Малезиските „отровни“ политики наликуваат на „Игра на тронови“, вели братот на премиерот

Malaysian Prime Minister Najib Razak. Photo from Najib's official Facebook page

Малезискиот премиер Наџиб Разак. Фотографија од официјалната Фејсбук страница на Наџиб

Политичката состојба во Малезија сигурно е во многу лоша состојба штом братот на премиерот ги споредува скорешните случувања во државата со холивудската серија „Игра на тронови“.

Назик Разак, брат на премиерот Наџиб Разак и претседател на втората по големина банка во државата, ги изрази неговите грижи од последиците од корупцискиот скандал во кој беше вмешана и владеачката партија. Во напис на инстаграм кој веднаш стана вирален во Малезија, Назир можел да најде паралели помеѓу политичките непогоди во Малезија и приказната во тв серијалот „Игра на тронови“, во кој различни фамилии во средновековно европски свет брутално се натпреваруваат за моќ.

Текстот во овој напис вели:

Па што имаме пред нас? Паралелите со ИнТ продолжуваат. Иднината ме преплашува: јас не можам да видам како нашите институции ќе се опорават, како нашата политичка атмосфера ќе стане помалку отровна, како нашата меѓународна репутација ќе биде поправена. Мислам дека мораме да паузираме, да го поправиме нашиот морален компас и холистички да се справиме со нашите структурални проблеми. Верувам дека ни треба втор Државен консултативен совет.

Минатата година, премиерот беше обвинет за заработување на речиси 700 милиони американски долари од државната инвестициска компанија 1MDB. Наџиб тврдеше дека парите на неговата лична банкарска сметка биле политичка донација од член на саудиската кралска фамилија. Проблемот предизвика протести низ Малезија, и некои од сојузниците на Наџиб дури повикаа на негова оставка.

Но на почетокот на оваа година, јавниот обвинител го прогласи за невин Наџиб, по сите обвинувања.

Сепак, ова прашање продолжува да прави поделби во државата. Многумина не се убедени дека Наџиб ги земал парите во име на владеачката партија.

Поранешниот министер Рафидах Азиз се запраша дали со оваа постапка јавниот обвинител ќе постави негативен преседан на идните политички донации. Фејсбук написот на Рафидах беше споделен повеќе од 5.000 пати:

…ЈО треба да биде подготвен да ги објасни деталите ..и импликациите на овие одлуки…

…..дали со ова се постави преседан, за тоа како донациите се префрлаат на индивидуи, преку приватни сметки, пари кои можат да се вратат …незадолжително во целост..И се смета за чиста работа ? Нема случај …?

Азиз, кој е член на владеачката коалиција, исто така го повика премиерот да научи од овој дебакл:

Можеби најважната ЛЕКЦИЈА за премиерот, да научи дека НИКОГАШ не треба да се бараат политички донации од некого, кои НЕ МОЖАТ да се објаснат јасно, на прв поглед. И ЗА КОИ ТРЕБА ДОЛГО ВРЕМЕ ДА СЕ ОБЈАСНАТ!

Особено од странци ! Или од КОЈ БИЛО!

Покрај локалната истрага, владата на Наџиб исто така се соочува со прашања од странски власти. Властите во Швајцарија објавија дека речиси четири милијарди американски долари се украдени од државните компании од Малезија, а Сингапур заробил одредени банкарски сметки поврзани со перење на пари.

Многу граѓани продолжуваат да се сомневаат во легитимноста на политичката донација:

Саудијците дале 100 милиони $ на Палестинците во 2013 а донирале 681 милиони $ на личност како @NajibRazak?

Ако ја прифаќате одлуката на ЈО туку-така, тогаш ви судам силно. Навистина силно.

Додека другите се прашуваа како ќе продолжат работите по изјавата:

1) Кога се вратени парите? 2) Зошто се вратени парите? 3) Дали е редовна пракса „донациите“ да се враќаат?

Други повикуваа на понатамошни истраги:

Премиерот Наџиб Разак треба да биде вкрстено испрашан на суд за да се открие вистината за скандалот #1MDBhttps://t.co/Sq0qgBLtSp

И конечно, малку хумор:

24) Ако „донациите“ и „подароците“ не подлежат на данок, може ли да побарам од мојот работодавач да прекине да ми дава месечна плата и одвреме навреме да ми дава подароци?

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.