Ги гледате сите јазици горе? Ние го преведуваме Global Voices за да ги направиме светските граѓански приказни достапни за сите.

Дознај повеќе за преводите од Lingua  »

Русија: Преглед на интернетот во 2010

Фотографија на storozhenko/Flickr

Во 2010 година беа нагласени неколку значајни трендови во рускиот интернет. Онлајн присуството расте многу брзо со луѓе кои сè повеќе добиваат онлајн вести и активно ги користат социјалните мрежи. На многу начини, 2010 година донесе признавање на моќта на интернетот во руското општество.

Според  РуМетрика [руски], дневната публика на РуНет била 38 милиони во Ноември 2010 година. Тоа претставува зголемување за 40 проценти од пред само една година. Тркалезната маса “РуНет 2010″ одржана во Дума (Рускиот парламент) во декември оваа година, исто така, го пнагласи фактот дека постојат 46.5 милиони онлајн корисници во земјата. Тоа е највисокиот број на интернет корисници во Европа. Сепак, Русија сеуште заостанува во однос на пробивање на интернетот.

Русите активно ги конзумираат онлајн вестите и пополека ги одбегнуваат традиционалните медиуми. Онлајн секторот за вести моментално има 19.6 проценти од публиката на РуНет. Други популарни области на интернет се бизнисот, компјутерите и филмовите со 15.9, 12 и 9.8 проценти од онлајн присутните воопшто.

Исто така изгледа дека Русите стануваат се позаинтересирани за виртуелните тури во националните музеи и уметнички галерии, додека, нивните апетити за онлајн музика се намалуваат. РуМетрика го објаснуваат ова со големата достапност на музика на социјалните мрежи (најпопуларната од нив, Вконтакте.ру, e најпознатата за хостирање на огромна количина на авторска содржина лесно достапна за било кој од корисниците). Во исто време, РуМетрика велат, виртуелните тури во националните музеи станаа достапни од неодамна и многу луѓе од подалечните региони на земјата добија можност да ги посетат онлајн врвните уметнички галерии.

Руската блогосфера значително порасна во обем – постојат 30 милиони блогови – и популарност во 2010 година. Според медиумската служба  Паблик.ру [руски], традиционалните медиуми цитирале информации од блогосферата 6 000 пати во 2010 година.  Тоа е 30 пати повеќе отколку од пред пет години.

Паблик.ру, исто така, извести дека независните блогери активно учествувале во формирањето на јавното мислење во 2010 година. “Политичарите, владините претставници, општеството и традиционалните медиуми исто така почнаа да известуваат за информации на Livejournal.com [најпопуларната блогерска платформа во земјата- ГВ],”  пишува Паблик.ру, „Се создаде нова вертикала на информирање: општество-блогери-медиуми-власти”.

Главните пет наслови во руската блогосфера во 2010 година кои беа опширно покриени од страна на главните медиуми се:

  • Борбата за заштита на шумата Кимики (видете ја ГВО статијата овде).
  • Сообраќајна несреќа на потпретседателот на Лукоил (видете ја ГВО статијата овде).
  • Протестот “Сини кофи” (видете ги ГВО снимките овде и овде)
  • Случајот со “Поручникот Перл” (снимка како рускиот поручник ги тепа протестирачите во Москва).
  • “Ринда” и руските силни пожари (видете ја ГВО статијата овде и овде).

Помеѓу главните пет руски блогери спаѓаат навални (видете интервју на ГВО со него овде),  тема (дизајнер кој сака да пцуе МНОГУ),  другои (Руски фотограф),  топ-лап (неговиот блог е укинат, ГВО известија за ова  претходно) и доктор-Лиза (информации за позадината имате овде).

Може  да се претпостави дека онлајн трендовите прикажани во 2010 година ќе продолжат да се развиваат во годините кои што доаѓаат. Руската блогосфера ќе продолжи да расте заменувајќи ги традиционалните медиуми во однос на корисниците и влијанието. Како што повеќе и повеќе Руси се приклучуваат на интернет, многубројни социјални платформи ќе создадат линкови и ќе привлечат се повеќе луѓе. Ова би водело до дури побрзо ширење на информациите. Претседателските избори во Русија во 2012 година подгреваат различни политички гледишта на РуНет. Карактеризирани од повеќето Руси како недоверливи и корумпирани, традиционалните форми на медиумите ќе бидат драстичен контраст на онлајн светот со разгорувањето на политичките дебати.

Исто така, ќе видиме многу успешни приказни на граѓани кои известуваат и онлајн активизам во 2011 година. Некои од тие приказни (и блогери) ќе бидат ништо повеќе отколку само пиони во паметните политички битки помеѓу различните групи на власт. Да, руските власти ќе направат неколку обиди за да ги контролираат информациите кои доаѓаат онлајн. Таквите обиди, во поголем дел, ќе бидат суптилни и не толку ефективни.

Севкупно, 2001 година ќе биде многу динамична година за РуНет. Исто така, ќе биде и неверојатна година за нас, луѓето кои работиме во РуНет Ехо. Луѓето кои се фасцинирани и воодушевени од се она што се случува во рускиот онлајн свет. Ние гордо и со нетрпение чекаме да ги споделиме приказните со глобалните заедници и да го донесеме на РуНет поблиску до остатокот од светот.

СРЕЌНА НОВА ГОДИНА!!!

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.