Ги гледате сите јазици горе? Ние го преведуваме Global Voices за да ги направиме дветските граѓански приказни достапни за сите

Дознај повеќе за преводите од Lingua  »

Иранскиот претседател вели „Чавес ќе се врати со Исус“

Претседателот Ахмадинеџад, во својата порака за сочувство за лидерот на Венецуела, Хуго Чавес, што беше објавена на неговата официјална веб-страница, го наведе претседателот Чавес како „Маченик на служба за народот на Венецуела, кој умре под сомнителни околности.“ Ахмадинеџад додаде, „Не се сомневам дека Чавес ќе се врати со Исус Христос и со сите други праведници“, мислејќи на Скриениот Имам, кои некои во исламот сметаат дека ќе биде идниот спасител на човештвото.

Ахмадинеџад беше критикуван за оваа порака и од нетизените и од Ахмад Катами, водечки конзервативен политичар на режимот.

Дамавандие пишува:

Иранската младина беше убивана, земјотрес ја погоди азербејџанската провинција, луѓе кои ѝ служеа на оваа земја умреа, но владата не прогласи национален ден на жалост, дури ни кога Иранците жалеа. Сега Чавес почина… и наеднаш владата прогласува ден на жалост. Само што почина, Иранците почнаа да си праќаат смс-пораки меѓу себе, шегувајќи се за него

Ahmadinejad presents Chavez as a Shi'ite Saint. Mana Neyestani in Roozonline

Ахмадинеџад го претставува Чавес како шиитски светец. Мана Нејестани за Roozonline (користено со дозвола)

Азади ги цитира иранските медиуми кои велат дека Ахмадинеџад му се јавил на венецуелскиот потпретседател пред еден месец и рекол дека се моли на Господ за здравјето на Чавес. Блогерот со иронија вели дека надежно Ахмадинеџад ја изговара истата молитва за Али Каменеи [врховниот лидер на Исламската Република].

Азармер цитираше еден дел од пораката на Ахмадинеџад за смртта на Чавес и објави неколку фотографии од починатиот венецуелски претседател заедно со Садам Хусеин, поранешниот ирачки диктатор и голем непријател на Иран и Мохамад Катами, поранешниот реформистички претседател.

Challenger објави фотографии од Чавес како игра со две секси танчерки и прашува дали и тие две ќе се вратат заедно со Христос и со Скриениот Имам.

Tweatter пишува дека се надева дека Чавес нема да чека премногу долго за да се врати.

1376 executions вели:

Ако еден ден Иран и Италија би развиле силни односи, иранската влада би го рекла истото за поранешниот италијански премиер, Силвио Берлускони, дека овој женкар ќе се врати со Христос.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.