Во обид да го спречи ширењето на КОВИД-19, Ел Салвадор ги затвора своите граници без ниту еден официјално потврден случај
Кадар од екранот од прес-конференцијата на Наиб Букеле на 11 март 2020 г. Извор:„Ел Диарио де Ој“ (El Diario de Hoy)
Информирајте се преку вонредните стории на „Глобал војсис“ за влијанието на КОВИД-19 во глобални рамки.
На 11 март, претседателот на Ел Салвадор, Наиб Букеле прогласи 21-дневен карантин на ниво на целата држава, со цел спречување на пандемијата на КОВИД-19, во малата централноамериканска земја. Засега нема потврдени случаи на КОВИД-19 во Ел Салвадор, иако новинарите ја ставија под знак прашалник веродостојноста на официјалните податоци.
Наставата во сите училишта веднаш беше прекината и останува нејасно како родителите и негувателите ќе се прилагодат на рестрикциите во образовниот систем. Од друга страна, пак, меѓународната трговија ќе продолжи. Владата објави дека ќе отвори центри за собирање храна и залихи за луѓето во карантин.
Букеле во својот говор се осврна на Италија, која исто така спроведува посебен режим за да го спречи ширењето на вирусот надвор од своите граници. До денес, во Италија има 17 660 заразени со вирусот и 1 266 смртни случаи.
"Hermanos salvadoreños, como les dije, esta decisión va a ser criticada por muchos, pero reitero: ¿qué daría Italia por estar en nuestra posición?", Presidente @nayibbukele. pic.twitter.com/4YisWhF1ag
— Casa Presidencial (@PresidenciaSV) March 11, 2020
„Браќа Салвадорци, како што реков, оваа одлука ќе биде мета на критики од многумина, но повторувам: Што би дала Италија за да биде на наше место?“ изјави претседателот Наиб Букеле.
„Нашиот здравствен систем не е на ниво на Италија, не е на ниво на Јужна Кореја“, продолжи тој.
Во медиумите честопати се пишува за здравствениот систем на Ел Салвадор поради недостатокот на лекови, средства и медицински персонал.
Денес, во Ел Салвадор, само државјани, жители и дипломати може да влезат во земјата. Ако патникот доаѓа од ризична земја, тој мора да помине 30 дена во карантин. На 12 март, владееше збунетост на меѓународниот аеродром во Сан Салвадор бидејќи луѓето наводно се обидувале насилно да влезат во државата.
На 13 март, владата достави две уредби до Законодавниот дом според кои, доколку се усвојат, ќе биде прогласена вонредна состојба во државата и специјален режим во Ел Салвадор, со што ќе се ограничи слободата на собирање и слободата на движење.
Реакции на друштвените медиуми
Хозе Валадарес, салвадорски коментатор на „Јутјуб“, како и многу други Салвадорци на „Твитер“, ја поддржа одлуката на претседателот.
Pues excelente decisión del gobierno.
?? Ahora, nos toca acatar medidas sanitarias y que no cunda el pánico.
Oremos para que todo se normalice.
— José Valladares (@soyjoseyoutuber) March 12, 2020
Па, одлична владина одлука.
Сега, на нас останува да внимаваме на хигиената и да не паничиме.
Да се молиме за сè да се врати во нормала.
Аналитичарот Тициано Бреда од Меѓународната кризна група нагласува колку централноамериканските економии зависат од трговијата, но сепак смета дека одлуката на Ел Салвадор била најдоброто решение.
Now that #Coronavid19 is almost inevitably starting to hit #CentralAmerica, countries in the region are responding in different ways, struggling between maintaining a lifeline for their fragile economies and the need to prevent the spread of the disease [THREAD]
— Tiziano Breda (@TizBreda) March 11, 2020
Сега кога КОВИД-19 речиси неизбежно почнува да ја погодува Централна Америка, државите во регионот реагираат на различни начини, избирајќи меѓу одржување на кревката економија во живот или потребата да се спречи ширењето на болеста.
#Coronavid19 [КОВИД-19] #CentralAmerica [Централна Америка]
Наградуваната новинарка од Никарагва ја поздравува одлуката на Наиб Букеле и ја споредува со наводното недејствување на Никарагва да го спречи ширењето. Таа исто така го критикува Министерството за здравство на Никарагва што одбило да пружи нега на антивладините демонстранти од 2018 година.
La medidas adoptadas por @nayibbukele en #ElSalvador ante coronavirus son acertadas, prevenir antes que lamentar una muerte. En #Nicaragua parece que régimen tienen un gran letrero "BIENVENIDO CORONAVIRUS". Ya el sistena de salud dejó morir a heridos x represión en 2018 y ahora?
— Lucia100%Noticias (@LuciaPinedaU) March 12, 2020
Мерките што Наиб Букеле ги презеде во Ел Салвадор се разумни, подобро е да се спречи отколку да жалиме за нечија смрт. Во Никарагва се чини дека владата има огромен знак на кој пишува „ДОБРЕДОЈДЕ КОРОНАВИРУС“. Здравствениот систем веќе дозволи ранетите да умрат за време на репресијата во 2018 година, а сега?
#ElSalvador [Ел Салвадор]
Од друга страна, младите во Ел Салвадор прашуваат како да се придржуваат кон здравствените упатства ако немаат пристап до проточна и чиста вода. Ел Салвадор изминативе години се соочува со криза за вода, а состојбата дополнително се влоши во јануари 2020 година.
Бараат од мене да ги мијам рацете често, но во моето соседство немаме ниту проточна вода.
Хорхе Куељар, предавач и истражувач-соработник на Универзитетот Дартмут, сепак, смета дека директната одлука на Букеле е популистички потег:
Still thinking about Bukele’s alarmist 21-day decree yesterday that ‘immediately’ quarantined El Salvador. It only ‘immediately’ induced panic. The emergency session was not the best way to address this. Most of it was populist theater.
— Jorge Cuéllar (@infrapolitics) March 12, 2020
Уште размислувам за вчерашната, панична 21-дневна уредба на Букеле што „веднаш“ го стави Ел Салвадор во карантин. Единствено што „веднаш“ се предизвика е паника. Прогласувањето за итен случај не беше најдобриот начин да се реши ова. Во најголема мера беше популистички театар.
САД и Мексико продолжуваат да депортираат мигранти и баратели на азил, што предизвикува загриженост кај борците за права и официјалните лица.
„Претставник на Миграцискиот институт во Ел Салвадор побара прекин на депортациите додека владата се подготвува за вирусот“, објави „Латин Америка Њуз Диспач“ (Latin America News Dispatch).
Advocates and officials are concerned that the steady arrival of deportees from the U.S. and Mexico to Central America could complicate the region’s ability to contain the coronavirus. #TodayInLatinAmerica https://t.co/EAFhDhi6hM
— Latin Dispatch (@LatAmDispatch) March 13, 2020
Борците за права и официјалните лица се загрижени дека постојаното пристигнување на депортираните од САД и Мексико во Централна Америка може да му отежни на регионот при неговите напори да го спречи коронавирусот.
#TodayInLatinAmerica [Денес во Латинска Америка]
Други Салвадорци возвратија со хумор.
Ел Салвадор во моментов.
