тој авион.

Нustka се придружува кон коментарите:

Ова беа луѓето кои ја водеа државата. Хаос!

Perdo истакнува [полски]:

Спикерот на Парламентот го завзема местото на претседателот. Ќе објават предвремени избори.

Полските медиуми како Onet.pl се блокирани поради преоптовареност, а истото се случува и со мобилната телефонија.

Dziennikarz известува [полски]:

Сите полски портали имаат проблеми со преоптовареност на мрежите.

Malis информира за мобилните мрежи [полски]:

Мрежата #plusgsm е преоптоварена. Луѓето треба меѓу себе да си се јавуваат за да ги дознаат новостите.

Мејнстрим медиумите редовно известуваат, па се појавија реакции и на нивните извештаи.

KissMeJoeJ објави:

Сликите од оваа трагедија се ужасни. 132 луѓе се мртви 🙁 [*]

Polskatimes.pl ја објави првичната листа на патници во авионот, поставувајќи ја и на Твитер.

Некои како Irenkaa, започнаа со шпекулации [полски]:

Се прашувам дали оваа трагедија е навистина несреќа..

Voter101 коментира за фактот дека претседателот не беше омилен меѓу народот [полски]:

Никој не го сакаше-сега кога е мртов го почитуваат… Иронично.

Naphilim објаснува [полски]:

Можеби не го сакав, но вака не ја замислував промената на претседателот на државата.

Луѓето се собираат во групи да го искажат своето сочуство, како што dominikpanek пишува [полски]:

Пред претседателската палата се собираат граѓаните на Варшава. Носат цвеќиња и пораки.

Корисниците на Твитер го користат хаштагот #RIPLechKaczynski да го искажат своето сочуство онлајн, повикувајќи ги останатите да им се придружат, како што тоа го прави TeamJoeЈ:


Ве молам продолжете да помагате со #RIPLechKaczynski 🙁

Твитот на Linkaaa‘s го изразува општото мислење на корисниците на полските социјални мрежи:

Плачам. Иако не сум се интересирала за политика, сега во прашање е Полска. Мојата земја. Нашиот претседател. Полскиот претседател.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.