Изразување почит кон Деа, Јусор и Разан Абу-Салха, од @_mz_cool
„Ние сме едно, една култура“ – изјави 21-годишниот студент Јусор Абу-Салха на интервју снимено како дел од проектот на StoryCorps за тоа како изгледа поминувањето на детството во САД.
Неделава, Абу-Салха, нејзината сестра Разан (19 години) и нејзиниот сопруг Деа Бакарат (23 години), беа брутално убиени во нивниот дом во Чапел Хил, Северна Каролина. Полицијата го уапси нивниот сосед, Крег Стефан Хикс и го обвини за убиство од прв степен. Иако, според изјавите на двајца пријатели на младата Абу-Салха, Хикс е нервозен човек кој намерно им правел проблеми, жената на Хикс го претставува нејзиниот маж како толерантен човек и тврди дека тројното убиство било предизвикано од „кавга при паркирање“.
Имаше поплава од реакции како одговор на убиството кое многумина го гледаат како криминал поттикнат од омраза. Д-р Mохамад Абу-Салха, татко на Јусор и Разам, го замоли американскиот претседател Барак Обама убиството да биде истражено како криминал од омраза; извештаи од ФБИ велат дека навистина е започната истрага.
Турскиот претседател Реџеп Таип Ердоган го критикуваше молкот на претседателот Обама во врска со убиствата, велејки: „Ако молчиш кога се соочуваш со инцидент како овој и ако не дадеш изјава, светот исто така ќе остане тивок спрема тебе“. Неговиот став беше прифатен од многумина, вклучувајќи и политичари од Средниот Исток, како што укажа Хуан Кол.
На социјалните медиуми, луѓето го критикуваа одговорот на медиумите, сметајќи дека приказната се појавила во јавноста подоцна во однос на другите вакви убиства и дека минатото на потенцијалниот убиец не било воопшто дискутирано, за разлика од случаите кога злочинот го сторил Арап или Муслиман.
Палестинскиот новинар Али Абунима сподели на Твитер:
Да ве потсетам, Обама веднаш одговори на пукањето во еврејскиот центар во Канзар, за разлика од случајот во Чапел Хил.
— Ali Abunimah (@AliAbunimah) 12 февруари, 2015
Да ве потсетам, Обама веднаш одговори на пукањето во еврејскиот центар во Канзар, за разлика од случајот во Чапел Хил.
— Ali Abunimah (@AliAbunimah) 12 февруари, 2015
Со низа од твитови, мароканско-американската писателка Лејла Лалами го претстави ставот на многу луѓе:
Можеби не ги знаеме деталите за белиот убиец и муслиманот жртва, но ќе ги знаевме ако улогите им беа сменети.
— Laila Lalami (@LailaLalami) 11 февруари, 2015
Можеби не ги знаеме деталите за белиот убиец и муслиманот жртва, но ќе ги знаевме ако улогите им беа сменети.
— Laila Lalami (@LailaLalami) 11 февруари, 2015
Апсурдниот аргумент дека инцидентот е предизвикан од кавга за место за паркирање се користи како доказ дека мотивиот за овие убиства не е фанатизам.
— Laila Lalami (@LailaLalami) 11 февруари, 2015
Апсурдниот аргумент дека инцидентот е предизвикан од кавга за место за паркирање се користи како доказ дека мотивиот за овие убиства не е фанатизам.
— Laila Lalami (@LailaLalami) 11 февруари, 2015
Но, ако муслиман убие тројца поради место за паркирање, кавгата за место за паркирање ќе биде искористена како доказ за неговото варварство.
— Laila Lalami (@LailaLalami) 11 февруари, 2015
Но, ако муслиман убие тројца поради место за паркирање, кавгата за место за паркирање ќе биде искористена како доказ за неговото варварство.
— Laila Lalami (@LailaLalami) 11 февруари, 2015
Палестинско-американската новинарка Сара Јасун укажа на некои апсурдни тврдења на медиумите со овој твит:
Ако се уште не сте го истражиле, како знаете дека убиството не е криминал од омраза?
— Sara Yasin (@missyasin) 11 февруари, 2015
Ако се уште не сте го истражиле, како знаете дека убиството не е криминал од омраза?
— Sara Yasin (@missyasin) 11 февруари, 2015
Мохамед Ал Шухаил од Саудиска Арабија, забележа:
يصبح الإسلام كله إرهاب عندما يكون الجاني مسلماً، أما #مجزرة_شابيل_هل فهذه جريمة لا اكثر !. #ChapelHillShooting pic.twitter.com/0HZaRbf9NT
— محمد الشهيل (@Mafalsh) February 11, 2015
Сите следбеници на Исламот стануваат терористи кога виновникот е муслиман, но кога станува збор за пукањето во Чапел Хил, тоа е само обичен криминал и ништо повеќе.
Овој твит од Муткер Бен Самхан, учител од Ал Касем, Саудиска Арабија, беше споделен 95 пати:
لو القاتل مسلم لشن الإعلام الغربي حربًا على الإسلام والمسلمين لكن القاتل منهم وهذه تسمى حادثة عرضية!! #مجزرة_شابيل_هل #ChapelHillShooting
— مذكر مسلط ابن سحمان (@ben_sehman) February 11, 2015
Да беше убиецот муслиман, западните медиуми ќе започнеа војна против Исламот и муслиманите, но бидејќи убиецот е еден од нив, тоа е само инцидент.
Сауд Бас од Саудиска Арабија им вели на своите 8000 следбеници на Твитер:
#مجزرة_شابيل_هل في الإعلام لا يسمى شابيل هل ارهابي لأنه غير مسلم (( يسمونه مجرم )) الإرهاب فقط للمسلمين.
— سعود باس (@riirs) February 11, 2015
Според медиумите, убиецот од Чапел Хил не е терорист туку само убиец. Тероризмот е само за муслимани.
