[1]Фотографија во боја од старата законодавна зграда која е уништена за време на битката во Манила. Фотографијата е од службениот весник на филипинската влада.
За време на Втората светска војна, Манила беше окупирана од страна на Јапонската царска армија. Во почетокот на 1945 година, по едномесечна битка американските сили и филипинските герилски борци го ослободиле филипинскиот главен град. Поради жестоките борби и тешките бомбашки напади, Манила стана вториот најуништен сојузнички главен град (по Варшава, Полска) за време на Втората светска војна.
Во 2015 година, за да ја одбележи 70 годишнината од крвопролевањето, филипинската влада лансираше онлајн портал [2] кој вклучува фотографии [3], видеа, есеи, мапи, сведоштва и други извештаи [4] кои се однесуваат на историската битка. Исто така, посебната колекција нуди фотографии во боја [1] од некои од иконските згради и воени сцени во стара Манила.
За време на битката во Манила, повеќе од 100.000 цивили беа убиени и владините згради во градот се скоро целосно уништени. Владиниот портпарол [5] ја резимира ситуацијата во главниот град по битката:
100.000 Филипинци загинаа, владините згради лежат разурнати, а Манила повеќе не е бисер на Ориентот. Некогаш славниот град и првиот космополитски центар на Истокот, кој ги спои Истокот и Западот, сега исчезна под купот рушевини.
Европското богатство во Манила (Филипини била колонија на Шпанија повеќе од 300 години) е изгубено поради уништувањето на градот. Владиниот портпарол додава:
Филипинците изгубија непроценливи обележја на културата и нивниот идентитет како народ. Владините згради, универзитетите и колеџи, црквите како и други институциски места исчезнаа заедно со сите скапоцености во нивна сопственост. Објектите претрпеа уривање за да го отворат патот кон напредок. Oва значи отфрлање на европската архитектура наместо функционалната, американска архитектура која е инспирација за нашите згради денес. Само некои од првите објекти ќе останат непроменети.
Погледнете некои од фотографиите во боја од старата Манила по војната. Некои фотографии се споени со фотографии од денешниот изглед на градот:
[1]Фотографија во боја од американски војник за време на битката во Манила. Фотографија од службениот весник на филипинската влада.
[1]Фотографија во боја од центарот на Манила во рушевини. Фотографија од службениот весник на филипинската влада
[1]Споени фотографии од војници кои ја поминуваат реката Пасиг и како изгледа денес. Фотографија од службениот весник на филипинската влада
[1]Споени фотографии од јапонските војници кои маршираат во близина на претседателската палата и како улицата изгледа денес. Фотографија од службениот весник на филипинската влада
[6]Овој споменик е изграден во чест на цивилите кои загинале за време на битката во Манила. Фотографија од службениот весник на филипинската влада
Овој редок видео [7] документарен филм, снимен со Кодак камера во боја, дава увид во уништувањето предизвикано од војната:
Додека јапонските сили се главно обвинувани за убиство [8] на илјадници цивили, некои историчари исто така ја обвинуваат американската војска за бомбардирање на владините згради и други инфраструктури кои ја уништија економијата на главниот град.